- Dhaqaatiirta ka
socotey Hay'adda Samafalka ee Al-Manhal oo soo
geba-gebeeyey mashruuca ka hortaga Indho la'aanta ee
gobolka Sh/hoose.
-
Gudoomiyaha maamulka isbahaysiga dooxada jubba oo la
filayo in uu safro Garbahaarey iyo Ceelwaaq
Dhaqaatiirta
ka socotey Hay'adda Samafalka ee Al-Manhal oo soo
geba-gebeeyey mashruuca ka hortaga Indho la'aanta ee gobolka
Sh/hoose.
W/D Amiin Yuusuf
Khasaaro
E-Mail
amiinkhasaaro@hotmail.com
Maalintii shaley ahayd ayaa Hay'adda samafalka ee Al-Manhal
waxa ay magaalaada Buulo mareer ee Gobolka shabeeladda hoose
ku soo gebabagaysay mashruuca ka hortaga indho la'aanta
kaasoo socday intii u dhexeysay 15-kii Juun ilaa 26-kii July
ee sanadkan sida uu sheegay ku xigeenka madaxa hay'adda Al-Manhal
xafiiskeeda Soomaaliya C/llaahi Abuukar Xaaji oo xafiiskiisa
ugu waramayey weriye Nasrudiin Caydiid Salaad (Diini).
Ku-xigeenka madax hay'adda
Al- Manhal C/llaahi Abuukar Xaaji waxa kaloo uu intaasi ku
daray in muddadii uu Socday mashruucaasi ka hortaga Indho
la'aanta ay qaliin lacag la'aan ah u fidiyeen bukaano aad u
fara badan oo Indhaha ka cabanayey kuwaasoo kala jooga
degmooyinka Baraawe, Buulo mareer iyo Afgooye oo
dhamaantoodba ka tirsan gobolka Sh/hoose wuxuuna sheegay in
ay isugu jiraan dad waayeel ah dhalinyaro iyo Caruur.
Waqtigii uu Socday
mashruucan ka hortaga Indha la'aanta oo ay fuliyeen
dhaqaatiir ka socota hay'adda Al-Manhal ayaa waxaanu ka
hawlgalnay saddex degmo oo kala ah Afgooye, Baraawe iyo
Buulo Mareer, waxaana Indhaha u fiiqnay marka saddexda degmo
laysu geeyo dad wadartoodu gaareyso 762, qof waxaana
daawooyin la siiyey dad Indhaha ka xanuunsan oo iyana
tiradoodu gaareyso 2,113, waxaana sidoo kale muraayadaha
araga (Ookiyaalayaasha) la siiyey tiro kale oo gaareysa 191
qof ayuu yiri C/llaahi Abuukar Xaaji ku-xigeenka madaxa
hay'adda samafalka Al-Manhal oo intaasi ku daray in dadkaasi
dhamaantood aan wax lacag ah looga qaadin adeegyada
Caafiimaad ee loo fidiyey wuxuuna sheegay in mashruucani
uusan aheyn kii ugu horeeyey ee ay u qabtaan dadka danyarta
ah isagoo xusay in tan iyo sanadii 2002 ay guud ahaan dalka
Soomaaliya ka fuliyeen mashaariic sidan oo kale ah, marka
laga reebo meelo kooban.
C/llaahi Abuukar Xaaji waxa uu ugu danbeyntii u mahad
celiyey intii gacanta lama iloobaanka ah ka geysatay
hawshaas samafalka ah uu loo qabtay dadka danyarta ah ee
Soomaaliyeed, gaar ahaan waxaan u mahad celinayaa ayuu yiri
maamulka degmada Afgooye iyo Jimciyada At-tadaamun, Dugsiga
hoose dhexe ee Baraawe Primary School, markaska Al-Furqaan
ee hoos yimaada wakaalada Muslimiinta Afrika iyo Isbitaalka
Al-Xayaat oo labaduba ku yaala deegaanka Buulo mareer,
kuwasoo dhamaantood uu sheegay haddii aanay iyaga ahaan
laheyn in uusan taaba gal noqon laheyn in uu hirgelo
mashruucaasi faa'iidada balaaran u leh Bulshada Soomaliyeed
.
