Mr Clarke, oo da'diisu tahay 48-jir oo u dhashay dalka New Zealand waxa uu dalka Singapore ku noolaa muddo  23 sano ah,  waxana uu diinta Islaamka soo galay bishii May ee sannadkan 2003.

Dalka Singapore, qiyaastii 500 oo qof ayaa diinta Islaamka soo gala sannadkiiba, sida ay sheegeen Muslim Converts' Association of Singapore.

Dadkaas soo islaamaya ee kusugan Singapore waxaa kamid ah: Chinese, Indian Singaporeans, Koreans, Japanese, Italians, New Zealanders, Swiss, French iyoAmericans.

Tiradaas waxaa la barbar dhigi karaa tiradii dadkii islaamka soo gelijirey dalkaas Singapore oo ahaan jirtey toddobaataneeyadii (1970-nadii) 200 oo qof sannadkiiba iyo siddeetamaadkii (1980-maadkii) 400 sannadkiiba.

Mr Clarke waxay u tahay Ramadaankii labaad oo uu soomay.

"Sannadkii hore waan soomay inkastoo markaas aanan Muslim ahayn, waxaan rabey in aan ogaado in aan awoodi karo Soonka iyo inkale. Horaantii aad ayuu iigu adkaaday. Harraadka ayaana iiga darnaa gaajada" ayuu yiri Mr Clarke.

"Hadda Ramadaanku aad ayuu iigu sahlan yahay, waayo hadda waxaan leeyahay iimaan iyo adkaysi, jawiga oo qabowna waa i caawiyey" ayuu hadalkiisii ku daray.

Mr Clarke oo 16 sano oo uu ahaa Buddhist kaddib soo galay diinta Islaamka, waxa uu sheegay in uu had iyo jeer jeclaan jirey in uu barto diinta Islaamka, laakiin waxaa ku adkaaday helitaanka Qur'aanka oo ku tarjumay afka Ingiriisiga.

Kaddib waxa uu bartay gabar Islaam ah oo deganayd meel u dhow halka uu ka shaqeeyo ee Loyang. Gabadhaasi waxay deganayd wadada Haig Road,  oo kutaal Geylang,  oo u dhow xarunta "Muslim Converts' Association of Singapore" markii ay is barteena gabadhii waxay Mr Clarke geysay xaruntaas.

Toban bilood ka bacdi waxa uu Noqday Muslim. Bil kaddib gabadhii iyo Mr. Clarke waxay noqdeen labo isu doonan, waa bishii June ee sanadkan'e.

Qofka Muslimka ah oo caafimaadka qaba oo qaan gaarka ah waxaa waajib ku ah in uu soomo bisha Ramadaan, soonka oo dembiga ka xala qofka muslimka ah, isla markaasna tusinaya qofka sida ay dareemayaan dadka aan haysan wax ay cunaan ama faqiirka ah. Waxaa loo cudur daaraa dumarka uurka leh ama caadada qaba iyo qofka aadka u da'da weyn ee aan xamili karayn soonka iyo qofka aadka u xanuunsan, iyo musaafirka, dadkaas inta soo qalaynaya soonka ka akhri. [Axkaamka Soonka .. Guji].

Siti Nur Falizah Abdullah, oo 23 jir ah, ardayadna ka ah jaamacadda "Central Queensland University", ma soomin Ramadaanadii hore ee ina dhaafay ayadoo ay isugu xig-xigeen uur ay yeelatay awgeed.

Hadda waa hooyo laba wiil leh, marwo Falizah, oo u dhalatay dalka  Australia, waxay diinta Islaamka soo gashay markii la guursadey. Walaalkeed iyo walaasheed ka yarna waxa soo galeen diinta Islaamka.

Ilaa intii Ramadaanku bilowday marwo Falizah waxaa ka dhacay miisan ah inta u dhexaysa 3kg iyo 4kg. Waxayna tiri: "Soonku wuxuu Muslimiinta aniga oo kale ah barayaa in aan naftanada la meel dhigno dadka kale ee aan nasiibka u helin sidanada ee aan haysan wax cunto ah oo ay cunaan."

Halkan ka akhri sidii uu Siciid Westing oo kusoo Islaamay Denmark uu uga hadlay Ramadaanka... GUJI

Tarjumadii SomaliTalk.com
Isha: TheSundayTimes, Singapore