March 16, 2004
Xaabsade:
Sheekh Aadan Madoobe Waa imankaraa Baydhabo
Haddii aysan lasocon Gen. Morgan iyo Danjire C/laahi
Qore: Cabdiweli Ibraahim Aadan (Garyare)
garyare20@hotmail.com
Muqdisho, Soomaaliya
Gudoomiye-ku-xigeenka ururka RRA Maxamed
Ibraahim (Xaabsade ) ayaa waxaa uu sheegay inaysan la socon goorta uu Sheekh
Aadan Madoobe ku biiray isbaheysiga SRRC.
Xaabsade oo maanta ka hadlayay socdaal la filayo inuu Sheekh Aadan Madoobe
barito ku yimaado magaalada Baydhabo ayaa sheegay inuu Sheekhu imaan karo
Baydhabo hadii aaney la socon wax uu ugu yeeray raga kasoo horjeedo
nabadeynta Soomaaliya kuwaasoo uu ku tilaamay Gen.Maxamed Saciid Xirsi (Moorgan)
iyo Danjire C/laahi Shiikh Ismaaciil oo labada iminka ka qeyb qaadanaya
shirka ka socda magaalada Jowhar.
"Shiikh Aadan Madoobe waxaa uu ka mid ahaa ragii aan iskaashaneynay xiligii
aan xilka ka tuurnay Shaatiguduud waxaana si kumeel gaar ah oo lix bilood ah
loo magacaabay in Shiikh Aadan Madoobe sii hayo xilka gudoomiyaha RRA hadana
wuu u dhamaaday waqtigii uu xilka hayey waxa aan ugu yeereynana wax kale ma
aha ee waa inuu ka soo qayb kalaa kulankan looga hadlayo Arinta RRA" ayuu
yiri xaabsade.
Dhanka kale waxaa uu Xaabsade tibaaxay inay taageersan yihiin shirka
Soomaalida uga socda dalka Kenya isagoo sheegay inuu yahay shir ay Soomaali u
dhan tahay oo ah midka kaliya ee wadada saxan ku socda ayna tagi doonaan mar
dhow shirkaasi si looga mira dhaliyo waa sida uu hadalka u dhigaye.
Xaabsade ayaa laftiisa kamid ahaa hogaamiye-kooxeedyo sanadkii lasoo dhaafay
kasoo carooday shirka Soomaalida kadibna shir ay ku yeesheen degmeda Balcad
kaga dhawaaqay Isbaheysi ay ugu magac dareen Gollaha Samata Bixinta.
Dadka Reer Baydhabo ayaa baryahan waxay hadal hayeen khilaafka siyaasadeed ee
soo kala dhex galay Xaabsade iyo Shiikh Aadan Madoobe iyagoo ka cabsi qaba in
khilaafkoodu sababo dagaalo cusub oo uu dhiig ku daato.
Cabdiweli Ibraahim Aadan (Garyare)
garyare20@hotmail.com
Muqdisho, Soomaaliya
Faafin: SomaliTalk.com | March
16, 2004
Minnesota:
Macallimiin iyo arday Soomaaliyeed oo xusay Taariikhda Dadka Madow
Sida la wada ogsoon yahay dadka madow ee ku
nool dalka maraykanka mar awoowayaashood badankood..
Guji
XAMAR DAAWO DACALLADA.. SAWIRRO
Kulaabo bogga hore ee www.somalitalk.com
|