SomaliTalk DALSAN
w w w . s o m a l i t a l k . c o m
SOMALITALK - PL

Janaayo 28, 2004  

Waxbarashadda Puntland oo meel sare gaartay.

Daabaco Boggan | Print


Filimada anshaxa xun, ruugidda Qaadka

iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...


Tan iyo markii ay bur burtay dawladdi dhexe ee Somaliya 1991, waxa laga hirgeliyey puntland waxbarasho xor ah taas ay gacanta ku hayaan dhalinyaro aqoon yahanno ah oo isu xilqaamay iyagoo aan cidna ka sugayn taageero ilaah mooyee, ragaas naftooda hurayaal ah waxay ku guuleysteen in ay furan iskuulo hoose/dhexe iyo kuwo sareba.

Iskuuladda Al-nawawi,Shaafici, Xaaji Mire,Biyo Kulule oo dhamaantood kawada furan Boosaso ayaa ku guuleystay inay wax baraan kumayaal ardada reer Boosaso ah ee ay waxbarasho la'aantu haysay, sidaas si la mid Machadka Al-azhar, Muntada Al islaami, Sheikh Osman, Al-mustaqbal al Nawawi faraca Qardhood ayaa waxbarasho tayo leh ka haqab tiray ardayda reer Qardho, dhamaan degmooyinka kale ee Puntland ayaa waxa ka furay iskoolo hoose/dhexe sare iyagoo ka haqab tiray dhanka waxbarashadda.

Shacab waynaha reer puntland ayaa ku qanacsan sida hagar la'aanta ah ee maamulayaasha iyo macalimiintu u dadaalayaan iyagoo mar walba u taagan sare u qaadida iyo casriyeenta waxbarashadda Puntland.

Iskuulka Al-azhar ee Qardho ayaa ardayda ka baxdaayi si toos ah u aadaan dalka Masar tacliinta Sare, waxaa ilaa hadda helay deeq waxbarasho tiro ka mid ah ardaydii dhameysatay dugsiga sare.

Iskuuladda Nawawi iyo Shaafici ayey ardayda ka soo baxdaayi waxay waxbarasho u aadan wadanka dibadiisa sida wadanka Sudan, Masar, Yemen, Hindiya, Pakistan iyo meelo kale waxaa intaas dheer Machadyo tiro badan oo lagu barto Computer-ada culuumtiisa kala duwan, iyo machadyo caafimaad iyo kuwo farsamaba.

Sanadkii 1999 aqoonyahano reer puntland ah ayaa markii ugu horeysey ka as-aasay magaalada Boosaso jaamacad loogu magac daray Jamacadda Bariga Africa, waxay ku guuleysteen aqoon-yahanadaasi in ay u helaan jamacadda Macalimiin, Manhaj iyo Dhisme, Jamacadda Bariga Africa oo ah iftiinka aqoonta Puntland iyo Geeska Afrikaba oo dhan aya waxaa wax ku barta boqolaal arday, sanadkan aan hada ku jirno ee 2003/2004 waxaa qalin jebinaya arday tiradoodu kor u dhaafayso sideetan arday, waxaa dareemi kartaa horumarka wayne ay jamacaddu samaysey sanadihii yaraa ee ay jirtay, waxay ka kooban tahay jaamacaddu sadex kuliyadood kuwasoo kala ah Dhaqaalaha, Shareecadda Islamka iyo Computers Science waxa la filayaa in lagu kordhiyo sanadkan kulliyada Macalimiinta iyo Kuliyadda Caafimaadka, waxaan u rajaynayaa guul raga xilli walba u taagan horumarinta waxbarashada Puntland iyo soomaali waynba, jamacaddu waxay xiriir la leedahay jamacaddo kale oo ka jira somaliya sida Jamacada Muqdisho, jamacada Hargeysa, iyo Jamacada Boorame, sidoo kale jamacaddu waxay xiriir wanagsan la leedahay jamacadaha carabta iyo kuwa dunida islaamka.

Waxaa gacan ka siiiya dhanka manhajka iyo tababaradda macalimiinta jamacad ku taal Dalka Australia, Jamacaddu waxay wafdi u dirtay shirarna ku qabatay hoolka shirarka ee Jamacadda Minnesota ee dalka Maraykan, iyagoo halkaas kula kulmay wafdigii Jamacadda Bariga Africa jaaliyadda soomaliyeed ee waqooyiga ameerika kana wada hadlay sidii loo horumarin lahaa jamacadda loona caawini lahaa.

Macalimiinta wax ka dhigta ayaa ka so shaqeeyey jamacaddii umadda ee Soomaliya iyo wadamo kale, maamulka jamacadu markasa wuxuu u taagan yahay horumarinta Jaamacadda iyo as-aasida kulliyaddo cusub, waxaan u rajaynaynaa Guul dhamaan ciddii ku hawlan waxbarashada iyo horumarinta umadda soomaliyeed.

Sharma'arke Abdi Risaq Elmi

Gudoomiyaha Ururka Ardayda Puntland ee Qaahira, Masar

Cairo,Egypt

shsugulle@hotmail.com

Faafin: SomaliTalk.com | Jan 28, 2004

 QORAALADII HORE EE SHARMARKE

Afeef: Aragtida qoraalkan waxaa leh qoraaga ku saxiixan.

Kulaabo bogga hore ee www.somalitalk.com 

© www.SomaliTalk.com
All About Somalia and More..
.
>> Usheeg Asxaabtaada
Allah Is Great
 kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Riyale
Sirta ka Dambaysa Somaliland ma Itoobiyaa?
[Liiban]



XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]