|
LIISAS ISKA SOO HOR JEEDA OO AY BEELUHU
GUDBINAYAAN
Ibraahim Maxameddeeq
imdeeq@hotmail.com
SomaliTalk.com | Eldoret
Nov 25, 2002
Qabiilooyinka Soomaalida Eldoret ku shirsan ee laga
sugayey inay soo gudbiyaan liisaskii gudiyadii lixda ahaa ayaa weli ku
mashquulsan sidii ay hawshaas u soo afjari lahaayeen, waxayna qabiilooyinku si
kala gaar gaar ah oo isku liddi ah u leeyihiin shirar ay arintaas kaga wada
hadlayaan iyadoo ay koox waliba muujinayso figradda ay ku doonayso in loo
qaybiyo xubnaha gudiyadaa uga qayb qaadanaya.
Qabiilooyinka ay gudiga farsamada Igad ku magacowday
Minority ayaa ku hawlan sidii ay magacaas isaga bedeli lahaayeen iyagoo gudiga
farsamada ka sugaya inay magacaas ugu soo bedelaan Jareerweyn iyo Banaadiri,
waxaa kaloo jira dad ka mid ah dadyoowga Minority’ga ah oo doonaya inay talada
iyo sida loo qaybinayo ergooyinka Minority’ga kaalintooda ku yeeshaan, taas oo
aysan banaadiriga iyo Jareer weyntu ogolayn.
Gudoomiyaha ururka Banaadiriga (SANU)
oo ka soo noqday aaskii Allaha u naxariistee AVV. Raajis ayaa ii sheegay inaysan
waxba qaybsanayn ilaa iyo inta magaca ay naceen ee Minority laga bedelayo,
waxayna qolyaha Banaadiriga iyo Jareerweyntu ii sheegeen inaysan liiska
gudbinayn ilaa magaca Minority laga bedelayo.
Lixda Guddi ee Shirka Eldoret
- 1- gudida dastuurka iyo maamul sal
balaaran
- 2- gudida dibu heshiisiinta, xuquuqda
aadanaha, iyo anshaxa guud
- 3- gudida dhismaha hayadaha iyo
dumidda khayraadka
- 4- gudida nabadaynta, hub ka dhigidda,
dhaqan celinta, dib u dhiska iyo isu keenida
- 5- gudida gobolada iyo xiriirka
caalamiga ah
- 6- gudida lahaanshaha dhulka iyo
arimaha dadka laga tirada badan yahay.
Warbixintii
dhismaha gudiyada.... |
Qabiilooyinka Hawiyaha ayaa iyaguna badanaa ku heshiiyey
sida loo qaybinayo xubnaha ku soo hagaagay, waxaase jira qolyo ka mid ah
qabiilkaas oo dacwo ka qaba habka wax loo qaybiyey oo isugu jira kuwo aan tirada
lagu soo darin iyo kuwo siyaabo kale u cabanaya.
Qabiilka Digil iyo Mirifle ayaa
iyaguna badanaa ku heshiiyey hab qaybta xubnahooda iyagoo weli ku jira
dhamaystir balse ay arintu u dhow dhow dahay.
Qabiilka Dir ayaa iyaguna guda
galay hab qaybta ergooyinkooda laakiin qabiilooyinka Dir waqooyi ayaa durba
walaac ka muujiyey habka wax loo qaybiyey oo ay sheegeen inaysan Dirta
koonfureed siin qaybtii ay xaqa u lahaayeen.
Qabiilka Daarood ayaan si rasmi ah
weli ugu heshiin hab qaybta ergooyinka gudiyada lixda ah uga qayb qaadanaya,
waxaana jira shirar aan iska war hayn oo ay siyaabo gaara ugu kala jiraan dadka
qabiilkaas shirka ka jooga, waxaa jira liisas is khilaafsan oo ka soo kala
baxaya shirarkaas is diiddan ee Eldoret ka socda, waxaana jira inay bessha
Absame iyo Harti samaysteen guddi wax u qaybisa ayna soo saareen shax ay wax ku
qaybiyeen oo ah: Harti 8, Absame 6, Mareexaan 6, Laylkase 2, Awrtable 2, taas oo
ay waxba kama jiraan ka soo qaadeen qaybo ka tirsan qabiilka Mareexaanka, Jaamac
Cali jaamac, Col. Axcmed Cumar Jees iyo gudiyo ay samaysteen dadyoow iskood u
yimid Eldoret oo ka tirsan beesha Harti, waxaana jira khilaaf aad u weyn oo u
dhexeeya beesha Daarood dhexdeeda, waxayna qolo waliba si gaar ah u gudbisey
liis aysdan kuwa kale la ogolayn.
Dhaqaaqa shirka Eldoret iyo inuu horumar sameeyo ayaa ku
xidhan liiska xubnaha lixda gudi ka qayb qaadanaya oo ay beeluhu gudbiyaan,
haddii liisaskan lagu guulaystana waxay qabiilooyinku guda geli doonaan inay
gudbiyaan liisaska ergooyinka wejiga labaad ee shirka uga qayb qaadanaya oo in
badan loo xayiraa.
Ibraahim Maxameddeeq
SomaliTalk.com |
Eldoret
E-mail: imdeeq@hotmail.com
G8
ma diidana Go'aankii Ergooyinka Qabiilka lagu saleeyey
Sidaas waxaa sheegay xoghayaha arrimaha dibedda ee
isbahaysiga Dooxada Jubba (JVA) Mr. Cabdirisaaq Khaliif Ashkir oo u waramayey Ibraahim
Maxameddeeq... 24/11
Midowga
Yurub oo Ku Hanjabay Joojinta Kharashka Shirka ELdoret
Qanyare, Xuseen Caydiid iyo Muuse Suudi oo
dalbaday in ergooyinka habka qabiil laga daayo oo habkii kooxaha lagu celiyo....
warbixintii
Ibraahim Maxameddeeq... 23/11
Sifaha
Siyaasiyiinta Soomaalida
iyo Siyaalaha ay u wada Hadlaan:
Ibraahim Maxameddeeq oo jawaab ka bixinaya su'aal laga weydiiyey siyaasiyiinta
Soomaaliyeed (eldoret) ayaa sheegay in.. GUJI... 23/11
DKG
oo Diidey Go'aankii Shalay
iyo
Safarkii C/Laahi Yuusuf oo Dib u Dhacay:...
DKMG ah oo goor hore ku jirtey kooxaha u ololaynayey in
hab qabiil ergooyinka lagu qaybiyo ayaa hadda arintaas diidan Warbixintii
braahim Maxameddeeq 20/11
Ergooyinkii
Shirka Eldoret oo Lagu Jaan Gooyey Hab Qabiil
Ergada oo laga dhigay 400 iyo xubnaha ka mid
noqonaya gudiyada lixda ah oo tiradooda guud laga dhigay 138 qof ayaa maanta
lagu qaybiyey hab qabiil..... Warbixintii Warbixintii
Ibraahim Maxameddeeq 19/11
... ELDORET:
Taxanaha Wararka
... Soomaaliya
iyo dhacdooyinkii 2001/2000
WARARKA
SEPTEMBER - GUJI
»
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
| 
"XAL NOO KEENA IDINKAAN IDINKA SUGEYNAAYE"
