-
C/llaahi Yuusuf oo sheegay
in Muqdisho ay ku sugan
yihiin Kooxo farabadan oo
Argagixiso ah.
-
Dowladda Federaalka oo
sheegtay in ay Baaritaan ku
sameyn doonto Qaraxii..
-
Ra’isul
Wasaare Cali Max’ed Geedi oo
dib ugu laabtey Jowhar..
-
Shariif Xasan oo shalay dib
ugu soo laabtay Muqdisho
-
Ciidamadii ku xareysnaa
xerada Kongo Hub iyo Dareys..
WARARKII NOV 9, 2005
C/llaahi Yuusuf oo sheegay in
Muqdisho ay ku sugan yihiin
Kooxo farabadan oo Argagixiso
ah.
Madaxweyne C/llaahi Yuusuf Axmed
ayaa mar uu kulan gaar ah la
yeeshay xalay Ra’isul Wasaare
Cali Max’ed waxa uu warbixin
kaga dhegeystay safarkiisii
Magaalada Muqdisho waxa uuna u
sheegay in safarkii uu ku
dhamaaday guul iyo afgarad.
Kooxo ayaa doonayay in ay
carqaladeeyaan safarkeyga
Muqdisho, taasina ma ahan mid
aan uga hakanay” ayuu yiri Cali
Max’ed Geedi oo sheegay in
Muqdisho ay ku sugan yihiin
kooxo argagixiso ah oo dhibaato
ku haya bulshada Soomaaliyeed.
C/llaahi Yuusuf oo ka hadlay
kulankaasi waxa uu sheegay in
Muqdisho uu ogaa in ay ku sugan
yihiin kooxo argagixiso ah,
isagoo sheegay in Dowladdu ay
talaabo ka qaadi doonto
kooxahaasi. “Muqdisho in ay
nabad noqoto waxaa laga rabaa in
ay ka shaqeeyaan bulshada
Gobalka Banaadir oo aysan u
xirnaanin labo ama saddex ruux
oo eeganaya danahooda gaarka ah”
ayuu yiri C/lalahi Yuusuf Axmed
oo sheegay in xafiiska Dowladdu
ay ka furatay Muqdisho uu qaban
doono howlaha xukumadda iyo
sidii nabad loogu soo dabaali
lahaa Magaalada Muqdisho, isagoo
sheegay Muqdisho in ay tahay
caasimaddii Soomaaliya. Mar uu
ka hadlayay qaabka ugu haboon ee
loo dhameyn karo khilaafka u
dhexeeya xubnaha Dowladda C/llaahi
Yuusuf waxa uu sheegay in
khilaafkaasi uu haatan marayo
meel gabaabsi ah, kooxaha ka soo
horjeeda Dowladana ay ku soo
goobmeyn labo ruux oo qura,
waxaa kalloo uu sheegay in
Dowladdo shisheeye oo uusan
carabaabin oo uu sheegay in ay
ku lug leeyihiin ka fogaanshaha
xubnaha Dowladda Federaalka.
Dowladda Federaalka oo sheegtay
in ay Baaritaan ku sameyn doonto
Qaraxii..
` Wararka ka imaanaya
Magaalada Jowhar waxay
sheegayaan in Dowladda
Federaalka ah ay baaritaan ku
sameyn doonto ciddii ka
dambeysay qaraxii lala beegsaday
Ra’isul Wasaare Cali Max’ed
Geedi 6-dii bishan.
Maanta ayaa la
filayaa in la magacaabo guddi
baaritaan oo soo uruuriya
waxbixino la xiriira qaraxaasi,
iyadoo Mas’uuliyiinta Jowhar ku
sugan ee Dowladda Federaalka ay
qabaan in qaraxii 3/5/2005 ee ka
dhacay Isbartiibada iyo midka
haatan ay yihiin kuwo la isla
xiriiri karo, iyadoo Ra’isul
Wasaare Cali Max’ed Geedi iyo C/llaahi
Yuusuf Axmed ay aaminsan yihin
in uu yahay qaraxaani fal
argagixiso ah.
