GOLAHA
WADATASHIGA SOOMAALIYEED
G/W/S/031/03 London, 15/10/2003
Ujeedo:- Joojinta dagaalada ka soo
cusboonaaday
Golaha wadatashiga Soomaaliyeed wuxuu
cambaareynayaa dhamaan dagaalada ka soconaya magaalooyinka "Ceelbuur", iyo
tuulooyin ka tirsan gobolka Bay magaalada "Beydhaba".
Waxaa isa soo taraya xadgudubyada loo
geysanayo heshiisyada la gaaro, sida heshiiskii ay dhawaan gaareen dhinacyadii
ku dagaalamayay ku dhawaad sanadka gudaha iyo agagaarka magaalada Beydhabo,
sidoo kale waxaa iyana ah wax laga xumaado dagaalada ka soo cusboonaaday
dagmada Ceelbuur ee gobolka Galguduud.
Golaha wadatashiga Soomaaliyeed ugu baaqayaa
dhamaan waxgaradka deegaanadaas inay gacan ka geystaan joojinta colaadaha,
iyadoo sida uu waayuhu na barayo dagaaladaasi wax u dhimayaan geedi u socodka
loogu jiro nabadda.
Kaaliyaha Xoghayaha Arrimaha Dibedda ahna
Wakiilka Golaha Wadatashiga Soomaaliyeed
C/casiis Cali Ibrahim "Xildhiban"
xildhiban@hotmail.com
<><><>
DAGAALKII CEELBUUR
Oct 14, 2003
Wararka naga soo gaaraya degmada Ceelbuur ee
gobalka Galgaduud,waxay sheegayaan inuu sii laba lexaadsadey dagallkii
udhaxeeyay labo beelood oo wada dega magaaladaas,iyadoo lagu soo waramayo in
dagaalkaasi uu gaystay khsaaro mood iyo noolba,wararkii udambeeyay oo aanu ka
helno halkaas waxay sheegayaan in ugu yaraan 4 ruux ku dhinteen tiro gaaraysa
7qofna ku dhaawacmeen isla markaana ay isgaarsiintu ka go,day gabi ahaanba
magaalada dagaalkaas awaadiis.
Mar aanu kula xiriirnay khadka fuunyiha tuulooyinka u dhaw magaaladaasi waxay
noo xaqiijiyeen in beel ka mid ah kuwii ku dagaalamayay laga saaray magaalada
oo hadda gacanta ugu jirto beeshii kale.iyadoo aysku urusanayaa meelaan sidaas
uga fogayn magaalada beeshii dib ugurashada samaysay lagana cabsi qabo in
dagaal rogal celina ah ay soo qaadaan.
waxgarad ,culumaaudiin iyo aqoon yahano udhashay labada beelood ayaa isku
taxalijinaya sidii loo soo afjari lahaa dagaalkaan macno la,aanta ah ee soo
noqnoqanaya.iyadoo kol hore heshiis lagu gaaray magaalada muqdisho ayna waxba
kasoo naasacadaan kadib markii laga baaqsaday in gogosha ladhigo degaankii
laysku haystay murankuna ka taagnaa.
Cabdi Xasaan Cali
abdi172@hotmail.com
Somalitalk.com
Faafin: SomaliTalk.com | Oct 15, 2003
Dayaxgacmeed Cusub oo Loo Diray Hawada
Dayaxgacmeedkan oo ay Yurub hawada u direen...
Guji
..
FOGAANTA U DHEXAYSA
MAGAALOOYINKA SOOMAALIYA....
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|