War-1-19-Febraayo,o4,Nairobi.
Kooxda G-8 oo taageertay Qoraalkii wasiirka Kenya......................
Qoraal ay ku saxiixnaayeen 3-da hogaamiye ee G-8 ayaa
sheegaya in ay taageersan yihiin qoraalkii wasiirka arrimaha dibada kenya ee
17-kii bishan ee ka hadlayay saxiixa heshiiska hogaamiyayaasha soomaalida ee
29-kii Janaayo e State Huose-ka Kenya.
kooxda G-8 ayaa siyaasadeeda ku sheegay in ay
dhexdhexaad tahay ,waxay kaloo sheegeen in ay diyaar u yihiin in la galo
wajiga 3-aad ee shirka Nabada Soomaalida ee awood qaybsiga, waxana ay kula
taliyeen kooxaha kale ee shirka ka qayb galaya in la ansixiyo qoraalka buuga
Axdiga iyo dastuurka oo doodiisu socotey muddo ka badan 7-bilood.
Kooxda G-8-ka ayaa kulankii Safari Park hotel ee
9-bisha Janaayo ka dib Gooni uga baxdey Hogaamiyayaasha Mbagathi oo tiradoodi
ahey 20-hogaamiye.
War-2-19-Febraayo,Nairobi.
Qoraalka buuga Axdiga iyo dastuurka oo wali loo....................................
Madasha shirka nabada Soomaalida ayaa saakey la
qorsheenayey in shirweynaha la horkeeno qoraalka buuga axdiga iyo dastuurka
ergadana ay u codeeyaan.
Ergada iyo Hogaamiyayasha Kooxaha Golaha samata
bixinta ,SRRC,TNG-Abdiqasim iyo TNG-da Mbagathi ayaa ku soo xaadirin hoolkii
lagu qaban lahaa shirweynaha ee Madasha shirka Mbagathi.
Kooxaha kala ah Golaha samata bixinta,TNG-da Cabdiqasim ayaa sheegay in ay
taageersan yihiin heshiiskii hore iyo qoddobadii lagu saxiixay guriga
Madaxtooyada kenya 29-Janaayo,04, labadan koox ayaa ku hanjabey in haddii
qoddobada wax laga bedelo ay shirka ka bixi doonaan,
G-8 ayaa iyaga aaminsan in loo gudbo wajiga 3-aad ee
awood qaybsiga qabiilada Soomaalida ee shirka halka SRRC-da iyo TNG-da
Mbagathi ay diidan tahay in la mariyo ama la gudbiyo qoraalka buuga axdiga
iyo dastuurka ee shirka nabada Soomalida ee 15-billod ka socda dalka Kenya.
War-3-19-febraayo,04,Nairobi.
Xuseen Caydiid:-SRRC-da kama Bixin shirka mana ka bixi........
Guddoomiyaha Bisha ee Golaha SRRC-da Xuseen Maxamed
Faarax Caydiid ayaa maanta qabtey shir jaraa'id uu kaga hadlayey Mowqifka
Golaha SRRC-da ee ku aaden Qoraalkii wasiirka Arrimaha Dibada Kenya.
SRRC-da ayaa ah Kooxda ugu tirada badan
hogaamiyayaasha kooxaha ee ka qayb galaya shirka nabada Soomaalida.
waxaa kaloo uu sheegay in ay saakey sameysteen guddi isku dhaf ah oo ka
kooban SRRC iyo TNG-da Mbagaghi.
mar waxa laga weydiiyey hogaamiyayaasha aadey magaalada jawhar ayaa uu ku
sheegay in ay fasax ka qaateen Golaha SRRC-da iyo IGAD,waxayna u baxeen danno
gaar ah ee shirka iyo gole kale kama dhisayaan Jahwhar ayuu ku jawaabey.
waxaa kaloo uu cadeeyey in ayan jirin wararka
sheegaya in ay shirka ka baxayaan SRRC-da oo uu sheegay in ay halka joogeen
15-bilood una soo dulqaateen shirkana ilaa la dhiso dawlada kama tageyno,
Guddoomiyaha ayaa sheegay in ay SRRC-du diidaneyn in la mariyo ama loo
codeeyo qodobadii ka mid ahaa Qoraalka buuga axdiga iyo dastuurka ee wajiga
labaad ee shirka.
Xuseen Caydiid ayaa sheegay in ay maanta la kulmayaan
wasiirka iyagoo kala xaajoon doona qodobka 30-aad ee xulida xubnaha
baarlamaan iyo cidda soo xulaysa.
Qodobkaasi ayuu ku sheegay in wasiirka uu ka dhigay
cidda wax soo xulaysa siyaasiga juffo ka sii juffo in xulitaanka laga qayb
galiyo.
sababta ay SRRC-da saakey u diidey ayaa uu ku sheegay
in marka hore la kulmayaan wasiirka aarimaha dibada Kenya ka dibna la ansixin
doono maalmo ka dib .
dhamaad .
Abdikarim Aden huusein.
Nairobi,Kenya.
abdikarimhussein@hotmail.com