Hay adda Al Manhal waxay
dalka ka fulisaa mashaariic badan oo wax loogu qabanayo
bulshadda soomaaliyeed mana aha markii ugu horeysey oo
mashruuc noocan oo kale oo ay ka hirgeliso dalka soomaalia
sidoo kale ayay hayadu waxay si weyn ugu qayb qaadataa
arrimaha caafimaad gaar ahaan kuwa lagula tacaalo cudurada
halista ah
Sidoo kale hayadda Masuuliyiintooda waxay sheegeen in
mashruucan indha fiiqida ay mar kale qaban doonaan
W/D Amiin Yuusuf
Khasaaro
E-Mail
amiinkhasaaro@hotmail.com
Gudoomiyaha maamulka isbahaysiga dooxada jubba oo la filayo
in uu safro Garbahaarey iyo Ceelwaaq
Gudoomiyaha isbahaysiga dooxada jubba xildhibaan Barre Aadan
Shire iyo xunbo kale oo sar sare oo ka tirsan maamulkiisa
ayaa la filayaa inay u naba baxaan gobolka Gedo gaar ahaan
magaalooyinka ceelwaaq iyo Garbaharey halkaas oo ay ka
socdaan shirweyne nabadeed oo laga dhex wado beelaha ku
abtirsda beesha Sade ee uu khilafka ka dhaxeeyo.
Xildhibaan Barre Hiiraale oo maanta saxaafada u waramayay
intii uu ku guda jiray qorshahisa bixitaanka ayaa waxaa uu
sheegay in u aadayo deeganka ceelwaaq arimo nabad ku soo
dabaalid ah ayadoo la sheegayo in haatan deegaanka ceelwaaq
ay tahay meel aysan ku nooleen waxa bini aadan ah oo ay ka
qaxeen shacabkii daganaa intii ay ku soo noqnoqnayeen
dagaalada halkaa ka jiraa ayadoo sidoo kale la sheegayo in
ay meel ku taala duleedka magaalada ceelwaaq ay ku sugan
yahiin maleeshiyooyinki dhowaan la wareegay gacan ku heynta
magaaladaas oo aysan magaalada aysan dhex daganeen .
Xildhibaan barre ayaa waxaa uu sidoo kale sheegay in uu
gogol wada hadal isugu yeeri doono beelaha ku dagaalamay
deegaanka ceelwaq bal si loo soo afjaro xaalada halkaa ka
jirta ayadoo uu sidoo kale xildhibaanku sheegay in uu tagi
doono magaalada Garbahaareey oo uu shirka nabadeyta ah uu ka
socdo ayadoo uu sheegay in shirkaasi uu ka qabo rajo weyn
islamarkaana uu tagi doono si shirkaasi nabadeynta ah uu
dhiniciisa oga qayb qaato islaaxinta gobolka gedo .
Hadaba
bixitanka xildhibaan barre ayaa waxaa ay ku soo beegantay
xili la sheegayo wada hadalaada ka socda Gedo ka dib in la
bilaabi doono sidii loo dhisi lahaa maamul goboleedka
jubbaland taas oo ayana sidoo kale uu xildhibaan barre ku
doonayo in uu u aado magaalada ceelwaaq oo uu horay u
sheegay in aysan marna sina oga ahaan Karin maamulka la
sheegay in loo dhisayo gobolada jubbooyinka .
Cabdi
qadar nuur maxamed (filipiin)
Kismaayo soomaliya
Cabdiqadar84@hotmail.com
Faafin: SomaliTalk.com | July
27, 2005
"228
Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda
aadamiga u dooda ee Faanoole, taas oo intaas ku dartay in sannadkan Jubbooyinka
lagu diley ugu yaraan 64 qof ayadoo...
Guji...
Geedi iyo Waftigii Uu
Hogaaminayay Oo Dib ugu Laabtay Jowhar
Kaddib markii ay magaalada Galkacyo kulan albabadu u xiran
yihiin ku yeesheen madaxweynaha iyo Ra'iisul wasaaraha DFKMG
ayaa...
Guji...
| 
Daabaco
Boggan | Print