Mucaarad
iyo Muxaafid la isugu tag Shabeelada
Dhexe
Wax la
yiraahdo saldannada ama xukunka waa wax aad iyo aad loo
jecel yahay oo mararka qaarkood ku gaarsiinaya meel aad u
xun oo ah adduunyo seeg iyo Aakhiro seeg xitaa waxaa la
sheegay in Xayawaanku aad u jecel yahay bal sheekadan fiiri
, beribaa boqor waxa uu ka talin jiray Deegaan Boqorkaasi
markii uu muddo uu xukumayay halkaasi ayaa waxaa martiqaaday
Boqor kale in uu muddo bil ah uu la joogo, Boqorka la
martiqaaday waxa uu lahaa cunte kariye aad u yaqaan sida
cuntada loo kariyo waxa uuna u Karin jiray cad aad u macaan
oo uu Duhurkii u keeni jiray, cadkaas ayaa ahaa mid si aad
ah loo soo farsameyn jiray qofkii dhadhamiyaana uu ka
sheekeenayo muddo, Boqorkii waxa uu ka fekeray waxa uu ka
yeelayo cadkaas macaan, waxa uuna go’aansaday in uu
Salddanada uga sii tagto walaalkii markii uu ku wareejiyay
wixii ku saabsanaa boqortooyada iyo maamulkeeda ayaa waxa uu
la dardaarmay ninkii cunta kariyaha ahaa waxa uuna yiri
“Cadkaad ee keeni jirtay uma keeni kartid walaalkeey, ee
mudada bisha ah ee aan maqanahay cadkaas waxaad siineysaa
Eygeyga”, Amarkii ayuu qaatay Cunta kariyihii, cadkiina
maalin walba oo uu karinaya waxa uu hoosta ka dhigaa Eygeyga
oo isagu si aad ah u macaansaday, Boqorkii markii uu soo
dhameystay siyaaradiisii ayuu dib ugu soo laabtay
deegaankiisii, markiiba wuxuu kala wareegay walaalkii oo si
ku meel gaar ah u hayay xilka , Cunta kariyihii Markii uu
damcay in uu cadkii macaanaa u geeyo Boqorka, ayaa waxaa is
hortaagay Eygii oo yiri “Wallee ima dhaafo cadkaan”, intuu
dib u laabtay oo cadkii meel dhigay ayuu boqorkii u tagay
waxaana lagu yiri cunta-kariyihii “Aaway cadkii”, markaasuu
waxa uu yiri “Aniga oo doonayo in aan ku soo qaado ayuu
Eygii is hortaagay oo meel aan uga dhaqaaqo waayay”
markaasaa waxa lagu yiri “ku laabo ee cadka ii keen” sidii
ayuu yeelay, hase yeeshee, haddana waxaa is hortaagay Eygii
oo isagu markaanba bilaabay in uu Cunta-kariyhii ku dilo ama
kula dagaalamo Cadkii, markiiba Cunta kariyihii dib ayuu ugu
soo laabtay Boqorkii wuxuuna ku yiri “Waxaa weli I hortaagan
Eygii” Boqorkii waxa uu yiri oo ma dhici kartee, Boqorkii
intuu dib u galay Qasrigii ayuu waxa uu soo qaatay Bistoolad,
farta ayuu ka saaray Cunta kariyihii waxa uuna ku yiri
“Markaan haddii uu iskaa hortaago, Bistooladaan madaxa ku
jabi”, markii uu damcay in uu soo qaado cadkii ayaa sidooyoo
kale Eygii is hortaagay, markaa ayuu Eygii ku yiri “wallee
cadkaan ima dhaafo maanta”, Cunta-kariyihii isagoo fulinayo
amarkii boqorka ayuu Bistooladii la soo baxay Eygiina madaxa
jabiyay, halkii uu ku dhintay, si halhaleel ah ayuu
Cunta-kariyihii cadkii ugu keenay Boqorkii, wuxuuna ku yiri
“Walaalkay, haddi aan ku dhihi lahaa cadkaan ha la sii siiyo,
sidaan oo kale ayuu cadka ugu dhegi lahaa oo lagama fujiyeen,
isagana halkii uu maray Eyga ayuu mari lahaa”.
