SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
SOMALITALK - KENYA
 

 War: 22-December,Mbagathi,Nairobi.

 Hogaamiyayaasha SRRC Qaar ka mid oo Hawada Kenya shaley Dib Loogu Soo Celiyey.

Maxamed Cumar Xabeeb (Maxamed Dheere) Maamulka gobolka Shabeele Dhexe ,Maxamuud Sayid Aden SNF/SRRC, Cabdicasiis Sheekh yuusuf SSNM/SRRC oo intuba ka tirsan ragga ugu waaweyn ee Kooxda SRRC iyo wafdi kale  ayaa maanta gaarey magaalada Jowhar.

Ujeedada safarka wafdigaasi ayaa ah booqasho dhawr maalmood ah oo ay ku soo kala bixinayaan tuulooyinka iyo magaalooyinka ka tirsan Gobolaka Shabeelada Dhexe sida uu yiri ku xigeenka Maamulka Degmada Shgabeele dhexe Salad Cismaan Jeele. Dhanka kale war isa soo taraya ayaa sheegaya in Hogaamiyayaashaasi ay ka caroodey go'aanada IGAD ee ku wajahan shirka Dib u heshiisiinta Soomaalida oo haatan ka socda Kenya.

Hogaamiyayaasha ayaa go'aansadey in ay ku laabtaan Soomaaliya oo ayan shirka Nabada Soomaalida dib ugu soo Noqon ,iyagoo qiil uga dhigaya in ay dawladda Kenya u xaglineyso Koox gaar ah, inkastoo kooxdaasi farta ku fiiqin, Dawlada Kenya ayaa marba u janjeerta dhan beesha caalamka farta ugu fiiqdo waa sida ay ku doodeen. warar ayaa sheegaya Hogaamiyayaasha oo shaley diyaarad ay saarnayeen marka ay  cagaha dhulka ka qaadey laga daba diray mid milateri si ay u soo celiso, sababtani waxa ay ku dhacay iyagoo rabey in ay si qarsoodi ay garoonka uga duulaan ,nasiibdarrose waa la ogaadey oo dib ayaa loogu soo celiyey hotalidii ay degenaayee ka dib markii ay sheegeen in ay booqasho maalmo ah ku maaqnaan doonaan magaalada Jawhar  ayaa saakey diyaarad lagu qaadey oo la geeyey Gobolka Shabeelada Dhexe waa sida uu yiri taliyaha amaanaka Garoonka Diyaaradaha Wilson Airport. 

Go`anada IGAD oo isa soo taraya maalinba maalinta ka danbeysa ayaa jahwareer galiyey caalamka oo il gaar ah ku eegaya arrimaha shirka Soomaalida .

Shirka Soomaalida ayaa soo marey mar xaladdo kala duwan laakiin tan maanta uu ku jiro ayaa waxay u muuqataa in uu lumay habsami u socodka shirka ee horey loo qoondeeyey bilawgii shirka. La arki doonee sanadka cusub 2004 oo la filayo bisha Janaayo horaanteeda.

Dhamaad.

<><>

Retraetka ama Gooni u baxa oo ka dhici doona 9ka Janaayo Nairobi

Balanadda iyo dib u dhaca kulanka gaarka u baxa ee hogaamiyayasha Soomaalida ayaa shirka Wadahalada Soomaalida ku noqdey caqbad hortaagan shirka dib u heshiisiinta Soomaalida.

Hogaamiyayasha Soomaalida oo lagu wada casuumay ayaa koox waliba keentay mar marsiiyo ay ugu baaqdaan kulankaasi gooni u baxa oo qorshaha shirka horey ugu jirin,IGAD ayaa iyana caqad ku noqotey habkii iyo wadadii ay meel gaar ha isygu geen lahaayeen hogaamiyaasha Soomaalida oo iyagu si gaar ah isu fiirsanaya.

Kooxda Cabdiqaasim ayaa diidan in ay yimaadaan kenya ,kooxda kalena iyana waxa ay diidan yihiin tirada lagu soo kordhiyey hogaamiyayaasha Soomaalida oo ay IGAD ku sheegtay in aan looga maarmin arrinta Soomaalida ragga lagu soo kordhiyey hogaamiyayaasha Soomaalida . Qoraala soo socda ayaa shaley laga soo saarey wasaaradda Arrimaha Dibada ee Kenya ,qoraalka oo ku wajahan shirka dib u heshiisiinta iyo talaabada ku xigta oo la qaadi doono. Qoraalka ayaa sidan ku bilaw isagoo aan tarjumay: 

Shir Jaraa`id.

