Tartan dhexmaray shirkadaha war-isgaarsiinta
ee ka hawl-gala magaalada Boosaaso ayaa waxay keentay in qiimihii debadda
lagula hadli jirey uu hoos u dhacay xaddi dhan 89%. Haatan halkii
daqiiqo ee dibadda ah waxay sii maraysaa $0.15 taas oo ah qiime
aan hore loo arag. Qiimihii hore ee la yaqaaney waxaa uu ahaa $0.7
halkii daqiiqo.
Sidoo kale waxaa dhulka galay qiimaha
Internetka oo uu ku yimid hoos u dhac gaarsiisan 75%. Waxaana
haatan halkii saac aad ku fadhin kartaa $0.5 kaas oo hore u ahaa
qiime dhan $2. waxaana shirkadda Golis ay macaamiisheeda ugu
baaqday in ay heli doonaan Internet lacag la'aan ah [free Internet].
Xarumaha taleefoonnada laga dirsado ayaa
noqday kuwa dad badani saf ugu jiraan iyaga oo ka cabsi qaba in laga
noqdo go'aannadan ay soo saareen shirkadaha war-isgaarsiintu, taasi oo ay
doonayaan in ay eheladooda la xiriiraan inta xaalku taagan yahay jeebka
gacanta galida.
SomaliTalk.com | Boosaaso Feb 14, 2004