Bidix: Fahad Yaasiin, Xuseen Caydiid,
C/Shakuur Cali "Galeri"
|
Somalitalk.com: waxaad nooga warantaa aragtidaada
guud ee shirkan?.
Xuseen Caydiid: Marka hore shirkani waa mid ku yimid
dhacdadii 11-September, waa mid ay ku heshiiyeen dhamaan dawladaha xubnaha
ka ah Jamciyada Quruumaha ka dhaxaysa in Soomaaliya dawlada loo dhiso, waxaa
ayana ka mid ah sababaha shirkan dawladahii gobalka ama dariska la’ahaa
Soomaaliya oo dhibaato uga timid dawlada la’aanta Soomaaliya, taasoo
keentay saamayn dhaqaale,siyaasad iyo mid nabad galyo, oo Somaliya oon
dawlad lahayn dawladaha kale kaligood waxba ma qabsan karaan, xataa O.A.U.
Ayaa dawlada la’aanta Soomaliya wax badan u qabsoomi waayeen, qodobadaii
Lusaaka ayey ka mid ahayd in Soomaaliya dawalad loo sameeyo, iyagoo
garawsaday in aysan hawlo badan usoconeyn ilaa inta laga helayo dowalad
Soomaaliyeed.
Waxaa kale oo shirkan keenay iyadoo dhamaan
shirarkii kan ka horeeyey ay fashilmeen laguna guul daraystay, oo kii ugu
danbeeyayna lamarin habaabiyey oo dadkii soo halgamay lala garab maray,
waana dowlad lagu soo dhisay gacan ku rimis, taasoo keentay in shacabka
Soomaliyeed uu diido, dawlad kastana aqoonsigeedu waxaa uu ku xiran yahay
awoodeeda gudaha.
Sidoo kale waxaa shirkan sii kaabay shacabkii
Soomaliyeed oo maantay diyaar u ah inay dawlada loo dhan yahay dhistaan,
shacabkuna wuxuu ogaaday in dawlado yar sida Puntland, Somaliland,
Salballaar, aysan waxba qaban karin, sidaas darteed ayaan shirkii sagaalaad
ee madaxda dawladaha ku bahoobay IGAD ee lagu qabtay khartuum ka codsanay
shirakan, waxaanan u soo jeedinay inaan hal dawalad kaliya gacanta loo galin
maamulka shirkan ee ay sadexda dawladood ee aan dariska nahay maamulaan,
sidaas ayaana lagu go’aamiyey in shirka lagu dhiso dawlad sugta nabad
galyada guddaha iyo nabadda dawaladaha aan dariska nahay, waxana laga rabaa
dowladda cusub iney saaxiib la noqoto dawladaha dariska ah, si aysan
Soomaaliya u noqon hoy ama meel ay ku hardamaan argagixsada Caalamig ah iyo
bulshada Caalamka, gaar ahaan argagixisada xiriirka laleh Alqacida, sida al
Itixaadka oo kujira liiska argaixisada, arimahaas ayaa keenay in shirkan la
qabto.
Waxaa maantay halkan jooga in kabadan 400 oo ergay
ahaana dadkii matalayey shacabka Soomaaliyeed, Siyaasiyiin iyo bulshadii
rayidka ahaydba waa joogaan, waxaa kale oo maantay diyaar u ah xalka
Soomaliya Siyaasiyinntii waawaynaa ee cuslaaday sida Cabdulaahi Yuusuf oo
Madaxwayne Moi hortiisa ka sheegay inuu asagu bilaabay dhibaatada Soomaliya
maantayna uu diyaar u yahay in xal lahelo, waxaan qabaa fikrad ahaan in
maanta kaalinta loo baneeyo jiilka yar, maxaayeelay odayaashii hore wey
duqoobeen waxaa larabaa dhiig cusub oo dalka maamula,
Somalitalk.com: waxaa jirta in adiga iyo rag kale oo
ka tirsan golaha S.R.R.C. la idinku sheegayo inaad Cabdullaahi Yuusuf ku
taageeraysaan inuu Madaxwayne noqdo, arintaas maxaa ka jira?.
