Akhristaha qiimaha iyo qaayaha lahaw
waxaan rabaa inaynu wax yar is la eegno, shanshadana ka wada daalacano bal
soomaalida ku nooL East Africa qayb ka mid ah iyo waxa uu xaalkoodu ku sugan
yahay.
Hadaba hadaan u daa'dego dulucda
dhanbaalkayga dhowaan mar aan socdaal ku soo maray magaala madaxda dalka
Ethiopia ee Addis ababa ayaan waxaan daraasad gaar ah ku soo sameeyey
cimilada, Amaanka, nolosha, dhaqanka, socdaalka, iyo waxyaabo kale oo kala
duwan.
Aan ku bilaabe dhicanaca cimiliada magaalada
Addis abab waxay leedahay laba wakhti oo kala summer iyo winter, wakhti kulul
iyo wakhti qaboow. Hadaba ma ogtahay akhristoow in dalka Ethiopia aanu u
fiicnayn labaadaas wakhti midna oo labaduba ay cadaab ku yihiin oo aanay
dadku xamili karin labaadas cimilo ee dalkaas ka dhaca. iyagoo u qeexa in waa
wakhtiga kulaylkee aanu u fiicnayn iyagoo aaminsan in cadceedu waxyeelo xaga
maskaxda ah iyo madax wareer kala kulma, halka ay wakhtiga qabowga ahna kala
kulmaan roobab fara badan oo sadex maalmood oo xidhiidh mar mar ka socda
magaalada gudaheeda taas oo aanay kuu saamaxayn inaad xataa nolol
maalmeedkaaga u baxdid.
Dhinaca amaanka inkastoo Addis ababa tahay
wadamada Africa kuwa ugu dhib yar xaga shuftada, burcadka, iyo xayraanka,
hadana waxaad mar mar la kulmi mid mid iska xayraan ah ama waayuhu hayaan oo
wax isdaba marinaya. Isla markaas waxay soomaali fara badan oo halkaas ku
nool dhibaatooyin yar yar oo minor ah ka soo gaadheen xabad xabad xabashi ah
oo ay runtii si fiican soomaalidu iskaga caabiso weeraradooda waxshinamada
ah. Isla markaas dawlada iminka gacanta ku haysaa dalka Ethiopia oo la yaqaan
TIGRAY waxay damaanad buuxda siisay soomaalida wadankeeda degan haday noqoto
xaga amaanka, baayac-mushtarka, deegaanka, i.wm. Isla markaas waxay ciidanka
qalabka sida ku dar dar gelisay inay u hiishaan sidii ay dadka ajnabiga ah ee
wadankeeda degan amaaankeeda si xad dhaaf ah u dhowraan.
Addis ababa, waxay ka mid tahay
meelaha geeska africa ugu nolosha jaban ama fiican. Nolosheedu haday noqoto
xaga guryaha, gadiidka, maciishada, iyo waxbarashadaba, waa macquul runtii
waxaa meeshaas degan soomaali tiradoodu aad iyo aad u badan tahay haba ku sii
kala badnaadeen xaafadaha oo ha ugu horayso xaafada bole. Ethiopiana dakhliga
ugu weyn wuxuu ka soo galaa soomaalida oo mar mar waxaadba is oran Ethiopia
somalia waxay nabada uga hor taagan tahay soomaalida oo wadanka
Ethiopia si
aad ah u camiray dakhli guud iyo mid gaar ahna uu ka soo galo.
Dhaqanka, aduunka wadan walba wuxuu huwan
yahay oo xanbaarsan yahay dhaqankiisa hooyo, Ethiopia waxay dhaqan ama caado
u leedahay waxaa ugu muhiimsan waa buunka, ciyaarta dhaantada, iyo run
ahaantii waxyaabo badan oo kale oo aan wakhtigu ii saamaxayn inaan halkan ku
soo koobo. Akhristaha qaaliga ahaw anigoo qiimaynaya danaynayana wakhtigaaga
qaaliga ah waxaan ku soo koobayaa socdaalkii aan Ethiopia ku soo maray gaar
ah magaala madaxdiisa Dhinaca socdaalka oo ethiopia aad ku arkaysid inay ugu
yaraan soomaalida degan habeen kasta ay halkaas ka dhoofaan toban ku dhowaad.
Iyagoo u kala socdaala meel walba oo aduunka ah.
Akhristoow, qaybtayda labaad ee dhanbaalka
la soco usbuucyada danbe haddii Allah awooda leh uu inoo saamaxo oo aynu
nolol ku gaarno. Waxaan ku soo koobi doona sidoo kale qaybaha danbe haddii
rabi idmo waxyaabo kale oo aad kuu xiise gelin doona ee ha moogaan.
Ugu
danbaystii, iyo gunaanadkayga soomaalidu waxay ku maah maahdaa"
NIMAN DHUL MARIN DHAAYO MA LEH" Waxaan uga jeeda
qof walba haddii wakhtigu u saamaxayo waxaa qurux badnaan lahayd inuu safar
ku soo booqdo meelo badan oo dunida ah haba ugu horayso wadankeenii hooyo.
Waayo?
gacmahaaga ayaa biyo lagaga dhergaa.
Faisal Mohamed Bulxan
Minneapolis, Minnesota
UNITED STATES
faisalbulhan@hotmail.com
QORAALADII HORE EE FAISAL
Faafin: SomaliTalk.com | Feb 27, 2004