Soomaaliya 15-kii sano, waxay isku dileysay waa
xukunka, sidaa darteed haddii aan xal loo helin midda haatan
aan ku jirto waxay keeneysaa dagaal hor leh, iyadoo shirkii
lagu qabtay Nairobi uu ahaa kii ugu muhiimsanaa waayo waxaa
ka qaybgalay intii xukunka dooneysay, raali ayayna ka
ahaayeen wixii halkaasi ka soo baxay waxaana taas kuu
caddeenaya codadkii faraha badnaa ee uu helay Madaxweyne C/llaahi
Yuusuf Axmed oo gaarayay 189 cod waa aqlabiyad aad u
balaaran, waxayna beelihu codadka u bixiyeen sidatan:
Digil iyo Mirifle 57-cod, Beelaha Hawiye 55-cod,
Dir 45-cod, Daarood 22-cod, Beelaha isbahaysiga 10-cod marka
la isku daro waa 189 cod , waxaad halkaan ka garaneysaa in
beesha Daarood ee ka soo jeedo Madaxweyne C/llaahi Yuusuf ay
siiyeen tiro aad u yar, Beelaha Hawiye oo iyagu bixiyay
codadka intaa la eg ayaa haatan waxay u muuqdaan kuwo ka soo
horjeeda Madaxweynimada C/llaahi, waxana mid aad loola yaabi
karo, shacabkuna waxay leeyihiin “Adinkaa doorateene maxaad
haatan ku diideysaan oo aad ku Mucaaradeysaan”, “Shar iyo
Kheyr waxaa loo baahan yahay in aad C/llaahi soo dhaweysaan,
waayo waxaad ku mararsiyootaan maanta meesha ma yaalaan
Waxaa la filayaa in dhawaan kooxaha Mucuraadka ah isugu
tagaan Magaalada Balcad oo ka tirsan Gobalka Sh/dhexe,
waxayna kooxahaani shirkaas halkaasi ugu qabanayaan,
ismuujin dhinaca awooda ah, maadaamada uu C/llaahi isna
ciidamo ku uruurinayo Gobalka Sh/dhexe, sidoo kale waxay
doonayaan in caalamka tusiyaan Gobalka Sh/dhexe.la wada
joogo
Gen. Morgan ayaa waxa uu ahaa raggii sida aadka
ah u waday dagaaladii ka dhacay dalka Soomaaliya, mar la
wareystayna waxa uu sheegay in uu diyaar u yahay in wixii
khilaaf ah lagu xaliyo wada hadal, isagoo sheegay in
dagaaladii uu galay ay ahaayeen kuwo qar iska tuurnimo ah,
Gen. Morgana ayaa waxaa u yimid Nin sarkaal sare ah oo ka
tirsanaa ciidamadii qalabka siday, waxa uuna ku yiri “Gen.
Morganow ma waalneyd markaad ciidamo intaad ka soo
dhaqaajisay Ceel-Barde aad damacday in aad ku weerarto
Kismaayo, waana fogaan aad u fog”. Morgan markiiba jawaabta
su’aashaas waa uu haleelay wuxuuna ku yiri Nnkii sargaalka
ahaa “Waxaa iga waalan ninka inta ciidamo ka soo qaaday
Puntland keenayna Jowhar”, hadalka Morgan marka aad fiiriso
waxaa la dhihi karaa waa hadal run ah, waayo dagaaladii ka
dhacay dalka Soomaaliya ayaa dhamantood ahaa kuwo qar iska
tuurnimo ahaa oo aan laga fiirsan, waxaana maqaalkeena ku
soo geba-gabeynaynaa arrinta somaaliya waxay u eg tahay “ I
jiid aan ku Jiidee waa gacmo daalis “ Mucuraad iyo
Muxaafidba la isugu tag Gobalka Sh/dhexe, maxaa xigi doona
W/D:
Amiin Yuusuf Khasaaro
Email:
amiinkhasaaro@hotmail.com
Faafin: SomaliTalk.com | Sept 25, 2005
Puntland
oo Guddi u Direysa Jawhar
si ay Arrimaha "Shirkada Consort" ugala
soo Xaajoodaan DFKMG, waxaana guddigaas soo magacaabaya...
Guji
Fartuun
Sheikh iyo Ayeeyadeed oo Laga Sii Daayey Xabsiga Nairobi
Sidaas waxaa shaaca ka
qaaday warsaxaafadeed ka soo baxay xafiiska senator Coleman..
Guji...
|