SomaliTalk DALSAN
w w w . S o m a l i T a l k . c o m
SOMALITALK - MAQAAL

Feb 25, 2004 

Dood furantay “Cilmiga jahliga”

Maxamuud Caynaanshe  
maxamuudcaynaanshe@hotmail.com

Daabaco Boggan | Print


Filimada anshaxa xun, ruugidda Qaadka

iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...



FAAQIDAADA CIYAARAHA... GUJI

XAMAR DAAWO DACALLADA.. SAWIRRO
 

In kasta oo uu gaabnaa qoraalkii uu Ibraahim kaga dooday aragtidii ahayd ”Cilmiga jahliga” haddana waxaa la moodaa in uu abbaarayey ujeeddo cad oo ku aaddanayd baahida soomaalida iyo dhanka ay dantoodu jirto. Sidii aan anigu u fahmey wuxa uu qoraalka yoolkiisu ahaa in soomaalida loo furo dood ay kaga hadlaan in ay u baahan yihiin in ay ku sii raagaan heerka ay maanta joogaan iyo in ay fiicnaan lahayd in ay helaan nolol iyo aragtiyo ka maqan oo ay la gudboon tahay in ay baadigoobaan si ay ugu tallaabaan heer ka fiican midka qalllafsan oo ay muddada dheer ku sugnaayeen.

Waxa ay soomaalidu ku maahmaahdaa “Cantuugo caman ka laacday” oo looga gollee yahay in qofkii wax badan cuna oo cantuugaa uu cayilo oo uu caman waaweyn yeesho, waxaanna maahmaahda u soo daliishadey in indhaha maanta soomaalida ka muuqda ay u yeeleen aragtiyaha hooseeya oo ay isku qallajinayaan, kuwaas oo ka horjooga in ay indhaha iyo maskaxda u furaan sidii ay uga guuri lahaayeen liidnimada u diiddan in ay helaan garasho iyo calaf ay kaga raystaan deyrka saxariirta iyo dufnimada oo ay ku xeraysan yihiin.

Odayaal soomaaliyeed oo wada hadlaya qofkii dhegaysta, oo siyaasiyiin soomaaliyeed oo doodaya dheegaysta, oo waddaaddo soomaaliyeed dhegaysta, oo dumar soomaaliyeed dhegaysta, oo dhallinyaro soomaaliyeed dhegaystaa wuxa uu ogaanayaa in ay dadkaani ku jiraan mugdi iyo jahli xididdaystey oo in ay ka baxaan ay u baahan tahay halgan iyo doodo lagu xuurtoodo oo xilli aan yarayn ka dhex aloosnaada inta garan karta in ay jiraan dhibaatooyin xagga fakarka ah oo sidii looga bixi lahaa ay u taal dadka soomaalida ah ee aan laga sugi karin dad kale oo maskaxdeenna ku shuba dawo aynu kaga biskoonno cudurka jahliga ee uu Ibraahim dareemay in uu ka buuxo dhiigga ummadda soomaaliyeed.

Intaas ayaan doodda caawa ku soo koobayaa, oo waxaan sugayaa inta ay hadalka soo gelayaan geesiyaal aan ahayn kuwa u baahan in loo dhigo casharro ku saabsan “Cilmiga jahliga”, waxaana dadka doodaya uga digayaa in ay diin ku soo gabbadaan, maxaa yeelay waxaa jira dad aan fiicnayn oo diinta ilaahay ka gala eedo aysan lahayn, kuwaas oo uu hadafkoodu yahay in ay xaasas badan mehersadaan iyo in ay been ummadda iyo ilaahayba u sheegaan. Waxaa kale oo doodda ka reebban in la ammaano dhaqanka soomaalida oo ah wax xun oo aan lahayn wanaag iyo sharaf loo bogi karo. Waxaa kale oo dooddaan aan lagu soo dhawaynayn kuwa taageersan siyaasiyiintii dalka denbiga ka soo galay sidaan Aadan Cabdulle Cismaan, Cabdirisaaq xaaji Xuseen, Cabdiraxmaan Jaamac Barre, Maxamed shiikh Cismaan iyo kuwa diiddan ay soomaalidu midoobaan, oo afka la taagaya in ay kala goynayaan jamhuuriyadda dimoqoraaddiga federaalka Soomaaliaya.

Sidaas iyo dood fiican walaalayaal ku soo dhawaada doodda!

Waad salaaman tihiin dhammaantiin.

Maxamuud Caynaanshe  
maxamuudcaynaanshe@hotmail.com

Feein: SomaliTalk.com | Feb 24, 2004

Afeef: Aragtida qoraalkan waxaa leh qoraaga ku saxiixan

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
usa


kaah


BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri



XAAFID QUR'AAN cFatax
Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD