SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - INDIA

MADAXWEYNE MUSHARAF OO QUDBAD KA JEEDIYEY FADHIGAI GOLAHA AMAANKA


MOHAMED ABDI HASSAN (DIRIDHABA)

KARACHI, PAKISTAN.

diridhaba2001@hotmail.com

 

 

Newyork:- Madaxweynaha Dalka Pakistan Madaxweyne General Pervaz Musharaf ayaa shallay wuxuu qudbad dheer oo dhinacyo badanleh ka jeediyey fadhiga loo dhanyahay ee qaramada midoobay ee sannadlaha ah,qudbada madaxweynaha oo ay ku tilmaameen khubarada siyaasadda pakistan u dhuun daloosha inay ahayd qudbadii ugu xasaasisanayd ee uu madaxweyne Musharaf si caalami ah u jeediyo, Madaxweyne musharaf oo hadlaya wuxuu yidhi"waxaanu hadda u dhawnahay inaanu joojinaba dhamanteed xulafaysigii aanu la samaynay reer galbeedka ee aanu kula dagaalamaynay argagixisada,


Madaxweyne Genral Pervaz Musharaf

waayo ayuu yidhi madaxweynahu waxay reer galbeedku ka tallaabsadeen qaraaradii loo dhigay hanaankii lagula dagaalami lahaa argagixisada, isaga oo madaxweyne Musharaf taasi sii faahfaahinaaya wuxuu yidhi waxaa hadda ay gaadhay heer ay reer galbeedku isku khaldaan argagixisada iyo dhibaatooyinka caamka ah ee ka jira dunida islaamka, taasina ayuu yidhi madaxweyne Musharaf wax loo dul qaadan karo maaha, iyada oo taasi la macnaynaayo ayaa waxa lagu sifeeyey inuu madaxweyne Musharaf ula jeeday siyaasadda qalafsan ee Israel kula dhaqmayso maamulka falastiniyiinta, Madaxweynaha oo sii hadlaya wuxuu yidhi "Waxaa dhinac la iskaga riixay dhammaanba dhaqanka iyo habmaamuska tixgelinta leh ee dunida islaamka, iyada oo buu yidhi reer galbeedku ay halmaameen in diinta islaamku tahay diin ku dhisan cadaalad iyo nabad, waxay taasi muujinaysaabu madaxweynahu yidhi in aan sinaba loo qarrin karin hadda cadhada iyo jahawareerka ka dhex guuxaya bulshada islaamka meel wal oo ay j! oogaanba, Madaxweynaha oo taa sii faahfaahinaya wuxuu yidhi:


Madaxweyne Musharaf oo
gabogebaayey qudbadiisa

uu u jeedinaayey qaramada midoobay

"Qaraxyada isbiimaynta ah iyo weliba naftooda hurayaashu waa tusaale cad oo ay bulshada islaamku isku difaacayso kana dhalatay dhulka sida amar ku taaklaynta ah la iskaga qabsanaayo, Madaxweyne Musharaf-ka pakistan oo ay wajigiisa cadho ka muuqato ayaa wuxuu yidhi "waa in loo yeello dagaalka lagula jiro argagixisada macno iyo murti laga fikiray haddii kale buu yidhi waxaan ku kalsoonahay inuu burburi doono" Madaxweynaha oo dhinaca kale ka hadlaayey sida waddankiisu uga qayb qaatay in ay la dagaalamaan argagixisada wuxuu yidhi "Waxaanu samaynay haayado sirdoon oo adeegsanaya habmaamus iyo sirdoon casriyaysan waxaananu albaabada u laabnay shakhsiyaad badan oo ka dhex shaqaynaayey mandaqadda koonfur beri aasiya"


Madaxweyne Pervaz Musharaf
oo booqday xuduudka u dhexaysa

Pakistan iyo india (Kashmir)
horaantii sannadkani 2003

Madaxweynaha oo ka hadlaaya waxa sababaya argagaxisada wuxuu yidhi waxaa haboon intaan loo dagin macna argagixiso maxaa u dhexeeya argagixisada maxaliga ah iyo ta caalamiga ah? madaxweyne Musharaf oo ka jawaabayey su,aashaasi wuxuu yidhi "uma aqaano anigu argagixiso kuwa u dagaalamaya xorriyada dhulkooga (Freedom fighters) ee Kashmir iyo Palestine inay yahiin argagixiso, balse miyaan la odhan karinbu yidhi Madaxweyne Musharaf Kuwa dhulka ku soo duullay ee dulmiga wada ayaa ah Argagixiso maxalli ah, isaga oo sii faahfahinaya wuxuu yidhi Madaxweynahu "Argagixisada maxalliga ah ayaa sababtay argagixisada caalamiga ah markaa waa in si isku mid ah loola dagaalama" Guntii iyo gebo-gebadii ayaa qudbadaasi oo aad iyo aad u dheerayd wuxuu Madaxweyne Musharaf ku soo gebo gebeeyey qodobadani

  • In aan reer galbeedku ka baqanin kana boodin shareecada islaamka waayo ayuu yidhi madaxweynahu waa nolosha dhabta ah ee dunida islaamka
  • In diinta islaamku tahay diinta keliya ee taageeraysa hanaanka dimuqradiga, si waafiyana u qeexday xuquuqda qofka, sinaanshaha bulshada, iyo fikradda xorta ah ee bulshada
  • In diinta islaamku tahay mid qof walba si isku mid ah u tixgelisa, oo aan u kala qoqobin bulshada, midabkiisa, sinjigiisa, qabiilkiisa iyo diintiisaba
  • In diinta islaamku tahay diin fiiro dheer leh nolosha iyo hanaanka casriga ah taageersan.
  • Wuxuu guntii iyo gebo-gebadii madaxweynahu yidhi in inta nacaybku ku jiro bulshada galbeedka aanay jiri doonin wada shaqayn iyo in si wada jir ah loola dagaalamo argagixisada caalamiga ah ayuu yidhi madaxweyne musharaf.

    MOHAMED ABDI HASSAN (DIRIDHABA)

    KARACHI, PAKISTAN.

    Faafin: SomaliTalk.com | Sept 23, 2003


    Copyright & Islaamku wuxuu ka qabo.... Akhri
     

    Afeef: Aragtida qoraalkaan waxaa leh oo ay gaar u tahay qoraaga ku saxiixan

     

     QORAALADII HORE EE DIRIDHABA  

    Kulaabo bogga hore ee  www.somalitalk.com

    ... Copyright & Islaamku wuxuu ka qabo.... Akhri

     

    Powered by www.SomaliTalk.com
    All About Somalia and More...
    >> Usheeg Asxaabtaada
    Allah Is Great
    xayaysiis

    mahuraan 
    MAHURAAN
    : Waa buug dhowaan soo baxay GUJI...


     Riyale
    Sirta ka Dambaysa Somaliland ma Itoobiyaa?
    [Liiban]


    BILICDA SOMALIYA
    Luuq Ganaane, 1987
    wiil Waa wiil yar oo Somaliyed oo nayl yar dhabta kuwata xilli nabadana dhexjooga Bilicda dhulka Soomaaliya.
    Akhri

     


    Copyright © somalitalk.com. All rights reserved.

    HTML CD [an error occurred while processing this directive]