Xuseen Caydiid: Waxaan qabaa inuusan shirku wali
gaarin marxalad qof lataageero, marka hala gaaro xiligeeda ayaan ka hadli
karaa, sababtoo ah nooca dawlad-nimo ee larabo waa inaan ogaanna kadib ayaan
gaari karaa tafaasiishan..
Somalitalk.com: Haa laakiin Cabdulaahi B.B.C.da.
Ayuu ka sheegay inuu musharaxnimo u taagan yahay?.
Xuseen Caydiid: Cabdullaahi oday Soomaaliyeed weeye,
oo muwaadin ah, marar badanna rabay inuu is sharraxo sida shirkii Qaahira
inkastoo uu markii danbe kabaxay laakiin waxaan idin leeyahay arintaas wali
lama gaarin.
Somalitalk.com: adigu shaqsiyan maka faa’iidaysanaysaa
fursadan maantay oo ma is sharaxaysaa?.
Xuseen Caydiid: anigu waxaan maantay rabaa in
dalkaygii nabad ka dhacdo oo xukun uma ordayo laakiin aan ogaanno sida wax
noqdaan marka laagaaro wajiga sadexaad ee shirka iyo waxii kadanbeeya .
Somalitalk.com: waxaan ognahay inaad dawlada Ethopia
iska soo horjeedi jirteen hadana waxaan lasoconnaa inaad xiriir fiican
leedihiin, marka maxaa isbadalay ma Ethopia ayaa kuu fiicnaatay mise adigaa
is badalay?.
Xuseen Caydiid: Horta anigu waxaan ahay nin aamin-san
Pan africanisim, meel aan anigu shaqsi ahaan Ethopia uga soo
horjeedayna majirin, oo adiga ayaa lagaa rabaa cadaynteeda, wax guud oo mar
na dhex maray ayaa jiray, waana ka heshiinay, nimankan Ethopia xukama ee
E.P.R.D.F. Waxay ladirireen boqor-tooyadii Xayle Salaase iyo xukuumadadii
Mingeste, ayaguna waxay ahaayeen niman laga taageero Jamhuuriyada Soomaaliya,
waxayna tababaro ku qaateen Soomaaliya, anakuna waxaan ridnay xukunkii
kaligiis taliskii, marka waxay ahayd inaan iskaashanno, wax badan ayaa naga
dhexeeya Ethopia isku dhaqan ayaan nahay, kushitig ayaan isku nahay, 36
milyan oo muslim suni ah ayaa ku nool.
Ethopia Nabigeena ayaa u duceeyey, Ethopia waxaa u
soo hijrooday saxaabadii, annaga diinta noogama imaan Carab, waxay naga soo
gashay dhanka Ethopia, gaar ahaan dhanka Harar, marka waa inaan wax wada
qabsannaa, nabad galyada kawada shaqaynaa, gurmadkaas waxaa bilaabay
walaalheen Ethopia, waxay soo dhaweeyeen qaxootigii Soomaaliyeed, waana uga
mahadnaqayaa, waxay isku dayeen shirar badan oo dib u heshiisiinneed oo
dalka Ethopia lagu qabtay, sidaas darteed waa inaan iskaashannaa, lana wada
dagaallannaa faqriga iyo abaaraha, yeelannaana siyaasada mid ah, kana
shaqaynaa sidii ay diimuhu ugu wada noolaan lahaayeen geeska afrika si nabad.
ADDIS ABABA, Ethiopia
(AP) -- If Somali warlord Hussein Mohamed Aidid is to be believed,
Somalia is crawling with terrorists. [Jan 25, 2002]
``The Islamic terrorists already control the economy,'' Aidid said
during a recent interview at the hotel in neighboring Ethiopia where
he has been holed up for two months. ``They control the ports and all
the exports ... They are preparing for the introduction of Islamic
rule.''