Ujeeddo:Kulanka Gaar u baxa Hogaamiyayaasha Soomaalida waxa uu dhici doonaa 9ka Janaayo ,2004,Niarobi,Kenya.

10  Maalmood ka dib ayaa kulan gaar u baxa(Retreat) Hogaamiyayasha Soomaalida ka furmi doonaa magaalada Nairobi Kenya 9ka bisha Janaayo,2004 ,ayaa uu yiri Yuweri Musaveni Madaxweynaha wadanka Uganda oo sanadkan haya Xilka Urur Goboleedka IGAD. Goaanka ayaa lagu soo gaarey kulanka qaatey maalin oo dhex marey Madaxweynaha Uganda Yuwero Museveni iyo Wasiirka arrimha Dibada Kenya Kolonzo Misoyoka  Magalada Kampala ,Uganda.

Kulankaasi ayaa la sheegay in maalinta 8da Janaayo la dhameyn doono khilaafka dhexyaala hogaamiyayaasha Soomalida gooni u baxa ku kulmi doona 9ka Janaayo ,2004. Madaxweynaha Uganda Yuweri Museveni ayaa  Guddoomiyaha Guud ee IGAD,halka Kolonzo Misoyoko uu yahay Guddoomiyaha Fududeynta hawlaha shirka IGAD. Kulanka maalintaasi waxaa kaloo la goaamiyey in ay IGAD ay kulmaan 5ta Janaayo ,wasiirada arrimaha Dibada ee adwlada ku jira Urur Goboleedka IGADsi ay u diyaariyaan Kulanka hor dhaca 8da bsha Janaayo ee hogaamiyayaasha Soomaalida ee ka qayb gali doona Gooni U baxa(Retreatka) Nairobi ,9 Janaayo,2004.

Kolonzo Misoyoka wasiirka Arrimaha Dibada Kenya ayaa warbxin dheer ka bixiyey qaabka uu ku yimid dhib u dhaca iyo sababta keentay iyo qoddobada la isku hayo. Waxaa ka loo Masuulka sheegay arrimaha loo bahan yahay in wax laga qabto oo hogaamiyayaasha siyaasada soomaalida tabanayaan ,taasoo ka mid ah in goaan la ga gaaro hogaamiyihii diidaa kulanka soo socda oo inta badan la tixgaliyo ,oo shirka horay loo socodsiiyo. Mr.Kolonzo Misayoka ayaa safarkiisa kampala ku wajahnaa in uu Madaxweyne Musaveni kala xajoodo habkii iyo wadadii lagu soo celin lahaa shirka Wadahadalada Soomaliya oo u muuqda mid sii baaba`ya.

Hogaamiyaasha Soomaalida ayaa lagu wada casuumay kuanka gooni u baxa 9ka Janaayo,2004,Nairobi ,intii ay uu socdey shirka wasiirada Arrimaha Dibada IGAD waxa ka soo qayb galey :

1. Wasiirka Arrimaha Dibada Kenya Muddane Kolonzo Misoyoka ahna Guddoomiyaha Wasiirada Arrimaha Dibada ee IGAD.

2. Wasiirka Arrimaha Dibada Uganda Muddane Augustine Nshimye u IGAD qaybsanaha Dawlada Uganda .

3. Wasiirka Arrimaha Dibada iyo Xriirka Caalamiga D`Jabuti Muddane Ali Abdi Farah.

4. Wasiirka Beeraha Dawlada Ereteria Muddane Arefeaine Berhe .

5.Safiirka Dawlada Itoobiya ee Kenya Mr.Yamane Abadi. Waxaa kaloo kulankaasi intii uu socdey lagu gaarey in shirka wadahalada Soomaaliya in aan loo xayiri doonin hogaamiyaha ka soo qayb gali waayo wadahalada Gooni u baxa 9ka Janaayo,2004,waxaa kaloo la goaamiyey in kulanka gaarka u baxa 9kaJanaayo,Nairobi, ka dib shirka loo gudbi wajiga sedeexaad ee shirka ka horey loogu go`aamiyey 8d december.

