::: SomaliTalk.com :::

Waxaa maalintii khamiista ahayd hoolka dhaqanka iyo waxbarashada ee Shiikh Madar ee Mu'asasada Imaamu Shaafici lagu qabtay xaflad aad u balaaran oo uu soo qabanqaabiyay ururka Indhoolayaasha Soomaaliyeed (Somali Association of Blind).

gudoomiyahaa indhoolayaasha oo dhegta u raaricinaaya gabdha xoghaya guud e indhoolayaasha ee qaarada afrika

Waxayna xafladaani isugu jirtay labo qaybood oo kala ah gabagabeynta tababar u socday macalimiin Indhoolayaal ah iyo furitaanka dugsi wax lagu barayo indhoolayaasha soomaaliyeed oo loogu magacdaray Al-Nuur, waxaana ka qaybgalay mas'uuliyiin uu ka mid ahaa wasiir ku xigeenka waxbarashada ee Dowladda Federaalka Muqtaar Max'ed Yuusuf, madax ka socotay hay'adaha samafalka, hay'adaha waxbarashada iyo marti sharaf kale, waxaana ugu horeyntii halkaasi warbixin ka soo jeediyay mudane C/fitaax Axmed oo ah xoghayaha dhaqaalaha ee ururka indhoolayaasha soomaaliyeed, wuxuuna sheegay in ururka indhoolayaasha caalamka la aasaasay 1948-kii laguna aasaasay magaalada Riyaad, kan Afrikana waxa uu sheegay in lagu aasaasay dalka Tuuniisiya isagoo sheegay in ay ku mideysan yihiin inta badan qaaradda Afrika, waxaa kalloo oo uu sheegay in ururka indhoolayaasha Soomaaliyeed dib u habayn lagu sameeyay 25/4/2004 waxa uuna sheegay in intii uu dhisnaa uu ku talaabsaday horumar la taaban karo.

Waxaa kalloo ka hadlay xoghayaha waxbarashada Max'ed Axmed Maxamuud wuxuuna sheegay in indhoolayaasha soomaaliyeed aysan helin waxbarashadii ay u baahnaayeen isagoo sheegay in wadamada adduunka ay gacan siiyaan indhoolayaashooda hana noqoto dhinaca waxbarashada iyo tasiilaad kale oo ay u baahan yihiin.

Sidoo kale waxa halkaasi ka hadlay gudoomiyaha ururka indhoolayaasha soomaaliyeed C/raxmaan Max'ed Faarax waxa uuna sheegay in ururka indhoolayaasha soomaaliyeed loo aasaasay sidii uu uruurin lahaa indhoolayaasha soomaaliyeed meel kasta oo ay joogaan waxa uuna sheegay in intii uu ururku jiray oo ku talaabsaday horumar la taaban karo oo uu ka helay shacabka Soomaaliyeed.

Dalalka adduunka mar kasta way ka garab taagan yihiin dadkooda indhaha la' waxayna siiyaan waxbarasho ku filan mana takooraan, balse shacabka Soomaaliyeed dhibaato ayay u gaystaan dadka indha la' waa ayna ka takooraan dhinaca waxbarashada iyo waxyaabaha kale oo ay u baahan yihiin ayuu yiri C/raxmaan Max'ed Faarax oo sheegay in ururka indhoolayaasha soomaaliyeed uu ku guulaystay in uu furo dugsi wax lagu baro indhoolayaasha, isagoo sheegay in lagu bilaabi doono 20-arday.

Waxa uu sheegay in mar ay wax bartaan ardaydaani ay awoodi doonaan in ay wax la bartaan ardayda kale ee Soomaaliyeed ee ku jira dugsiyada dalka, wuxuuna u soo jeediyay hay'adaha samafalka, shaqsiyaadka Soomaaliyeed in ay gacansiiyaan dadka indhoolayaasha Soomaaliyeed.

C/rixmaan Luunge wuxuu u mahadceliyay dhammaan intii gacan ka geysatay taakuleynta Ururka Indhoolayaasha Soomaaliyee, isagoo si gaar ah ugu mahadceliyay Jaaliyadda Soomaaliyeed ee ku nool Magaalada Birmingham ee wadanka Ingiriiska iyo sidoo kale Musa'sasada Imaamu Shaafici iyo dhammaan Shirkacadaha Ganacsiga ee Magaalada Muqdisho iyo shaqsiyaadkii cagan siiyay.
Waxa uu sheegay mudane C/raxmaan in macallimiintii dhamaysatay siminaarka oo isugu jiray kuwo indha leh iyo kuwo indha la' ay aqoontooda uga faa'iideyn doonaan walaalahooda indhaha la', waxaa kalloo oo uu sheegay in tababarkaani uu socday muddo 3 todobaad ah laga soo bilaabo 2-19-ka Luulo.

Xafladaasi waxaa gabay guubaabo ah ka soo jeediyay Abwaan Abshir Nuur Faarax (Abshir Bacadle) wuxuuna sheegay in dadka indhaha la' ay yihiin kuwo wax qabsan kara loo baahan yahay in gacan la siiyo, waxaa kalloo oo uu abwaan Abshir Bacadle uu sheegay in uu aad ugu faraxsan yahay in indhoolayaasha Soomaaliyeed loo furo dugsi ay wax ku bartaan.

