LABA
WAJIILAYNTA CABDI I. SAMATAR IYO INA GEELE
mahamud samatar |
samatarapt@yahoo.com
Maalini la warasanayay Cabdi I Samatar , ma
xasuusto in su aashu ku saabsanayd shirka dib u heeshiisiinta, Ethiopia ama
Somaliland ka qayb galid la'aanteeda shirka, ayaa waxa uu ku jawaabay ,
hooyaday ayaa i odhan jirtay afku dhagax, taas oo ula jeeday in aan cid walba
runta u sheego kama baqo. Hadaba haddii mr. Samatar ka baqayn in uu runta nin
walba u sheego , maxaa u diiday in uu runta ka sheego Somaliland ,hormarka ay
gaadhay iyada oo aanay cid taageertaa jirin, marka yanu ka hadlayno dhaqaalaha,
oo intii kartideeda ahayd , ha ahaato , wax barasho, nabadgalyo iyo
dimoqraadiyad ay dhaanto wadamo badan oo taageero dhaqaale iyo siyaasadba ka
haysta addunka.
Samatarse ma ka hadli karaa ama se ma kala
hadli karaa Cumar Geele , dhibaatada , cabudhinta, caga juglaynta iyo xoriyad
la'aanta haysata ummada Somaliyeed iyo Canfarta ee ku nool Jabbuuti? Mise
arintu waxa weeyi wadan shisheeye arimhiisa u gaarka lama faragaliyo?
Mr. Samatar waxa uu ka mid yahay ,dhawrka nin
ee lagu tilmaamo indheer garadka ama wax bartay, lagana filayay in ay
ummaddooda wadada toosan tusaan iyaga oo ka faa'iidasanay waxbarashadooda iyo
waayo aragnimadooda. Nasiib darro se Samatar waxa uu ka mid ahaa indheer
garadkii horboodaya kooxdii Carta ee lagu soo dhoodhoobay tuulada Carta ee
Jabbuuti. Qoraal uu malin dhawayd qoray ayaa waxa uu ku sheegayay in ay Carti
ahayd hadhaagii Siyaad Barre, taas oo uu ku soo qaaday magaacda Galaydh iyo
Cabdi Qasim. Waxa kale oo uu qoraalkaa ku amaanayay Cumar Geelaha Jabuuti, taas
oo uu soo qaatay odhaah uu Cumar Geele yidhi mar uu ka hadlayay shirkii Carta,
odhaahdaas oo ahayd "HAN IDIIN HIILIYEE II HIILIYA" hadaladan ka soo yeedhaya
Samatar marka aad eegto , waa hadlo is dhaafsan ama isku lid ah.
Haddii uu danta Somaliyeed Samatar wado maxaa
u diiday in uu saxo ummadiisa kana fogooyo si aanay ummaddu ugu noqon
dhibaatooyiinkii dhacay, intii dhibaatada ridayna uu canbaarayn waayay. Sidee
nin wax garad ihi ula shiraa intii qarankii Somaliyeed baa bisay, markii uu
ahaa indheergaradkii hagayay hadhaagii Siyaad ee uu Cumar Geele soo ururiyay.
Sidee bayse suurto gal u tahay in uu nin wax garad isku sheegayaa , ay ula
quman tahay in uu taageero danbiilyaal shalay dadka gumaadayay in dalka
hogaamiyaan? Wax garadku waa ninka xuquuqda ummadiisa u halgama , wax wal oo ay
ku qaadatana u hura in dambiilayaasha la soo taago maxkamad. Waxa garadnimadu
ma ah in aad tidhaa waxa aan ahay wadani u halgamaya Somalinimo, Siyaad Baareba
wadaninmo waa sheegan jiray. Waxa garadka runta ah waxa kala wayn wadaninimo
beena, xuquuqda Aadamaha noocu doono ha ahaadee. Waxa aan u malaynayaa
dhibaatada uu Cumar Geele ku hayo ummadda reer Jabbuuti in aanay u muuqan
Samatar, sababta oo Cumar Geele waa nin wadani Somali ah.
Runtii waxa qaranimaddii Somaliyeed ama
Somalinamaddii baa bi' yay waa Jabbuuti , sababta oo ah labadii dawladeed ee
lagu soo dhisay Jabbuuti , ee ay kala hogaaminayeen Cali Mahdi iyo Cabdi Qasim
loogama dambayn baa bi'ii Somaliyeed. Dhibaataduna waxa ay ahayd Cumar Geele oo
dano gaara watay ayaa kolba marka uu arko in daaqadi u furan tahay uun kolba
siidhiga afuufayay oo odhanayay waar kaalaya anaa idin heshiisiinayee ,
markasay kolba kooxa ka war la' ina Geele xagiisa isku qaadayeen, iyaga oo aan
ka fiirsan cidda shirka imaynaysa iyo cidda la heshiisiinayo. Taas oo mar walba
ina Geele eegayay dantiisa iyo xidhhidhka dambe ee uu la yeelanayo kooxda
qabata xukunka, taas wax walba kala waynayd, hase yeeshee aanay ogayn reer
Somalia siyaasadiisa iyo xidhiidhkii uu la lahaa Siyaad Barre, hase yeeshee ugu
muuqday nin wadaniya oo Somalda jecel, dadka diidana ay la yaabayeen.
Cumar Geele waxa uu ka takooray shirarkii uu u
qabatay Somalida cid wal oo ka soo horjeeday Siyaad Barre, kuwaas ugu muuqday
in aanay dantiisu ku jirin.Sababta ay u jaanqaadi waayeen dawladihii uu soo
dhisanayna arintaas ayay ahayd, taas oo ahaan lahayd dawada qudha ee Somalida
isku keeni lahayd, haddii la isku keeni lahaa intii diidanayd taliskii Siyaad.
Ina Geele farxad bay u ahayd markii uu arkay ragii riday saaxiibkii,Siyaad
Barre, oo dagaalo sokeeye dib iskula jeestay, reer Somalia se maka warqabeen?
mahamud samatar |
samatarapt@yahoo.com
QORAALADII HORE EE
MAXAMUD SAMATAR
Afeef: Aragtida qoraalkan waa mid u gaar ah qoraaga ku saxiixan
Faafin: SomaliTalk.com | Aug 29, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|