Saxaafada
Somaliday waa Dhanjire, Dhanjire u xagliya iyo
Dhexdhexaad aan dhamays ahayn.
Jagne dahir
jagne3@hotmail.com
Markii aad dhagaysatid
Radeyowga FM-ta ah qaarkood iyo BBCda Laanta Afsomaliga
ama aad u cosobsi tagtid Homepageyada Somalida waxaa kuu
soo baxaya, in Qaarkood lagu qiyaasikaro Warbaahinta
Naziga ee Jarmalka ka jirijitay.
Waxaad dareemaysay in Warka ay soo tabinayaan uu
xanbaarsan yahay Nacayb ka qodo dheer Xaalada
Siyaasadeed ee aynu saadaalino.
Waxaana Saxaafada somaliyeed loo qaybin karaa iyada oo
laga anbaqaadayo nacaybka ay qaarkood hurinayaan sadex
qaybood.
1. qaar Dhanjir ah oo aan marna laga sugayn in ay Dhanka
kale dhugtaan. Kuwaas oo uu ka soo gufaacayo Nacayb
beeleed iyo Cadaawad gaamurtay.
2. iyo qaar Dhanjir kalkaal ah oo iyagoo Dano u gaar ah
iyo Duruuf Dhaqaale dhowranayan taageeraan Saxaafada
cadaawad hurunta ku caan baxday sida laga dheegankaro
Radiyowga iyo Homepageyo Puntland ka jiraan ee Yuusuf
Garaad(Madax BBCda Laanta Afsomaliga) xiriirka la leh.
3. Waxaa kale oo jira qaar dhexdhexaad iska dhigaan oo
Dhankasta wax ka dhugtaan, laakin aan dheelitir
Saxaafadeed dhalinkarin ke. Ilayn Suurto gal ma ahan in
aan dhexdhexaad ka hadalno iyada oo aanay jirin laba
dhina oo isu dheelitiran oo la dhexdhaxaadiyo.
maadaama aanay jirin warbaahin u dheelitirmaan kuwa
cadaawada iyo nacaybka hurgufaan ee dhanka kaliya u
xagliyaan waxay warbaahinta dhexdhexaadka iska dhigaan
ay u dhurteen kuwa dhanka cadaawada huriya taageenaan oo
uga makhraatikacaan waxay sheegaan, ilayn Waxay soo
dheegtaan warka been Abuurka iyo Dacaayada looga
danleeyahay ee ay soo hurgufaan kuwa nacaybka la
mataanoobeen.
waxayna Taasi keentay in Warbaahinta Somaliya dhan u
dheelido oo dhan la sigu dhurto iyo in war isu dhowdhow
oo been ka dhadhamayso la soo wada tabiyo.
Waxaad moodaa in ay
Warbaahinta Somaliyiyeed u dheeliday Dhanka uu Yuusuf
Garaad oo BBCda Laanta Afsomaliga madax ka ah
barigantaalo ee been abuurka ku bahoobeen.
Waxaana dheeligaa qayb Libaax ka qaatay Warbaahinta
Caalami ah iyo Dhaqaale Caalami ah ee uu yuusuf garaad
faraha ku hayo oo uu u adeegsaday sidii uu Warbaahinta
Dhanjirka ah u gaarsiiyo Warkii ugu danbeeyey oo uu
Magaad ku barxay iyo isaga oo ku khasbay kuwa Dhanjir
kalkaalka ee uu dhaqaalaha ku gatay in ay qaab dadban
oo doqon ma garato ah Dadka Warkii Magaadka lagu daray u
gaarsiiyaan.
Dhanka kale Saxaafada isku howliyaan in ay dhexdhexaad
ahaadaan oo aan haysan dhaqaale u dhigma kuwa dhanjirka
ah ayaa iyana si aan loo oron dhanbayjiraan waxay soo
gudbiyaan warkii magaadka lagu daray.
Sidaas ayey Saxaafada Somaliyeed u soo gudbiyaan war
beenta iyo nacaybka lagu barxay oo BBCda laanta
afsomaliga laga soo maleegay.
Waxaana la dhihikaraa Saxaafada Somaliday waa dhanjire,
dhanjire u xagliya iyo dhexdhexaad aan dhamayas ahayn.
Mahadsanidin
Jagne dahir
jagne3@hotmail.com
Faafin: SomaliTalk.com |
June 29, 2005
WARARKA MAANTA:::
Governor-ka
iyo labada Mayor ee Minneapolis & St. Paul oo si rasmi
ah u aqoonsaday Usbuuca Soomaalida
Golaha dadka madow ee
Minnesota waxaa uu hambalyo u dirayaa Governorka
Minnesota iyo labada Mayor oo..
Guji
Ganacsatada Boosaaso oo Shaqa Joojiyey
Ganacsiga Magaalada
Boosaaso ayaa ahaa mid ay Albaabaha u laabanyihiin kadib
markii ay...
Guji... Jun 28
Dagaallo ciidammada cadowga Itoobiya lagu jabiyay
iyo Xildhibaan
Itoobiyaan ah oo dil ka badbaaday
Guji... Jun 28
Shirwayn oo qahira ka dhacay loogana hadlayay tacliinta
Puntland
Shirkaas oo ay ka soo qayb galeen
madaxda tacliinta iyo dadweyen Soomaaliyeed...
ka akhri halkan...
Daabaco
Boggan | Print