CEELKA XOOLUHU KA CABAAN EE QUDHACDHEERO
Duqa magaalada laascaanood iyo wasiiro la socda
Duqa magaalada laascaanood oo wax ka aasaya ceelashii laysku hayey
Geedka uu Ku magac dheeryahay Qurac dheero
Ciidamada Daraawiishta iyo Booliska oo ka qayb qaadanaya burburinta
ceelasha laysku hayey |
Tuulada
Qudhacdheero oo lagu soo af jaray shaqaaqooyin laysku hayey ceelal laba
beelood ay ka wada qoteen
Laas caanood Somalitalk Axad18/7/05
Waxaanu saaka ku waa bariisanay tuulada
Qudhacdheero oo iyadu 30 kiilo mitir u jirta magaalada laascaanood kagana
beegan waqooyi bari waxaana halkaa iyagu isku horfadhiyay laba beelood oo
iyagu ka soo kala jeeda deegaamada Yagoori iyo Adhicadeeye. Waxayna labadaa
beelood iyagu iskaga horyimaadeen ceelal yaryar oo qolowaliba dhinaceeda ay
ka rabtay inay iyagu ka cabaan.
Hadaba duqa magaalada laascaanood C/rashiid
barkhadle iyo koox wasiiro ah oo uu hogaaminayo wasiirka shaqada iyo
ciyaaraha iyo isboortiga Siciid Qoorsheel oo ay weheliyaan cutubyo ka tirsan
ciidamada daraawiishta iyo booliska ayaa halkaa u tegay inay kala xaliyaan
labadaa beelood ee iyagu isu hub urursaday waxayna wateen gawaadhida
gaashaaman ee loo yaqaan tiknikada.
Shaqaaqadan ayaa iyadu sababin in ay labadaa
beelood waxyeelo soo kala gaadho marka laga reebo isu ciidansan iyo hub
urursi mooyee hase ahaatee waxa intii lagu hawshaysanaa sidii loo kala
gaadhi lahaa uu shil soo gaadhay gadhi ciidanku leeyahay iyo gadhi shacab
kuwaas oo isku sigtay inay fooda isdaraan hase ahaatee gaadhigii ciidanka
ayaa markii ay dhinaca isku dhufsanayeen ay ku dhaawacmeen shan askari oo ka
tirsan ciidanka booliska kuwaas oo uu soo gaadhay dhaawacyo sahlani.
Hase ahaatee arintaa shaqaaqada ah ee ka
dhalatay qodista ceelasha ayaa markii xal laga gaadhi waayay ayaa Duqa
magaalada laascaanood waxa uu amar ku siiyay in la aaso ceelasha labada
dhinacba qoteen taas oo uu xal u arkay duqa magaaladu. Sidaa daraadeed ayaa
waxa amar loo siiyay inay ciidamadu aasaan ceelashaa laysku hayo.
Isla markaa waxaa halkaa lagu aasay ceelashii
(sida ka muuqata sawirada midig) waxaana markii danbe halkaa lagu soo af
jaray is hayntii labada beelood ee Cali Maxamuud iyo Bihina Dubad ee iyagu
isku hayey ceelashaa Quracdheero.
Maxamed gaaxnuug
Soomaalida ku jirta xerada
Nikafali ee Ugandha oo markii ugu horaysay UN-ku Qaadayo.
Diiwaan galintii ugu horaysay muddo dhowr iyo
Toban sano ah ayaa loo bilaabay Qaxootiga Soomaaliyed ee ku jira Xerada Nikavali
oo qiyaas ahaan magaalada Kampala u jirta 280 KM.
Hay’adda Qaxootiga ugu qaabilsan Qaramada Midoobay ee UNHCR ayaa qaadaysa lix
boqol oo qoys oo ka mid ah qaxootiga ku jiray xeradaas,waxaana lagu wadaa in
wadanka maraykanka la geeyo dabayaqaada sanadkan sida uu iigu waramay mid ka mid
ah howlawadeena Jaaliyada Soomaaliyeed oo xiriir leh Agaasimaha xerada iyo QM.
Warka oo dhan... July 19
"228
Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda
aadamiga u dooda ee Faanoole, taas oo intaas ku dartay in sannadkan Jubbooyinka
lagu diley ugu yaraan 64 qof ayadoo...
Guji...
| 
