Governorka Minnesota Tim Pawlenty ayaa u hanjabay ardada dhigata dugsiyada
Minnesota oo yiri “waxaan soo gabogabaynayaa iska gudub gudubkii ay ardada
isaga gudbi jireen sanad dugsiyeed ka cusub level ilaa level ama grade ilaa
grade ka sareeyo ayagoo aanan ku najaxin imtixaanka . Habkan oo loo yaqaan
(social promotion) waa hab ardada lagu ilaalinayay in aanay niyad jebin oo ay
la socdaan kuwa ay isku da’da yihiin.
Qubaradii dejisay habkan social promotionka ayaa aaminsan in aanay
cadaalad ahayn in ardayga la rido ama la ciqaabo haddii uu imtixaamaka ku
gudbi waayo waayo waxay aaminsan yihiin in ardayga haddii la rido ay ku
abuumi karto inuu damiin yahay ama ceebaysan yahay oo qalbigiisa wax gaari
karaan iyo in ardayga la rido oo faciisa laga reebaa aanay ahayn hab fiican
oo sare u qaadi karta inuu ardayga waxbarashada ku najaxo.
Qubardan waxa kale oo ay aaminsan yihiin in tartanka iyo dadaalka loo dib
dhigo jaamacadaha iyo marka ardaygu weynaado waayo markaas ardayga waa xor
ama wax ha barto ama yuusan baran isagaana iska bixinaya waxbarshada inkastoo
haddii uu rabo waxbarasho dhaqaale ahaanna uu liito la caawimi doono.
Muddo dheer ayuu gobolkan Minnesota hirgelinayay habkan waxbarashada
noocan ah hase yeeshee governorku wuxuu leeyahay sidan cadaalad ma aha waayo
sidee lagu kala baranayaa kii waxbartay iyo kii kale; kii dadaalka badnaa iyo
kii seexday.
Governorku waxaa kale oo uu ku hanjabay inuu hirgelin doono in ardaygiii
dugsiga gooyaa laga qaadi doono sharciga uu baabuurta ku wado (Arday badan oo
dugsi sare dhigta ayaa baabuur wadata). Governorku wuxuu leeyahay ardaygii
maqan waa qasaaro mana ogolaan doono ardada waa in ay maalin kasta dugsiga
imaadaan oo waxbartaan. Governorka oo hore looga bartay ad adeeg xagga
daryeelka caafimaad iyo dhaqaalaha lagu daryeelo dan yarta waxaa uu hadda u
soo dhigtay ardada.
Dadka u arka governorku inuu ku qaldan yahay in uu ardada dusiyada ka
maqnaata ka qaadayo batantaha waxa ay leeyihiin – ardada maqnaataa qaarkood
waa jiran yihiin ama waalidkood oo jiran ayay daryeelayaan ama mashaakil ayaa
haysta oo ay la iman la yihiin dugsiga waxay u baahan yihiin in la taageero
ee uma baahna caga juglayn iyo in la ciqaabo.
Xubno ka tirasan congresska Minnesota ayaa leh waxa uu governorku ku
dhawaaqay hadda ka hor ayaa dhawr goor la soo jeediyaya oo lagu fashilmay
haddana kama yeelayno waana uu ku fashilmi doonaa.
Waa arrin u baahan in sharci laga dejiyo sidey ku danbaysona la arki doona.
Caruurta
Soomaaliyeed ee Minneapolis Qaarkood ma Gangs bay ku biireen?
Waa Daraasaad uu sameeyey Maxamuud Nuur Wardheere..
Guji..
Mahamoud Wardere
mnwardere@yahoo.com
Minneapolis, Minnesota USA.