So far, the United States has shown no indication it buys Aidid's dire
scenario, and most outside analysts are skeptical of it.
Aidid is the son of Mohamed Farah Aidid, the warlord who became
America's most-wanted Somali when U.S. troops were in the country in
the early 1990s.
Aidid grew up in California and served in the U.S. Marines. He went to
Somalia as an interpreter with U.S. forces protecting U.N. food
convoys in the early 1990s, then returned to assume the mantle of his
father.
So far, the United States appears to be keeping Somalia's faction
leaders at arm's length, Source:
Click here ... Jan 25, 2002 |
Somalitalk.com: waxaad sheegatay in dalka ururo
argagixiso ahi ka jiraan, maxay tahay cadaynta aad u hayso ururdaas ka jira
dalka?.
Xuseen Caydiid: wey joogaan ururuda argagixisada ah
dalka, Muqdisho, Kismaayo, Boosaaso, Gedo, Kudhaa, iyo Laasqaray ayey
joogaan, waana ururo jira oo layaqaan anigoo yar ayey jireen, wax hadda
abuurmaya maahan, waagii aan yaraa waxaan xasuustaa Masajiddii iyo guryihii
ay ku shiri jireen, wax hadda abuurmay maahan, annagu dad muslim ah ayaan
nahay ururrada Alislaax iyo Alitxaad hadaba wey joogaan, xiriirna way
laleeyihiin argagixisada, oo si caadi ah ayey isaga joogaan, ganacsadaan,
dadka wax ku baraan, Diinta ayey faafiyaan, waxba uma qabno.
Waxaan kaliya kula talinaynaa ururadaas inay gooyaan
xiriirka ay la leeyhiin ururda argagixsada ah, waxaan ka codsaneynaa
Itaxadka iney jaraan xiriirka ay laleyihiin Alqacida, hadda oo aan isla
fadhinno saakay waxaa Mombasa ka dhacay qarax ay geysteen ururo argagixiso
ah, waxay wax yeeleeyeen dad aan danbi qabin oo Israa’iiliyiin ah iyo
dadkale, hadaba waa in aysan Soomaaliya noqon Afgaanistaan.
Somalitalk.com: waxaan xusuustaa adigoo dhaha
Soomaaliya argagixiso ma joogto hadda miyey dalka timid?.
Xuseen Caydiid: wey joogtay laakiin intaas waxaan la
aamusneyn inaan xal raadinno, waana weynay xalkaas.
Somalitalk.com: wax xiriir ah mala sameysay ururadan
Islaamiga ah ee kajira Somaaliya?.
Xuseen Caydiid: maya wax xiriir ah lama samayn,
ururada Alitaxaad iyo Alislaax,
Somalitalk.com: ma jirtaa cadayn lagu qanci karo oo
aad u hayso iney argagixisdu joogto Soomaaliya?.
Xuseen Caydiid: Soomaliya wakhti dheer ayey joogeen
argagixisadu, anigu madhalan markii uu hayey hamiga ah iney xukumaan
Soomaaliya, M.S.Barre wey ridi rabeen waase looga hormaray, Madaxweyne
Mubaarak waa tii ay ku dili rabeen Adis-Ababa, waa tii ay gado ka weerari
jireen wadamada dariska ah, Qandahaar qaar Soomaali ah ayaa ku dhintay,
Madaxweyne Butin ayaa fariin iiga soo diray Mosko intaan joogay Adis-Ababa
oo ii sheegay in xabsiyada Mosko ay ku jiraan wiilal Soomaali ah oo laga soo
qabtay Jejniya iyagoo ka dagaalamaya.
Somalitalk.com: ma arin dhab ahbaa in Soomaali ay ku
xiran tahay Mosko?.
