Hogaamiyayaasha Soomalida ee ku sugan madasha Shirka dib u hershiisiinta Soomaalida oo haatan ka socda Mbagath ayaa maanta warsaxafadeed ku sheegay in ay taageersan yihiiin Goaanaddii iyo Qoddobadii ka soo baxay shirka wasiirada Arrimaha dibada ee IGAD oo ku shiray magaalada Nairobi Kenya.
warsaxaafadeedka waxaa kaloo ay ku cadeeyeen in ay raali ka yihiin wax kasta oo lagu heli karo maslaxada iyo dib u soo celinta Nabada shacabka Soomaaliyeed oo dagaalo sokeeye ku soo jiray 13-sanno la soo dhaafey.

Guddoomiyaha Maamulka Gobolka Hiiraan HPA Muddane Xasan Qalaad oo ka tirsan golaha SRRC ayaa ii sheegay in marxalada shirka uu marayo meeshii ugu habooneyd, isagoo ii cadeeyey in wadadii cadey uu shirka lugta saarey ,tasoo aan cidna loogu aaba yeelin.
Muddane Xasan qalaad ayaa waydiiyey sida uu u arko qodobada shirka wasiirada Arrimha Dibada IGAD , waxana uu ku jawaabey "Anagu waxba kama qabno ,markii horana anaga shirka xaadir ayaan ku aheyn habeen iyo maalin ,hadana diyaar ayaan u nahay waddo walba oo lagu heli karo xal waar oo ka dhasha shirkan dib u heshiisiinta Soomalida oo haatan ka socda Mbagathi."

Dhamaad.
Abdikarim Aden Hussein.
mbagathi,Nairobi.
abdikarimhussein@hotmail.com

Faafin: SomaliTalk.com | Oct 29, 2003