SomaliTalk DALSAN
w w w . s o m a l i t a l k . c o m
SOMALITALK - UK

Janaayo 20, 2004

Shirkii Xisbiga UCID Ee Magaalada Leicester,UK
Kaysar Cabdilaahi Leicester, UK 19 January, 2004

Daabaco Boggan | Print


Filimada anshaxa xun, ruugidda Qaadka

iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...



Shir si weyn loo soo abaabulay ayaa lagu qabtay shalay Magaalada Leicester ee dalkan Ingiriiska, shirkaasi oo ay kasoo qayb galeen Wafdi uu hogaaminyay Gudoomiyaha Xisbiga Qaranka ee UCID Ing. Faysal Cali Waraabe iyo wafti kale waxaa isugu yimi dadweyne aad u fara badan oo ka kala yimi xaafadaha Magaalada Leicester iyo nawaaxigeeda.

Aayado Quraan ah ka dib waxaa halkaas hadal soo dhowayn iyo mahadnaq isugu jira kasoo jeediyay Wakiilka Xisbiga UCID ee gobolkan Leicestershire Mudane Xasan Maxamed Cabdilaahi(Salahuddin) waxaana uu xasan halkaasi ka sheegay inuu aad ugu faraxsan yahay wafdiga UCID ee soo booqday magaalada Leicester, waxaana uu intaas ku daray in dadweynaha reer Somaliland ee magaaladani ay aad ugu farxeen Madaxda UCID ee soo booqday, waxaana uu hadalkii kusoo dhaweeyay Gudoomiyaha Xisbiga UCID Inj. Faysal.

Ugu horrayn waxa uu Gudoomiyuhu mahadnaq usoo jeediyay dadkii kasoo qaybgalay shirka iyo xubnihii qaban qaabiyay, waxaana uu warbixin dheer ka bixiyay xaalada dalka hooyo uu ku sugan yahay, waxa uu gudoomiyuhu sheegay in Somaliland maanta ay marayso xiligii ugu wanaagsayad taariikhdeeda.

Waxa uu tilmaamay in dalka ay ka hirgaleen doorashooyin xor ah dadweynaha reer Somalilandna ay doorteen dadkii ay xilka ku aamini lahaayeen, waxaana uu xusay in Xisbigoodu uu taageero wax kasta oo ay danta dalku ku jirto oo ay dawladu qabato, sidoo kalana uu ka hortago wax kastoo khaldan oo ay dawladu ku kacdo, isla markaasna ay leeyhiin barnaamuj dhamays tiran oo ay dalka ku hogaamin doonaan hadii la doorto.

Gudoomiyuhu waxa kale oo uu ka warramay xaalada ka taagan gobolada bariga ee dalka Somaliland, waxaana uu xusay in aanay cidnaba ka ogolaanayn inay hal talaabo oo dhulka Somaliland ka tirsan ay qaadato, waxaana uu xusay in ay Somaliland xadkeeda xidhan doonto oo aan mar danbe si sahlan loogu soo hunguroon doonin.

