|
Xarunta Ibnu Baaz ee Dacwada &
hanuuninta
Xafladda xiritaanka Seminaarka
saxaafadda
Waxaa khamiistii lasoo dhaafay ee taariikhduna
ahayd 11/09/03 lagu soo gabagabeeyay Xarunta Ibnu Baaz ee dacwada & hanuuninta
ee ku yaal magaalada Muqdisho Seminaar ku saabsan xirfadaha saxaafadda oo
socday muddo 7aad ah.
Ujeeddooyinka Seminaarka
1- Soo saarista xirfadlayaal saxaafadeed oo
buuxiya baahida warbaahineed ee bulshadeenna.
2- Isku xirka maabaadi’da ummaddeenna &
aqoonta saxaafadda.
3- In lagu baraarugo hagardaamooyinka
warbaahineed ee lagu hayo bulshadeenna & siyaabaha looga hortagi karo.
4- In
la xoojiyo kaalinta warbaahinta Islaamiga ah, loona helo kaadir ka hawl gala.
Seminaarka waxaa duruus ka bixiyay 7 macallin oo ugu deeqay aqoontooda &
waqtigooda siday ugu faa’iidayn lahaayeen dadkooda. Duruusta lagu qaatay
Seminaarkaan waxaa ka mid ah: Tifaftirka saxaafadeed, Ahmiyadda warbaahinta,
Shuruudda sharciga ah ee wartabinta, saamaynta Ra’yilcaamka iyo kuwa kale.
Gabagabadiina waxaa Markazku ugu baaqayaa
aqoonyahanka Soomaaliyeed inay dadkooda uga faa’iideeyaan takhasusyada kala
duwan ee ay leeyihiin. Dadwaynahana wuxuu ugu baaqayaa inay uga faa’iidaystaan
waqtigooda wax ay ku anfacaan naftooda & ummaddoodaba.
Qore: xuseen c/rashiid
shxuseen@hotmail.com
Waxaa soo tebiyey
Abuukar yaasiin
abuukarsom@hotmail.com
Faafin: SomaliTalk.com | Sept 14, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
»
Hab-Qoraalka
Miro-Dhalka ah
[C/Shakur]
| 
114 Suuradood ee Qur'aanka