Shirka wasiirada Arrimaha Dibada ee Dawlada IGAD waxaa kaloo lagu goaamiyey in maalinta 4taJanaayo,2004 Hogamiyayaasha Soomaalida wada joogaan Magaalada Nairobi,halka wasiirada Arrimaha Dibada IGAD iyagana lagu 5taJanaayo ku kulmi doonaan Nairobi.

Wasiirka arrimaha Dibada Dawlada Kenya Muddane Kolonzo Misoyoka Safarkiisa Kampala waxaa ku wehliyey  Wakiil Dawlada Kenya ee shirka Soomaalida Amb.Barhuel Kipligat,safiirka dawlada Kenya U fadhiya Uganda Amb.Magdalene Wambua , amb.James Kiboi  kaaliyaha Guddoomiya shir gu doonka Soomaalida arrimaha Siyaasada iyo diblomaasiyada ,safiiro kale oo ka socda Dawlada Kenya.

Hogaamiyayaasha Soomaalida ee jooga Mbagathi oo diidey Safrkii Uganda ee gudoomiyaha hawlaha Fududeynta shirka ee IGAD muddane Bathuel Abdul Kipligat aya saakey la kulmay Wakiilda Beesha Caalamka si u ula socodsiiyo kulankii ka dhacey Magaalada Kampala iyo qoddobadii looga hadley.

Kulanka sakey ayaa beesha caalamka iyo IGAD ka wada hadleen qoddobada kala Ah Xal u helida IsKhilaafka tirada Hogaamiyayasha ka qayb gali doona Kulanka Gooni u baxa ee 9kaJanaayo,2004,magaalda Nairobi. In kastoo aan la isla meel dhigin tiro go`an ayaa hadan shirka saakey lagu kala tegay.p> Dhinaca khilaaf xoog leh ayaa soo kala dhex galey hogaamiyayaasha sioyaasada ee ku sugan madasha iyo guddoomiyaha fududeynta Hawlaha shirka Dib u heshiisiinta Soomaalida Amb.Bathul A.kipligat. Hogaamiyayaasha Soomaalida ee ku sugan madasha ayaa markii labaad diidey in ay la kulmaan gudoomiyaha shirka .

Sababta keenteay in ay diidaan la kulankiisa ayaa hogaamiyayaal qaar igu macneeyeen in yahay Kipligat fariin qaade oo kaliya oo  u dhaxeeya Soomalida Dawlada Kenya ,qaar kamid hogaamiyayaasha ayaa iyagana ku macneeyey in jawaab ka sugayaan wasiirka oo ay horey ugu gudbiyeen arrfinka ay ka damacsan yihiin kulanka Gooni u baxa ee hogamiyayaasha Soomaalida,waxay kalo ii sheegeen in marka ay iyaga kulmi doonaan ka dib ay la kulmi doonaan isaga iyo wasiirka Arrimha Dobada Dawlada Kenya. Dhamaad   

Abdikarim Aden Hussein  .
Mbagathi,Nairobi.

December 22,  2003

Faafin: SomaliTalk.com  

 

.... Copyright & Islaamku wuxuu ka qabo.... Akhri

Kulaabo bogga hore ee  www.somalitalk.com 

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
 kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Denmark: Saciid Wesing : “dabcan waxa ugu horreeya ee aan Allaah weydiisanayo waa Jannada, kadibna inuu soo islaamiyo dhammaan qoyskayga ee aan muslimka ahayn”... Guji..


Singapore:
500 oo Qof ayaa Sannadkiiba Soogala Diinta Islaamka..
Guji


USA: Dacwadii Aba Sheikh
Said Aba Shiekh oo koox gaangiistaro ah ay ku garaaceen Seattle afar sano kahor oo weli kujira coomo ayaa... Guji


London, UK: Nin Soomaali ah oo Lagu Xukumay 8 Sano kadib markii lagu soo oogey dacwad ah in uu HIV si u gudbiyey laba dumar ah oo mid kamid ah ay Soomaali tahay... Guji


XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]