SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - KENYA
MOI OO MADAXDA SOOMALIDA KULA KULMAY MADAXTOOYADA ELDORET

 

Ibraahim Maxameddeeq

 imdeeq@hotmail.com

SomaliTalk.com | Eldoret

Oct 31, 2002

Xafladdii saaka: kabilow Bidix koofida qaba: Maxamed Cabdi Xaashi, Cabdilaahi Yuusuf, Mawliid Macaani, Xasan Qalaad, Maxamed Seyid

Madaxweeynaha dalka Kenya madaxweyne Moi ayaa maanta gelinkii hore ka qayb galay xaflad si qurux badan loo soo agaasimay oo ka dhacday xarunta madaxtooyada Moi ee Eldoret, waxaana xafladdan looga hadlayey heshiisyadii ay madaxda siyaasadda soomaalida ee Eldoret ku shirsani horay u gaadheen, madaxweeyne Moi ka sokoow waxaa xafladdii saaka ka soo qayb galay wasiirka arimaha dibedda ee Jabuuti, Wasiirka arimaha dibedda ee Kenya, Wasiirka dalxiiska ee Kenya, Gudoomiyaha gudiga farsamada Igad oo ah ninka shirka soomaalida daadihinaya Mr. Elijah Mwangale, dublimaasiyiin iyo wakiilo ka kala socda bulshada caalamka iyo hayadaha caalamiga ah.

Xafladda oo ay dad dhawr ahi ka hadleen waxaa dhinaca soomaalida uga hadlay Mr. Mawliid Macaani, Xasan Abshir, Gen. Aadan Gabyow, Caasha Xaaji Cilmi, Cabdillaahi Yuusuf iyo Shariif Saalax Maxamed oo dhamaantood Ammaan iyo mahadnaq ay madaxweyne Moi u soo jeediyeen ka sokoow carrabka ku adkeeyey baahida loo qabo in shirka Eldoret uu noqdo shirkii ay colaadaha soomaliya ku soo geba geboobi lahaayeen ee ay soomaalidu kaga raysan lahayd dhibaabahii waayahan daashaday.

Qofkii ugu horeeyey ee fagaaraha ka hadlay oo ah Ergeyga gaarka ah ee ay Kenya Arimaha soomalida u xilsaaratay isla markaana ah gudoomiyaha gudiga farsamada Igad Mr. Elijah Mwangale ayaa Moi war bixin kooban ka siiyey hanaanka shirku u socdo iyo marxaladihii uu wejiga hore ee shirku soo maray, isagoo madaxweynaha mid mid u baray madaxda soomalida, kaddibna Mr. Mwangala wuxuu shaaca ka qaaday inay soomalidu ku heshiisey wejigii hore ee shirka, isagoo xusay inay soo saareen baaq kuna heshiiyeen habkii uu shirku u socon lahaa. Mr. Mwangale wuxuu madaxweeynihiisa la socodsiiyey in ergooyinka loogu talo galay inay ahaadaan 350 halka ay hadda ka marayaan 800-1000 taas oo uu sheegay in si loo dhimo ay ka wada hadli doonaan madaxda soomaalida.

Gen. Aadan Gabyow oo ka mid ahaa ragii xafladda ka hadlay oo ku hadalayey magaca SRRC ayaa isna caalamka weeydiistey inay tallaabo ka qaadaan cidii isku dayda inay shirkan iyo wixii ka soo baxaba carqaladeeyaan, wuxuuna soo jeediyey inaan wejiga hore ee shirka lagu kala tegin ilaa iyo inta dawlad laga dhisayo, wuxuuna yidhi: “Ma doonayno inaynu kala tagno inagoon waxba dhisan”. Wuxuu kaloo Mr. Gabyow adduunka ka codsaday in soomaaliya la geeyo ciidamo hubka ka dhiga, wuxuuna xushmad darro ku tilmaamay in dagaal dhaco iyagoo xaajadii u fadhiya.

I  I  D  H  E  H

Waxaa kaloo dhinaca soomalida ka hadlay Cabdillaahi Yuusuf Axmed oo sheegay inuu ku hadlayo magaca dawlad goboleedda Puntland ayaa ugu horaynba carrabaabay inuu Moi abaal weyn ku leeyahay oo uu markii uu soomaaliya 1978kii ka soo baxay uu magan gelyo siyaasadeed siiyey isagoo goortaas ahaa madaxweeyne ku xigeenka Kenya wuxuuna yidhi Cabdillaahi: “Xiligaas aniga iyo Moi midkaayana ma filayn inaanu maanta Eldoret ku kulmayno oo soomaaliya oo baaba’day baad in wax loo qabto gacmaha isu qabsanaysaan ismaanaan lahayn”. Wuxuuna Col. Cabdillaahi shirka Eldoret ku tilmaamay shirkii ugu xasiloonida badnaa intii shirar la soo qabtay oo uu tibaaxay inuu badiba shirarkaas ka qayb galay, wuxuuna xusay inay u muuqato inshaaro nabadeed, inshaaro qarankii soomaaliya oo soo noqonayo, in shaaro tilmaamaysa wadamada geeska afrika oo nabad ku wada nool, wuxuuna rejooyinikaas u muuqda sabab uga dhigay laba arimood oo kala ah:

1- Gudiga farsamada Igad, waddamada safka hore, iyo bulshada caalamka oo uu sheegay inay dadaal iyo hogaamin wanaagsan shirka ku wadeen.