Xubnihii kale ee halkaasi ka hadlay waxaa ka mid ahaa Axmed C/llaahi oo ah gudoomiyaha Mu'asasada Imaamu Shaafici, waxa uuna sheegay in shisheeye aysan waxba u qaban Karin indhoolayaasha Soomaaliyeed balse ay wax u qaban karaan dadkooda, waxa uuna soo jeediyay in gacan la siiyo indhoolayaasha, waxaa kalloo halkaasi ka hadlay Maryan C/lle Qaawane iyo Nuuro C/llaahi Xaaji waxayna labadooduba balanqaadeen in ay is garab taagi doonaan ururka Indhoolayaasha isla markaana ay u soo dhicin doonan xaquuqdooda
Mas'uuliyiintii kale ee halkaasi ka hadashay waxaa ka mid ahaa wasiir ku xigeenka waxbarashada Muqtaar Max'ed Yuusuf oo sheegay in dowladda gacan siin doonto ururka indhoolayaasha Soomaaliyeed.

Elly Macha oo ah xoghayaha fulinta ee ururka indhoolayaasha Qaarada Afrika una dhalatay wadanka Tansaaniya ayaa waxa ay sheegtay in ay aad ugu faraxsan tahay in ay timaado dalka Soomaaliya isla markaana ay ka qaybgasho xaflad noocaan oo kale ah, waxay kalloo sheegtay Elly in ururka indhoolayaasha qaarada Afrika ay ku mideysan yihiin 50 dal waxaana ka maqan saddex dal, isla markaana waxaa ururka la doortaa afartii sanaba mar xaruntiisana waa dalka K/ afrika.

Elly waxay sheegtay in ay aad ugu faraxsan tahay qaab dhismeedka ururka indhoolayaasha Soomaaliyeed, waxay sheegtay in ay maqashay in guddiga fulinta indhoolayaasha Soomaaliyeed uu ka kooban yahay 9-xubnood oo ay ku jirto halk gabar waxayna codsatay in la kordhiyo tirada gabdhaha maadaama ay gabdhuhu yihii kuwa lagama maarmaan u ah ururka, waxaana ururka indhoolayaasha Soomaaliyeed Elly uu gudoonsiiyay hadiyad qaali ah, waxaa kalloo halkaasi iyana shahaadooyin lagu gudoonsiiya macallimiintii siminaarku u dhamaaday

Yemen: Shidaal Soomaliya loo tahriibinaayey oo la qabtay.

Diyaariye/Axmed Maxamed
Sanca-Yemen.
ahmedwiish@hotmail.com

Wargeyska todobaadlaha ah kuna hadla afka wasaarada arrimaha gudaha yaman lana yiraahdo AL-XAARIS cadadkiisii(556)aad ee (19/7/2005)ta ayaa sheegay in ciidamada nabad gelyada ee gobolka ku yaal galbeedka yaman ee la yiraahdo Xudeyda inay qabteen todobaadkii hore shidaal iyo gaaska cuntada lagu karsado oo loo tahriibinaayey dalka Eriteriya, waxa uuna shidaalkaas ka koobnaa 13-barmiil oo batrool ah,37-haamood oo yar yar oo gaas ah,dhawr caagadood oo labaatanle ah oo uu ka buuxo batrool iyo 18-barmiil oo maran,sida uu sheegay wargeyska doonta waxaa laga lahaa Eriteriya, waxaana naakhuude ka ahaa nin 45-jir ah una dhashay dalka Eriteeriya oo wuxuu watay warqada aqoonsiga ee naakhuudenimo.

Dhacdo taas aan soo sheegnay la wadaagto uun erayga tahriib laakiinse ka gedisan ayaa waxa ay iyana ka dhacday gobolka ku yaalo koonfurta yaman ee la yiraahdo Al-Mehra, markaan ciidamada nabadgelyada ee gobolka Mehra ayaa ku guuleystay inay fashiliyaan howgal la doonaayey in dalka Soomaaliya loogu tahriibiyo shidaal ka kooban batrool iyo nafto aad u fara badan, ayadoo tahriibinta shidaalkaas loo adeegsanaayo dooni kalluumeysi oo laga leeyahay dalka yaman, waxaane labadii naakhuude doonyahoodii gacanta ku haayo ciidamada dembi baarista oo waxaa suaalo laga weydiinayaa in howgalkaan yahay kii ugu horeeyey iyo inuu yahay mid socan jiray ee hadda uun laga war helay.