Qaraxii lala
beegsaday safarkii Ra’isul
Wasaare Cali Max’ed Geedi waxaa
ku dhintay ilaa iyo 9-ruux
waxaana ku dhaawacmay ilaa iyo
toban kale haddana cid sheegi
karto ma jirto in qaraxaasi uu
ahaa miino meel fog laga hagayay
in uu ahaa Bambo gacameed iyo in
uu ahaa qoriga Baasuukaha, hase
yeeshee dadka intiisa badani
waxay sheegeen in uu ahaa
qaraxaasi miino meesha lagu
aasay.
Ra’isul Wasaare
Cali Max’ed Geedi oo dib ugu
laabtey Jowhar..
Ra’isul Wasaare
Cali Max’ed Geedi oo labo
maalmood ku sugnaa isaga iyo
wafdi uu hogaaminayay Magaalada
Muqdisho ayaa shalay dib ugu
laabtay Magaalada Jowhar oo
xarun u ah qayb ka mid ah
Dowladda Fedeaalka.
Safarka Ra’isul
Wasaaraha ee la soo gaabiyay
ayaa sabab looga dhigay iyadoo
Berito la filayo in Magaalada
Jowhar uu ka furmo shir la
sheegay in ay isugu imanayaan
Wasiirada Arimaha Dibadda ee
Wadamada IGAD waxaana la filayaa
in Ra’isul Wasaaruhu uu ka
qaybgalo kulankaasi.
Ra’isul Wasaaraha oo
shir-Gudoomiyay kulan ay isugu
yimaadeen Golaha Wasiirada oo
qaarkood ka yimid Magaalada
Johwr kuwana ay ku sugnaayeen
Magaalada Muqdisho ayaa waxa uu
sheegay in shacabka Gobalka
Banaadir looga fadhiyo in ay
kala ogaadaan cidda hor taagan
horumarkooda iyo
nabad-gelyadooda.
Ra’isul Wasaaraha oo
shalay la filayay in uu Hotel
Ramadaan kulan kula yeesho
Maamulka Gobalka Banaadir,
qaybaha kala duwan ee Bulshada
Rayidka ah iyo saraakiisha
ciidamda ayaa baaqday waxaana
ilaa iyo galabnimadii la arkayay
dad aad u fara badan oo hor
dhoobnaa Hotel Ramadaan.
Dhamaan Wasiiradii
la socday Ra’isul Wasaaraha ayaa
iyagu horey u sii raacay Ra’isul
wasaaraha, waxaana la sheegay
safarkii Ra’isul Wasaaraha ee
Jowhar uu dib u dhac ku yimid
muddo dhowr saacadood ah kaddib
markii kooxo ganacsato ah ku
qabsadeen Guriga uu ka deganaa
Magaalada Muqdisho, kaaddib,
iyagoo ku sheeganaya lacago deyn
ah oo ay horey Ra’isul Wasaaraha
u deymiyeen, waxaana markii
dambe arintaani dhameeyay
Odayaal iyo Waxgarad.
Shariif Xasan oo shalay dib ugu
soo laabtay Muqdisho
Aad Baan uga xumahay in in
Raiisul wasaaraha Qarax lala
beegsado kuwa geysteyna waa..
Guddoomiyaha
Baarla-maanka Shariif Xasan
Shiikh Aadan oo muddo dhowr
bilood ah ku maqnaa safar
dibadda ab ayaa shalay ka soo
degay Garoonka Diyaaradaha ee
Deyniile waxaana halkaasi ku soo
dhaweeyay xubnaha labada Gole ee
ku Magaalada Muqdisho iyo
dadweyne aad u fara badan.
Guddoomiyaha
Baarla-maanka ayaa waxa uu
safaro ku soo kala bixiyay
Wadamada America, Canada,
Ingiriisaka, Sweden, Finland iyo
Kenya, iyadoo intii uu marayay
wadamadaasi dhacdadii ugu xumeyd
ee Guddoomiyaha soo marta ay
ahayd kaddib ciidanka Booliisa
Sweden ay xabsiga u taxaabeen
Cabdi Xasan Cawaale Qaybdiid oo
ka mid ahaa wafdiga Guddoomiyaha
hase yeeshee markii dambe la sii
daayay markii lagu waayay wixii
loo qabtay.
ku soo laabashada
Guddoomiyaha ee Magaalada
Muqdisho waxay ku soo beegan
tahay xili duu dhawaan Muqdisho
ka tagay Guddoomiye ku xigeenkii
Baarlamaanka Cismaan Cilmi
Boqore oo ku biiray kooxda
Jowhar.