2- Hohgaamiyayaasha siyaasadda oo sidii hore ka debecsan oo uu is bedel ka muuqdo kuwaas oo uu ku tilmaamay inay yihiin kuwo wada xiiqsan oo dhiig-kar iyo sonkor wada qaba.

Cabdillaahi Yuusuf oo hadalkiisii maanta si weyn loola dhacay ayaa fagaarihii si qayaxan uga yidhi: “Inta madaxda soomaalida sheeganaysa ee halkan fadhida anigaa ugu caafimaad roon anigana beerkaa la iga bedeley oo beer qof kalaan ku shaqaynayaa”, Wuxuuna ballan qaaday in go’aamadii uu saxiixay ee halkan lagaga heshiiyey uu dhulka Puntland oo uu ku tilmaamay sadex meeloodoow meel soomaaliya ka hir gelin doono, wuxuuna madaxda soomaalida ugu baaqay inay iyaguna go’aamada heshiiskan ka fuliyaan meelaha ay ka taliyaan isagoo ku dardaarmay bar-bar-kay ka baxdaa waa Bakayle qaleen.

Cabdillaahi Yuusuf oo ay wejigiisa farxad weyni ka muuqatey ayaa fagaarihii il-yartu is qabatay ee saaka si cad uga yidhi: “Belaayadan soomaaliya ka socota ninkii bilaabay baan ahaa, haddana nabad baan doonayaa, haddiise la isku dayo in la igu dur duriyo waan is difaacayaa”.

file:Madaxweyne Moi

Ugu dambayntii waxaa xafladdii saaka fagaaraha hore ee madaxtooyada Moi lagu qabtay ka hadlay madaxweeyne Moi oo madaxdii soomaaliyeed ee hor fadhidey u sheegay inay ballan qaadeen inay nabadda xoojiyaan, inay isu socodka gargaarka bani adaninimo nabad gelyadiisa gacan ka gaystaan, inaad xabadda joojisaan iwm, wuxuuna yidhi: “waxaa wanaagsan oo lagama maarmaan ah inaad ballan qaadkan ka dhabaysaan, weliba waxaa wacan inaad Muqdisho ka degtaan oo dekadda furtaan”, Madaxweeyne Moi wuxuu sheegay in haddii ay soomaaliya nabadoowdo ay soomaliya iyo Kenya iskaashi dhaqaale yeelan karaan, sidaas oo kalena laga rabo inay nabdoonaadan wadamada geeska afrika sida Suudaan oo kale, Madaxweeynaha martida loo yahay wuxuu xusay inuu aqoon durugsan u leeyahay qaar ka tirsan madaxda kooxaha soomaalida, kuwana ay saaxiibo yihiin.

Wuxuuna hogaamiyayaasha soomaalida ugu baaqay inay dagaalada joojiyaan oo wixii ay saxiixeen ay ka dhabeeyaan, wuxuuna yidhi: “Ubadka, hooyooyinka iyo bulsha weynta soomaaliyeed waa inaad uga midho dhalisaan rejadan nabadeed ee u soo noqotay”. Wuxuuna shaaca ka qaaday inay bulshada caalamku diyaar u tahay inay taageerto shirka iyo wixii ka soo baxaba, ugu dambayntiina wuxuu si rasmi ah u saxiixay heshiiskii ay soomalidu shirka Eldoret ku gaadhay.

Waraysi Gen. Morgan
 
Ibraahim Maxameddeeq ayaa waraysi dheer oo dhinacyo badan taabanaya la yeeshay Gen. Maxamed Saciid Xirsi Morgan oo jooga Eldoret Guji...  

 TAGERO IYO HAMBALYO MUDULOD DENMARK Guji [shirkii Mudlood ee Eldoret]

Madaxdii soomalida ee xafladda timid oo uu weriyaha somalitalk.com ee Eldoret rejada shirka wax ka weeydiiyey ayeey qaar badan oo wufuudda xafladda joogtey ka mid ahi u sheegeen inuu ilaa iyo hadda shirku u muuqdo mid rejo wanaagsan leh, ayna aad ugu dhawdahay inuu noqdo mid guul ku dhamaanaya.

Ibraahim Maxameddeeq

Somalitalk.com

Eldoret

E-mail: imdeeq@hotmail.com

 

Heshiis Ka Dhacay Shirkii Eldoret
»» Hogaamiyayaasha siyaasadda Soomaliya ayaa qalinka ku duugey qodobadii habka dibu heshiisiinta
»»
"... Moi inaad heshiiseen aad ayuu ugu farxay wuuna iga rumaysan waayey inaad heshiiseen" Mr. Elijah
»»
Qowmiyadda Banaadiriga oo xubin loo aqoonsaday
Dhammaan Ka Akhri Warbixintii Ibraahim Maxamedeeq 27/10

... ELDORET: Taxanaha Wararka  

... Soomaaliya iyo dhacdooyinkii  2001/2000 


WARARKA  SEPTEMBER - GUJI
»
AGOOSTO | JULY | JUNE | MAY | APRIL | MARCH | FEBRAAYO | Janaury 2002 | Wararkii 1999-2001 

com

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great


Copyright © somalitalk.com. All rights reserved.

HTML CD [an error occurred while processing this directive]