Dhinaca kalane waxaa jira go'aan ay gaareen golaha wasiirada dalkaan yaman maalintii talaadada ee 20//7/2005,waxaane go'aan kaas kor loogu qaaday sicirka shidaalka sida batroolka oo halkiisii liitar ahaa 35-riyaal la gaarsiiyey 65-riyaal,naftada oo halkeedii liitar ahaa 17-riyaal la gaarsiiyey 45-riyaal iyo gaaska cuntada lagu karsado oo haantii ahayd 205-riyaal lana gaarsiiyey 400-riyaal yamani,sidaas darteed waxaa is bedel kuyimid qiimaha kirada lagu qaado badeecadaha ka soo dego dekadaha waa weyn ee uu leeyahay dlkaan yaman sida tan Xudayda ,Cadan iyo tan Mukalla,tusaale ahaan 50kg ee sokor ah waxaa caasimada Sanca lagu keeni jiray 75-riyaal,maantane waa 105-riyaal waa marka laga soo qaado dekada Xudeyda,laakinse marka laga soo qaado loorka sokorta ah dekada Cadan wuxuu Sanca imaan jiray 95-riyaal,maantane 130-riyaal ayuu loorkii sokor ah ku soo gaaraa Sanca,waxaane sokorta la mida oo iyana sidaas ku soo gaaraayo Sanca cuntada kala ah Burka,Bariiska iyo Qamadiga u xiran loor loorka(50kg),wasxaane arrintaas ka dhashay mudaaaharaadyo ka kala dhacay magaalooyinka waa weyn ee dalkaan yaman sida magaalada Sanca,waxayna mudaaharaadyadii isu bedeleen rabshado,biliqo iyo gubida baabuurta dadweynaha, waxaane markii dambe qasab noqotay in ciidamada nabadgelyada iyo booliska u tababarn sida ciidamada xooga inay gacanta ula tagaan kuwii mudaaharaadaayey waxayna natiijadii gacan ka hadalkaas noqotay inay dhintaan dad tiradooda lagu qiyaasay inay dhan tahay(22)qofood halka ay ku dhaawacmeen iska hor imaadyadaas 375 qofood,waxayna mudaaharadyaashu ku dhawaaqayeen khal ku dhega ah ALLE MOOYEE ALLE KALE MA JIRO,BAAJAMAALNE WAA CADAWGII ALLE,Baajamaal waa raisul wasaaraha yaman ee waqtigaan.

Haddii aan dib dib ugu noqono qarnigii tegay ee aan tagno sannadkii 1998dii waxaa jiray mudaaharaad la mida kii dhacay maalintii arbacada(20/7/2005)ta,waxaane mudaaharaadkaas sabab u ahaa sicirka shidaalka oo kor loo qaadaytusaale ahaan 20kii liitar ee batrool ah waxay ahayd 300-riyaal waxaane la gaarsiiyey 700-riyaal(300-700) halka maanta laga gaarsiiyey (1300)riyaal waa (700-1300)riyaal,waxaane mudaaharaadyadaas ku dhintay dad tiradooda lagu qiyaasay 38-qofood,waxa uuna socday muadaharaadku muddo dhan laba todobaad waxaane halku dheg u ahaa dadka mudaaharaadaayey MAYA ERYAANI MAANTA KA DIB,Eryaani waa raisul wasaarihii hore ee yamanta maantana ah la taliyaha Madaxweyne Cali Cabdalla Saalax dhinaca siyaasada.

Hadaba sicirka shidaalka oo kor u kaca dalka yaman waxaa ka dhalan kara in wax walba ay si fudud kor ugu kacaansida kirada guryaha oo ah halka dhibaatada ugu culus ka soo food saari doonto soomaalida degan yaman nuuceey doonaan ha ahaadeen,waane mid aad u adag in waqtigaan la joogo in qoys soomaaliyeed dib loogu celiyo dalkiisii hooyo waayo xafiiska UNHCR-ka Sanca wuxuu awoodi kari la yahay inuu bixiyo lacagtii ay wax ku baranayeen ardayda dhigata machadka sare ee caafimaadka malaha hayadu waa xubeer

Diyaariye/Axmed Maxamed

Sanca-Yemen.
ahmedwiish@hotmail.com

Ra'iisul Wasaaraha DFKMG oo Dhambaal tacsi ah u Diray Ra'iisul Wasaaraha Britain

Ra'iisul wasaaraha Dawladda FKMG, Cali Maxamed Geedi, ayaa dhambaal tacsi ah waxa uu u diray ra'iisul wasaaraha dalka Britain, Tony Blair, uu uga tacsiyadaynayo qaraxyadii dhowaan lala beegsaday dalka Britain (magaalada London), qoraalkii Geedi oo ku qoran Af-Igirisi ka akhri halkan... Guji

Kooxda Norway oo ku Guuleysatay Koobkii Eurosom

Maanta (July 24, 2005) waxaa si rasmi ah loo soo gababeeyey koobkii xagaaga ee kubada cagta jaaliyadaha Soomaaliyeed ee Yurub. Ciyaartii faynalka aheyd ee maanta waxaa isku soo baxay kooxaha Norway iyo Filand. Kooxda Norway oo Warka oo dhan GUJI HALKAN...

Warar Googoos ah:: July 23, 2005:::
�Kulan cilmiyeedkii labaad oo ka furmay magaalada Qardho
�Nuuro C/llaahi Xaaji oo ka warbixisay kulankii S.Human Rights
�Muriidigolf oo u mahad celiyey Beelaha Banaadiriga...
�Laascaanood: Ururka Naafada oo sameeyey Xaflad...
Wararka oo dhan ka akhri halkan...