Xuseen Caydiid: hadaad rabtaan arintaa xaqiiqadeeda
taga Mosko, oo soo booqda xabsiyadeeda adinkaa soo heliya dhabta.
Somalitalk.com: sida aad la socoto dowladaha leh
waxaan la daagalameynaa argagixisada, waxay difaacayaan dadkooda, adiga
waraysiyo badan oo aad siisay warbaahinta waxaad sheegtaa in Soomaliya ay
joogaan argagixiso taas sow shacabku u arki mayaan in aadan dan kalahayn
shacabka Soomaaliyeed?.
Xuseen Caydiid: 10 bilood waxaan u joogay Adisababa
waxay ahayd inaan ka hortagno weerar lagu qaado Soomaliya, dowlada Itoobiya
ayaana arinta qayb weyn ka qaatay, iyadoo ka cabsaneysa in Soomaaliya la soo
weeraro ayey sameysay ka hortagyo badan, waxaana ku guuleysannay in aan
Caalamka ku qancinno in argagixisada joogta Soomaaliya annaka naloo daayo oo
dawlad naloo dhiso si aan wax uga qabanno argagixisada, Aabahayna waa kii
kula dagaalamay Argagixisada inta u dhaxaysa Buundad Araare iyo Marka,
kuwaan hadda kulahaa Afgaanistaan ayey ku dhinteen waxay ka yimaadeen
Iskaandanee-fiyaanka.
Mana rabno in shacabka loo geysto dhibaatadii UNISOM
oo kale, shacabka Soomaaliyeed waxaa uu Taariikh u lahaa inuu ka hortago
argaixisada, waa lawada og yahay markii la soo afduubay diyaaradii Germeny
sidii layeelay, maalin dhawayd waxaa ii yimid Dublamaasi Jarmal ah, aad buu
arintaas ugu dheeraday, waxayna rabaan Jarmalku haddii dawlada ladhiso inay dhanka Booliska naga caawiyaan .
Somalitalk.com: waxaa jirta in badan la sheego in
aabahaa ciidamaddii uu hogaminayey iyo kuwii UNISOM ee Marayakanku
hogaaminayay, markii ay isku dheceen oo dagaalamayeen in uu Aabahaa taageero
ka helay ururo Islaami ah, Saxaafada qaarkeedna waxayba qortaa inuu Osma Bin
ladin ahaa ciddii taageeraysay, waliba Usama wuxuu sheegaa in Askartii
Maraykankan ahaa ee lagu laayey Soomaliya ay lug ku lahaa, arintaas maxaad
ka leedahay?.
Xuseen Caydiid: arintaas ma’ahan arin sal iyo baar
leh, waa arin ay faafiyeen rag uu ka mid yahay Cali Khaliif
Galaydh, ma jirto
arintaas anigaaba lasocday Ciidamadii Maraykanka, wayna ogyihiin inuusan
Aabahay wax xiriir ah la lahayn ururro Islaami ah, xilligaas ay Ciidamadii
U.S.C. ee General Caydiid hogaaminayay iyo kuwii UNISOM ay dagaalamayeen, Osama
waxaa uu ku jiray dagaalkii lagu la jiraya Shuuciyada, Maraynkuna markaas
waxay taageerayeen oo tababaro siinayeen Osama, markaas kadib Osama Suudan
ayuu u soo wareegay 1996., Markaasna waa xilligii uu Gen.Caydiid dhintay
Allaha unaxariitee.
Somalitalk.com: waxaan ognahay siyaasada inaad soo
gashay kadib geeridii aabahaa. Adiguna nin da’yar baad tahay, haddii ay
kugu jirto inaad ka qabato jago dalka, maxaad is dhihi kartaa wey kugu
aamini karaan shacabka Soomaaliyeed.
