Haddaad rabtid ku sii dar, annagoo meeshii gabadha ku bedelayna kursiga:

Horta Puntland waa gobol ka mid ah Soomaaliya, waxaanna naga go’an in Soomaaliya dowlad yeelato si ay lugaheeda ugu istaagto oo shacabkaas Soomaaliyeed oo dhibbani mar neeftu uga soo baxdo haddii Ilaah nagu garabgalo.

Sidaad la socotaan waxaa jira afar siyaasi oo Puntland usoo galaya inay u soo xulaan ergada baarlamaanka. Waxay kala noqon lahaayeen raggan:

Markii horaba waxaa khalad ahayd in afar qof oo isku qabiil ka soo jeeda ay matalaan Puntland laakiin Ilaahay baa qaar nooga afqabtay oo hadda waxaa saxiixii diiday C/hi Yuusuf iyo Moorgan. Guddiga Xallinta khilaafka Soomaaliyeed wuxuu ku bedelayaa labadaas nin labo nin oo kale oo kala ah:

Marka hadda afarta siyaasi ee soo xulaysa ergooyinka baarlamaanka waa:

Dad badan baa arrinta khiyaali u arka ooysan ka daadegayn in arrintu saan u dhici karto iyagoo u qaba haddaan labadaas askari meesha ku jirin inaysan wax kala soconayn! Hadday arrintu khiyaali idin la noqoto dib u milicsada hoolkii shirka ee Mbagathi markii loo codaynayey ansixinta dastuurka. Waligaa ma istiri “geesiga Puntland” baa goobtaas looga tagayaa? Waxay arrintani ka daadegaysaa dadka uu gabyaagii kalahaa:

Marka xoogga shacabka cid hor istaagi karta ma jirto kaliya waxaa loo baahanyahay in shacabku hurdada ka kacaan. Yaa ku khasbay in kornaylku ka noqdo korarsigii xukunka Puntland? Waa mudaharaadkii maalintii dhowayd Boosaaso ka dhacay. Hadda laga bilaabo arrintu waxay u taal odayo-dhaqameedyada oo ma joogto xero askareed iyo jirri. Waxaan aad ugu mahadcelinayaa dadweynaha Puntland ee noo soo gudbiyey in badan oo ka mid ah odayo-dhaqameedkii Puntland. Waxaa odayo-dhaqameedkaa u badan kuwii Bari, Nugaal iyo Mudug marka walaalaha Sool iyo Sanaag Bari waxaan ka codsanayaa inay na soo gaarsiiyaan liiska garaaddada iyo suldaamada labadaas geyi. Ururka xallinta khilaafaadku wuxuu soo daabacayaa magacyada odayo-dhaqameedka aan hayno muddo maalmo gudahood ah haddii Allaha awoodda lihi ogolaado. Marka qoladii aan oday-dhaqameedkeeda soo gudbin yeysan cidna ku eedin haddii la soo daabici waayo ilayn ururku wuxuu soo gudbinayaa magacyada soo gaara.

Hadday suurtogal tahay ururku wuxuu samaynayaa inuu martiqaad u sameeyo odayo-dhaqameedka intaysan Kenya aadin marka waa in marka hore lala xiriiraa.

Mahadsanid.