|
Midowga Yurub oo Dib u habayn ku samaynaya wado
isku xirta Ethiopia iyo Somaliland "dhismaha
dariishada Berbera waxa uu qayb ka yahay qorshaha lagu khafiifinayo (yaraynayo)
saxmada dekedda Jabuuti" Jean-Pierre Pierard, Kuxigeenka waftiga EU ee Itoobiya.
Ururka Midowga Yurub (EU) ayaa
waxa uu wadaa daraasad uu ku samaynayo qorshe ay ku dhisayaan wadada isku xirta
Berbera iyo Togwajaale, waa sida ay werisey hay'adda wararka ee AFP, kuna
soo baxday shabakada EU Business.
Wadadaas oo dherer keedu yahay
887 Km (550 miles) in qorsheheeda la wado waxaa shaaca ka qaaday sarkaal ka
tirsan EU oo lagu magcaabo Pascal Joanne. Sarkaalkaas oo warbaahinta u sheegay
in shirkad Faransiis ah oo lagu magcaabo Louis Berger oo daraasada bilowdey
sagaal bilood ka hor ay warbixin wadadaas ku saabsan EU-da usoo gudbin doonaan
laba bilood gudohood, taas oo ah tan ay Ururuka Midowga Yurub ku salayn doonaan
go'aanka ay lacagta wadadaas lagu dhisayo ku fasixi doonaan.
Shirkada Berger waxa ay hadda
wada tashi la leedahay Itoobiya iyo Somaliland si ay isugu keeni lahaayeen
aragtiyohooda iyo mustaqbalka ay wadadaasi u yeelan karto wax dhoofinta iyo wax
soo dejinta Itoobiya, waa sida warku u dhigaye.
Kuxigeenka waftiga EU ee Itoobiya
oo lagu magcaabo Jean-Pierre Pierard waxa uu yiri barnaamijka dhismaha
dariishada Berbera waxa uu qayb ka yahay qorshaha lagu khafiifinayo (yaraynayo)
saxmada dekedda Jabuuti.
EU waxa ay toddobaadkii hore
Itoobiya u dirtay 15,000 tonnes oo mucaawino cunto ah oo ay usii marisay
dekedda Berbera, taas oo sida warku sheegay loogu talo galay Itoobiyaanka
gaajaysan, waxaana toddobaadka soo socda Itoobiya isla wadadaas loo marin
doonaa raashin gaaraya 100,000 tonnes waa sida shaaca laga qaaday
maalintii Jimcada. EEG LINKIGA
EU to Rehabilitate a Road Linking Somalia and Ethiopia
Muhammad Affey oo Sheegay in
Soomaaliya Dhowaan Loo Dhisayo Dawlad
Sida ay maanta werisey
hay'adda wararka ee shiinaha, ergeyga gaarka ah ee Kenya u qaabisan Soomaaliya,
Muhammad Affey, ayaa sheegay in Soomaaliya loo dhisi doono dawlad dhowaan. Waxa
uu sheegay in ay xaliyeen badanaa caqabadihii shirka ka hor yimid. Waxana uu
intaas ku daray in dooda dastuurku ay dhamaaneyso sabtida iyo Axada. Waxa kale
oo uu sheegay in ay DKMG ka sugayaan jawaab rasmi ah. Sidoo kale waxa uu
sheegay in ay rajaynayaan in dhammaan qabqablayaasha dagaalka ee shirka ka
maqan ay kusoo laabtaan, waa sida warku u dhigaye.. EEG LINKIGA HOOSE:
[New
Somali Government to be Formed Soon: Envoy
ISHA:
eubusiness.com
| Peoplesdaly.com | Tarjumadii: SomaliTalk.com | Aug 23, 2003
Tarjumadii: SomaliTalk.com | Aug 23, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
Afeef: Aragtida qoraalkan waxaa leh qoraaga ku saxiixan
| 
Kulan Diineedkii Labaad ee Soomaalida Waqooyiga
Ameerik oo ka dhacaya Ohio.... GUJI
114 Suuradood ee Qur'aanka