Xuseen Caydiid: waxaan ahay nin Soomaali ah, oo
muslim ah, waxaa la igu aaminkaraa middii la igu aaminay markii labo casho
kadib geeridii aabahay la’iidoortay inaan noqdo Madaxwaynihii Salballaar
oo ahayd jacayl iyo rabitaan la hayey, waxaan ahay nin nabadeed, waxaan mudo
yar kadib markii la’idoortay Xamar ka qaaday khadkii cagaarnaa, waxaanan
heshiis buuxa Nairobi kula galay Mudane Cali Mahadi, waxaan sidoo kale soo
afjaray coladdii ka oognay koofurta Muqdisho, waxaanan la heshiiyey
hogaamiye Cusmaan Xasan Cali "Caato", waxaan ahaa dadkii taageeray
diidmadii uu shacabku diiday shirkii Boosaaso ee ahaa mirihii "Soodare"
sababtoo ah shacabka Soomaaliyeed waxaan loo dhamayn waligood maqaataan,
Waa tii aan Qaahira aadnay anigoo hogaaminayey
wafdigii dawladdii Salballaar, oo an meel la fariistay raggii ugu waaweynaa
siyaasada Soomaaliya, sida Zoobbe iyo rag lamid ah, markaan xagga tagnay
waxay kaliftay inaan iska casilo Madaxwaynimadii Salballaar anigoo
tixgalinaya danta caamka ah, waxaa taas xigtay inaan Ethopia Octo 1999.
heshiis lagalay ayna garawadeen ka ahayd dawlada Liibiya, dalka Liibiya
laftiisa magaalada Sirti waxaan heshiis ku wada galnay Oday Cabdulaahi
Yuusuf, waad ogtihiin inaan hadana tagnay Hawaase oo aan kusoo dhisnay
gollaha S.R.R.C. Kaas oo keenay inaan heshiis gaar ah wada galaan USC/SNA
iyo Jabhada R.R.A. Sidaas ayaanan Baydhabo ku tagay,
Waa tii aan soo celiyey xiriirkii saaxiibtinimo ee
aan la lahayn Itoobiya, hadda shirkan oo aan joogno waxaan ka shaqeeyey
tanaasul farabadan, T.N.G. waa taan u deynay magacooda, 7 Sano oo nabad ah
ayaan soo shaqeeyey, halkanna waxaan u fadhiyaa in xal lahelo oo la unko
dowlada Soomaaliyeed, marka anigu qaab noocaas ah oo taxane ah oo nabadeed
ayaan ku soo shaqaynayey, waxaanan u yeeshay waayo-aragnimo, marka waxaan
filayaa in la igu aamini karo intaas aan soo sheegay.
Somalitalk.com: waxaad saxiixdeen in Soomaliya laga
dhiso dowlad Fadaraal ah, taas miyaan lagu macneyn karin in dalka loo kala
qaybiyo gobollo kala go’go’an oo aan awood lahayn?.
| Nidaamka Federalku
Makashaqayn Karaa Soomaaliya! C/Risaaq Xaaji Xuseen wuxuu ka
yiri markii uu u waramayey Somalistar.... GUJI.... |
Xuseen Caydiid: Fadaraalka waxaa ku dhisan dowladaha
ugu waaweyn dunida sida Maraykanka,Yurub, iyo Itoobiya, Fadaraalka wax xun
ma’ahan, yaan loo maleyn inuu Fadaraalku yahay qabiil ama sidii Land, Land
oo kale, hadana waxa la saxiixay waa mabda’iyan uun, dooddiisa waa dhiman
tahay, Soomalida dagaalka u dhexeeya inta badan waa mid ku saleysan loolanka
u dhaxeeya Kaluumeysatada iyo Xoolo-dhaqatada, hadda dagaalka Puntland waa
saas, R/Bari oo Kaluumeysato ah iyo R/Mudug oo Xoolo-dhaqata ah yaa isku
haysta, waxaa soo raaca Beeraleyda oo iyaguna abuura caloodo, kan hadda
Baydhaba ka socda saas ayuu ku saleysan yahay, marka waa in loogu qaybiyaa
si cadaalad ah khayraadka dalka.