Mar uu ka hadlayay hogaamiyaha Maamulka Puntland waxa uu xusay in Cabdilaahi Yuusuf uu yahay nin aan masuul ahayn, isla markaasna aanay qancin deriswanaaga dadka walaalaha ka dhexeeya, waxaana uu tilmaamay in Cabdilaahi Yuusuf uu khalad ka fahmay hanaanka dimuqraadiyada ee Somaliland, taasoo uu u qaatay in khilaaf uu ka dhex jiro Somaliland gudaheeda, hase yeeshee waxa uu Gudoomiyuhu xusay in Xisbiyada Mucaaridka ah ee Somaliland ay 100% ku taageersan yihiin Xukuumada Somaliland in ay soo xidho Xuduudka Somaliland iyo Somaliya u dhexeeya, kana sifayso maleeshiyada Cabdilaahi Yuusuf ee soo gashay Magaalada Laascaanood, waxaa kale oo uu tilmaamay in Cabdilaahi Yuusuf uu yahay nin ka baayacmushtareeya dhiigga dadka, isla markaasna Dekeda Boosaaso ka dhigay xaruntii kootarbaanka iyo tahriibka, taasoo uu sheegay in dekedaas uu Cabdilaahi Yuusuf ka dhoofiyo dad masaakiin ah oo ay maamulkiisu lacag ka qaataan, ka dibna ay bada dhexdeeda ku daadiyaan, sidoo kalana dhuxusha iyo xoolaha dhedig iyo wax kastoo kootarabaan ah dekedaas Boosaaso ay ka dhoofaan, waxaana uu Ganacsatada Somaliland uga digay inay dekedaas wax kala soo degaan ama ka dhoofsadaan, taasoo uu dawlada Somaliland ugu baaqay inay talaabo adag ka qaado ganacsatada Somaliland ee lagu helo inay Boosaaso wax kala soo degaan.

Dhinaca kale waxa uu Gudoomiyaha UCID tilmaamay in Somaliland aanay wax dhibaato ah marnaba u geysanayn dadka Soomaalida ah ee sida sharciga ah ku deggan ama ka ganacsada Somaliland, waxaana uu sheegay in sharci uu ku joogo loo samaynayo qofkii si sax ah dalka u degan ama hanti ku leh, laakiin dadka aan sharciga haysan ama danbiyada iyo culuyska ku haya muwaadiniinta Somaliland si dhakhso ah dalka looga saari doono.

Ugu danbayn waxa uu Gudoomiye Faysal ugu baaqay shacbiga reer Somaliland ee qurbaha ku nool inay horumarka dalkooda ka qayb qaataan, sidoo kalana ay ka faaiidaystaan fursadaha waxbarasho ee ka jira dalalka ay joogaan, sidoo kalana waxa uu ku boorriyay inay gacmaha is qabsadaan iskana war hayaan, dalkoodana ay mar kasta maskaxda ku hayaan.

Intaas ka dib waxaa hadalkii la wareegay Inj. Cabilaahi shiraacle Camey oo ka mid ah madaxda Xisbiga UCID, waxaana uu injineerku ka warramay in xisbigoodu uu yahay xisbiga waaga cusub, ayna u halgamayaan sidii ay dalka Somaliland ugu hogaamin lahaayeen Cadaalad, Sinaan iyo Horumar, waxaa kale oo Inj.Cabdilaahi tilmaamay in ay lagama maarmaan tahay in dadweynaha qurbaha ku nooli ay kaalmeeyaan Xisbiyada Qarankooda, si ay u kobciyaan dimuqraadiyada dalka Somaliland ka hanoqaaday

Ugu danbayn waxaa iyana halkaas erayo dardaaran iyo soo dhawayn isugu jira kasoo jeediyay qaar ka tirsan odayaasha iyo dadweynaha ku nool magaalada Leicester oo ay ka mid ahaayeen Cabdi Burco, Isaaq, iyo xubno kale.

Shirkani oo ay dadweynaha ka soo qayb galay aad u xiisaynayeen, waxaa maalgaliyay xaflada iyo kharashka ku baxayba ganacsade reer Somaliland ah oo ku nool magaaladan Leicester oo magaciisa la yidhaa Xasan Gaaxnuug Maxamed (Istareex).

Kaysar Cabdilaahi

Leicester, UK.

Waxaa SomaliTalk soo gaarsiiyey:
hassanabdillahi@hotmail.com

Faafin: SomaliTalk.com | Jan 20, 2004

 Afeef: Aragtida qoraalkan waxaa leh qoraaga ku saxiixan

. XAMAR DAAWO DACALLADA... SAWIRRO....

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
 kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Riyale
Sirta ka Dambaysa Somaliland ma Itoobiyaa?
[Liiban]



XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]