Abdiwahid iyo qoraaladiisu waxay aad ugu bateen shabagadaha internetka ee
somalida haddii aad fiirisana dhammaantood qoraalladiisa waa wax isaga ay ka
tahay inuu A/hi Yuusuf wax ugu dhimo, hase yeeshee dad badan oo A/hi Yusuf
mucaarad ku ahaa ayaa markay arkeen maskaxda abdiwahid iyo wixii la midaba
sida ay u shaqaynaso isu bedelay inay taageerayaal A/hi u noqdaan,
Abdiwahid wuxuu soo qaataa gabayo iyo murti ay iska lahaayeen dad ama rag
qiima badan ku lahaa mushtamacooda dhexdiisa, dabadeedna wuxuu isku dayaa
inuu murtidaas ku khasbo meel aan munaasibkeeda ahayn, ninku caafimaad
badanaa? Inuu internetka wax ku qoro maahee meherad kale ma laha miyaa? Hase
la yaabin oo waxaa jira dad badan oo xanuunsan oo jirrooyin halis ah qaba oo
hadana isu haysta inay fayow yihiin, sida marka la yiraahdo qofkaasi waxaas
iyo waxaas buu ku khafiifay,taasna waxaa daliil u ah in Abdiwahid uusan marna
qorin hadaf macquul ah oo taageerayaal kasban kara" keliya wax aad moodid
baroor bilaa mabda' ah" ayuu ku raftaa,
Abdiwaxid xalaal barqo baa la qashaaye na taabsii wax micno leh oo aannu
kugu ayidno? Baroortana iska daa waa dadnimo xumo eh, oo halka aad rabo inaad
ka cararto iyo meesha aad u cararayso labada na taabsii? Ogowna qofkii
qadiyad sax ah ku taagani inuusan marna waayin cid ku taageerta, laakiin
qofkii ku wallaca wax aan dunidaba laga helin haddee salki waa jeel majnuun,
taasna waxaa laga garan karaa qoraladaada oo waxaad u hadashaa sidii aad
ummadda inteeda kale ka garasho badan tahay oo adigaa shahaado isa siiyey,
waxaad isu magacawday inaad tahay qofka somalida ugu aqoonta roon xag diiniyo
iyo xagga cilmiga maadiga ah labadaba, cidna talo kama qaadatid oo adigaa cid
kasta ka sareeya, nabarrada iyo waxyeelada korkaaga ku dhacaysaa waxba kuma
yeesho oo sida ay adiga kula tahay waxaad tahay geesi belo ka dhacday,
xabashida ayaa waxay ku maahmaahdaa "ninkii dhal iska waayaa marka dambe naag
uur leh buu guursadaa" Abdiwaxid anigu qabiil ahaan waxaan kuu jiraa 3 oday,
cid aan u shaqeeyo oo i gadatayna ma jirto, waxyaabaha maanta somalia ka
jirana qof walbaa og, qoraalladaadana kuma aadan soo bandhigin wax jira oo
xaqiiq ah, xataa khibradaada ku aadan si been abuur loo sameeyo waa mid weyd
ah, dadkuna kuma nebca, dhacdooyin aanaan ka warhayn haddii aad sirtooda
haysana haddee kuma aadan darin qoraalladaada, waxaana jira dad badan oo
waaweyn oo khibrad badan u leh waxyaabaha aad had iyo goor ka hadasho una
arka inaad iska hadaaqaysid, dadka aad sheegato inaad ka soo jeedana waxay u
badan tahay in lagaaga aqoon roonahay, aqoon adduun iyo mid aakhirana dadka
in badan ayaa wax uga bilaaban yihiin, qofka islaamka ahna haddii uu wax
fiican ku mashquulsan yahay marna dhaaf lama yiraahdo, hase yeeshee adiga wax
baa si kaa ah oo waxaa lagu moodaa ninkii madowga ahaa oo 1981kii toogtay
madaxweynihii maraykanka Reagan markii la qabtayna yiri waxaan rabay in
magacayga laga sheego idaacadaha, ummadduna waa ay ogtahay waxwalba, ardaygu
inuu isku dayo inuu macalimiintiisa wax u dhigana waa dhibaato ninkeed dhiba
ah, qofka weyn in hadalkiisu noqdo dhegayso ama ha dhegaysanna waa mushkilo
kale oo "cibaara adduun ah", Doqontu xataa caqli bay leedahay oo waxyaalaha
qaarkood kama suuroobaan oo dhinacaas kuu malayn maayo, hase ahaatee waxaan
kaaga shaki qabaa inay jirto sheeko caan ah oo wadankeena ka dhacday taas oo
ahayd:
waxaa jiray nin boqor ahaa oo maal iyo xoolo badan lahaa maalintii dambe
ayaa waxaa ka baxsaday geel badan oo horweyn ah, geelaas oo u baxsaday dhul
lama degaan ah, markaas ayuu boqorkii sibraar caano ka buuxsaday nin
madhibaan ahna kaxaystay oo ku yiri kaalay geelii ila raadi, kadibna waa la
baxay raacdadii geelana waxaa lagu dhaxay 5 casho, geeliina waa la soo helay
hase ahaatee shantii casho ee raacdada lagu maqnaa ninka madhibaan waa uu
qatanaa isagoo weliba sibraarka sida oo mar walba oo uu boqorku rabo inuu
caano cabbo ama dhamo wuxuu oranayey ii dhiib sibraarka dabadeedna intuu
cabbo caanaha oo ka dhergo buu sibraarka afka ka xiraa oo u dhiibaa ninka
madhibaan, maalintii 7aab galabteedii iyadoo ninkii madhibaan uu todobo qad
yahay ayaa ciddii lagu soo dhowaaday dabadeedna intaan ciddii la imaan
laakiinse lagu soo dhowyahay ayuu ninkii madhibaan u yeeray boqorkii oo ku
yiri boqorow waxaan rabaa inaan wax yar kula hadlo, dabadeedna intay geed
harki wada fariisteen ayuu boqorkii yiri ii sheeg waxaad ii sheegi lahayd,
markaas baa ninkii madhibaan wuxuu yiri" ninyohow horta aji maahid oo hadddii
aad aji tahay caanaha inaad iga qadiso iska daaye aniga ayaad bilow i oran
lahayd, madhibaanna maahid oo haddii aad madhibaan tahay markaad dheregtid
inta harta cab baad i oran lahayd ee ninyohow ma tumaal baad tahay",markii
reerkii la yimidna boqorkii hooyadiis ayuu ku khasbay inay u sheegto
aabihiisa sax ah, markaasay u sheegtay inuu dhalay tumaal reerka birta u tumi
jiray, hadaba qormadani kuuma khusayso nasabiyad ahaan ee waxay khusaysaa
hadafkaaga siyaasadeed iyo sida aad isu cajabisay adigoo laga yaabo inaad
mugdi amag amag leedahay.
Abdiwelli Farah Shire