Somalitalk.com: intii uu socday shirkan Eldoret
markii aad isku haysateen in D.K.G. loo qoro magacaas, waa tii uu kuu yeeray
Safiirka Maraykanka oo 5 Daqiiqo banaanka kula taagnaa maxaad isu sheegteen?.
Xuseen Caydiid: wax khaas ah isuma sheegin, madaxdii
aan is arkeynay ee aan la kulmeynay ayuu kamid ahaa, mana jirin wax gooni
ah.
Somalitalk.com: waxaa jira in hadda qaar kamid ah
S.R.R.C. ay u safrayaan Itoobiya halkaasna ay ku shiri rabaan, maxuu yahay
safarkaas adiguse ma’aadeysaa?.
Xuseen Caydiid: warkaas waxba kama jiraan, qof
baxayana ma jiro, ninkii Itoobiya raba halkan ayey joogtaa, madaxdii dunida
oo dhan halkan ayey ku dhan yihiin, marka aniga ii ma muuqato sabab keeneysa
in hadda Itoobiya la aado.
Somalitalk.com: sida aan lasocono waxaad ahaan
jirtay Askari ka tirsan Ciidamada Marines-ka ee Mareykanka, wali ma tahay
Askari Mareykan ah.
Xuseen Caydiid: AH AH AH. waxaa idin ka khaldan
fahamka Askarinimada Mareykanka, Askari-nimada Maraykanku waxay lamid tahay
shaqo aad heshay, waana shaqo wakhti ku xiran oo mar walba kaa dhacaya,
hadaad rabtana laguu cusbooney-siinkaro, aniga markii aan qoranayeyna waxaan
ka rabay inaan isaga bixiyo waxbarashada, shaqada Askarinimada waxaan ka
tagay 1993. kadibna kuma aanan noqon.
Somalitalk.com: Soomalida wareysigaagan ka akhrisan
doonta Somalitalk.com ee dibadaha ku nool maxaa fariin ah oo aad u
tabineysaa?.
Xuseen Caydiid: waxan kula talinaya iney wakhtigooda
dibada ka faa’iideystaan, aniga 17 Sano ayaan ku noolaa Maraykan,
wakhtigeygana dhamaan waxbarasho iyo shaqo ayaan ku dhameystay, waxan madax
ka ahaan jiray gudiyada ardayda ee Jaamacadaha, sidoo kale waxaan caawin
jiray dadka ku cusub dalka ee ka yimaada Soomaliya ama meelo kale, U.S.A.
wax barsho ayaa taala qofkii ka baranaya, marka maanta dalka aqoon ayuu u
baahan yahay, qofkii wax soo barta ayaa dalka anfacaya.
Xaaskeyga Ayaan Cali Xaashi Jaamacad ayey ka
dhigataa U.S.A. caruurteydana halkaas ayey ku nool yihiin, aabahay markii
aan dhoofayey wuxuu igula taliyey inaan ilaaliyo dhaqanka iyo diinta, wuxuu
igu yiri qofkaa rabto la saaxiib laakiin ka guurso Soomaali, marka dadka
dibadaha jooga waxaan leeyahay ku soo laabta dalkiina adinkoo wax yaqaan,
kuna tala gala inaad dhistaan dalkiinna.
W/waraystay:
Fahad Yaasiin Xaaji Daahir
editor@somalitalk.com
SomaliTalk.com | December 6, 2002
.
Waraysigii
Fahad ee Qanyare.... GUJI
. Waraysigii
Fahad ee C/Qaasim...... GUJI...
"C/Qaasim
wuxuu ku fiicnaan lahaa inuu Soomaaliya Madaxweyne ka noqdo xilli ay Dawlad
horay u jirtay ee ma’ahan Ninkii hadda" Fahad
yaasiin.. Guji
/11com
|
Fahad Yaasiin iyo Xuseen Caydiid, Eldoret,
Kenyta
