SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - MAQAAL

 

SOOMALI-NIMADU MAXAY LA QEYMA TAHAY MAANTA?

QEYBTII SADDEXAAD


QORE: ABDULLAHI GULLED ALI

abdullahigulled@hotmail.com

 

Libaax baa yiri waa in aan ordaa intaan ordi jirey in ku laba jibaaranta si aan biciidka maanta u qabto dhashiisana beri u ugu talo galo

Biciidkii baa isna yiri waa in aan qorshaheyga wax ka bedelaa hadaan doonayo in ilmahayga iyo aniguba aan badbaadno oo inta aan ordi jrey ka badan iyo dheeraad ordaa si aan u badbaadno
Abdullahi Gulled Ali

Professor Cumar A. Barre oo kamid ah aqoon yahanada somaliyeed ayaa arin muhiim ah i taab siiyey xilli aan ku jirnay xero qaxooti, maalin maal-maha kamid ahaa ayaa waxaa uu professorku raacay nin cadaan ah oo ay u baxeen xagaa iyo nadiifin xeebaha si looga guro qashinka ay dadku kaga tagaan halkaa, kadib markii ay usoo dalxiis tagaan. Waxaan aad ula yaabay dheereynta professorka iyo qashin aruurinta uu sameynayo, maadaama uu xero qaxooti ku jiro cid ku qasabtayna ayan jirin. Waxaanu wada degeneyn hal qol oo xerada ku yiil, waxaana markuu soo noqday fiidkii saacado badan oo uu maqnaa kadib aan weeydiiyey waxa ku kalifay in uu shaqo aanan u oolin oo awalba volunteer ahayd uu naftiisa ugu kalifayo.

Professor Cumar isaga oo ila yaaban ayuu iigu jawaabay “ walaale waxaad timid wadan aad kala duwan tihiin diin iyo dhaqanba, waxaadna matashaa wadanka aad sheegatay iyo diinta aad sheegatay in aad aaminsan tahay, sidaa awgeed waxaa lagu dejiyey qolkan aanu hada wada degen nahay, waxaad sheegatay in aad soo qaxday oo aad la soo kulantay dhibaato iyo shido, waxaa dushaada habeen iyo maalinba wareegta askar difaaceysa amnigaada dacwadaadana ku mashquulsan. Waxaad cuntaa cunto aadan karsan oo aad ku cuntaa kaar aadan shaqeysan, bishiina waxaad heshaa suuq gal, aan ku weeydiiyee miyaadan awoodin mahadsanidin xitaa, miyaadan abaal gud laheyn oo aadan garaneyn abaalka laguu galay hadaad sidaa u fekereyso ogoow wadankaaga iyo naftaadaba wax tar uma heysid.

Wadanka aad ku nooshahay waa mid xaq kugu leh xilna kaa saaran yahay, hadaadba garaneyso waxa qof mas’uul ah looga baahan yahay. Somalidan u kala yaaceyso yurub waxaa ay ka tarjumeysaa dareenka runta ah ee reer guuraa, waana mida assalka u ah waxa nalagu qiimeyn doono. Ilmaha yar ee ugu yaraan saddexda wadan u kala gooshay dhibka soo gaaraya waalidku ma dareensana, waloow waalidiinta badankood ay sabab ka dhigtaan safarkoodu in uu yahay mid ay ilmaha ugu daneynayaan, hadana xaqiiqdu sidaa waa ay ka duwan tahay.

Wiil somaliyeed ayaa lagu istaajiyey bartamaha magaalada London, waxaana istaajiyey oo wareysanayey laba nin oo somaliyeed, maadaama ay arkeen wiilkan oo ku dhex jira ilmo lagu maleyn karo in ay ka ganacsadaan daroogada. Waano dheer kadib waxaa ay wiilkii kula taliyeen in uu xooga saaro wax barashada si uu wadanka u samata baxsho. Wax yar kadib waxaa uu wiilkii ka daba yimid ragii waanshay waxaana uu ka codsaday in ay u sheegaan waxa ay qabtaan, waxaana nasiib daro dhacday in ay ku yiraahdeen waxaanu dhawaan ka soo guurnay scandinavia si aan halkaan u degno, waxaana ay taa caro gelisay wiilkii yaraa, oo ku yiri ragii waaninayey “ Marka aad idinka garataan meesha idiin roon ayaan ana garanayaa isha allah

Dadka dibeda u soo qaxay ee somaliyeed waxaa kamid ah dad mas’uul ah oo aqoon ilaahay siiyey dersi karana xaalada markaa jirta, balse salfudeyd awgii cid talo weydiineysaa ma ay jirto, oo waxaa ay somalidu noqotay ummad ay defence mechanism-koodu batay, xaaladkastaa oo ay ku jiraana ka sheegaya dhinaca fiican si aanan loogala talin xitaa hadii ay ku hungoobayaan. Saxaafada yurub oo ah mid aaminka loo qabo uu badan mararka qarkood ayaa ku mashquulsan shucuubtan somaliyeed ee defenceless, isku duubnidana ay kaba dheer tahay. Waxaa muuqda xad gudub lagu sameynayo jiritaanka somalinimada iyada oo ay ugu dambeysay qoraalkii laga qoray somalida London oo lagu sheegay in ay cuneen dameer laga lahaa xaafad ay degenaayeen.

Hadaba waxa aanu dhaxalsiinaa awlaadeena awaa dhaqan xumada dadka waaweyn ay ku hayaan bulshada ay ku dhex nool yihiin, waxaana dhibaatadaa qiimaheeda bixinaya awlaada aanu ku dhalnay qurbaha, iyo kuwa la qeyrka ah ee wadankii ku sugan oo iyana aanan NGO ku filan loo sameyn si looga samato baxsho dhibka heysta oo ay ku koreen kuna qaan gaareen, dareen siiyeyna in ayan wax daryeela laheyn. Umad waxaa lagu gartaa quruxdeeda iyo fool xumadeedaba hab isku duubnidooda, iyo garab istaaga hadba kooda talada asiiba.

Qaybtii 2aad... GUJI

QORE ABDULLAHI GULLED ALI

E-MAIL abdullahigulled@hotmail.com

 QORAALADII HORE EE A. GUULEED

Faafin: SomaliTalk | Sept 15, 2003

Afeef: Aragtida qoraalak waxaa leh qoraaga ku saxiixan


Copyright & Islaamku wuxuu ka qabo.... Akhri
 
Quraan 114 Suuradood ee Qur'aanka

 .... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com

 

 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
xayaysiis
mahuraan 
MAHURAAN
: Waa buug dhowaan soo baxay GUJI...

XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Copyright © somalitalk.com. All rights reserved.

HTML CD [an error occurred while processing this directive]