Dhinaca
kaleGuddoomiyaha Baarla-maanka
oo shalay dib ugu soo laabtay
ayaa la filayaa in uu shir
guddoomiyo shir ay isugu imaan
doonaan xubnaha labada Gole ee
ku sugan Muqdisho.
Waxaa la filayaa in uu
guddoomiyuhu warbixin siiyo
xubnaha labada Gole oo ku
saabsan safaradii uu ku soo kala
bixiyay wadamada Mareykanka,
Canada, Sweden, Finland iyo
Ingiriiska.
Mar uu shalay la hadlayay
saxaafadda waxa uu sheegay in uu
aad uga xumaaday qaraxii lala
beegsaday Ra’isul Wasaare Cali
Max’ed Geedi waxa uuna ku
tilmaamay mid sii wiiqeysa
hanaankii la isugu keeni lahaa
xubnaha Dowladda, waxaa kalloo
uu cambaareeyay falalka
burcadnimada ah ee ka dilaacay
xeebaha Soomaaliya, isagoo
sheegay in haddii aan laga
hortagin ay saameyn ku yeelan
doonto xaaladda maciishada
Soomaaliya.
Guddoomiyaha Baarla-maanka
Shariif xasan Shiikh Aadan ayaa
imaanshihiisu waxa uu ku soo
beegmay xili uu Muqdisho ka
tagay Guddoomiye ku xigeenka
Baarlamaanka Cismaan Cilmi
Boqore oo isagu ku biiray kooxda
Jowhar oo ay fikrad ahaan iska
soo horjeedaan.
Ciidamadii ku xareysnaa xerada
Kongo Hub iyo Dareys..
Wararka naga soo
gaaraya Magaaada Jowhar ee
Gobalka Sh/dhexe waxay
sheegayaan in Ciidamadii ku
xareysnaa xerada Kongo shalay
loo qaybiyay hub iy dareys.
Ciidankaan oo gaaraya ilaa iyo
2500 ayaa xoogoodu waxa uu ka
yimid Maamul Gobaleedka Puntland
waxayna xeradaan ku
xareysnaayeen muddo saddex
bilood ah oo ay ku qaadanayeen
tababar.
Ciidankaan ayaa
horey waxa uu Madaxweynuhu u
sheegay in ay yihiin ciidamo
Qaran o sugi doona ammaanka guud
ee dalka, waxaana la filayaa in
maalmaha soo socda uu
Madaxweynaha Dowladda Fedeaalka
C/llaahi Yuusuf uu ka qaybgalo
xafladda xiritaanka Tababarkaasi,
Su’aasha isweydiinta mudani
waxay tahay deegaanada ay ka
howgali doonaan, maadaama
maalinta maalinta ka dambeysa uu
sii xoogeysanayo khilaafka
W/D AmiinYuusuf Khasaaro
Email
amiinkhasaaro@hotmail.com
Faafin: SomaliTalk.com | Nov 9,
2005
Prof. Geeddi:
"Mucaaradkii Dawlada Waxaa Ku soo haray Laba Xubnood -Yalaxow & Qanyare"
»Hay'adda
UNHCR oo Qaxooti Soomaaliyeed u qaaday USA
»Wasiiro
ku sugan Muqdisho oo ku biirey kulankii Geedi..
»Ilaalada
Ra’isul Wasaare Geedi oo dhaawacay wiil dhalinyaro
»Geedi:qaraxii
la ila beegsaday wuxuu ahaa fuleynimo....
»UN
& hay'ado Soomaali ah oo cambaareeyey qaraxii Xamar...
Iyo warar kale oo Googoos ah ka akhri halkan...
Nov 8
Injineer
Soomaaliyeed oo Lagu Diley Diinsoor
Eng. Max'ed
Ibraahim Dheel oo 15 sano ku maqnaa dalka Mareykanka ayaa waxa uu Degmada
Diinsoor ugu soo laabtay sidii uu gacan u siin lahaa dadkiisa, waana la
diley, warkaas iyo Muqdisho oo uu wiil naftiisa ku waayay Xabad Sigaar ah...
ka akhri..
HALKAN... GUJI... Nov 7