NAIROBI: WARARKA SHIRKA SOOMAALIDA
waxaa soo diyaariyey
Abdikarim Aden Hussein.
Mbagathi,Nairobi.
War-1-29-December,Mbagathi,Nairobi.
IGAD iyo Beesha Caalamka oo Hogaamiyayaasha Soomaalida u soo.....................
kullanka saakey ka dhacay xarunta shirka ayaa beesha Caalamka iyo Urur
Gobooleedka IGAD hogaamiyayaasha Soomaalida u soo bandhigay Magacyo cusub oo ku
jira Ragga lagu casuumay kulanka gooni u baxa ee 9-bisha Janaayo,2004,Ka dhici
Doona Magaalada Nairobi.
Hogaamiyayaasha Soomaalida ee ka qayb galaya shirka Nabada Soomaalida ayaa
horey u diiday in dad lagu kordhiyo tirada hogaamiyayaasha ka qayb galaya
kulanada gaarka ah,iyagoo ku adkeystey in aan 24-hogaamiye ee saxiixay lagu
darro Cabdiqasim tirada noqoto 25-hogaamiye, halka IGAD iyo Beesha Caalamka
iyaga ku adkeysanayaan 42-qof .
Madaxweynaha Uganda Yuweri Musaveni ayaa soo jeediyey in la qabto shir ka hor
kulanka gaar u baxa,ta soo ujeedkiisu ahaa in uu la kulmo ragg u yeeray raga
hubka iyo dhulka haysta oo 10-hogaamiye ah si uu ugu sharxo sababta keentay
gaar ubaxa iyo fikirka laga damacsan yahay oo ka dambeeya madaama kulanka gaar
u baxa aanu ku jirin qorshaha iyo habka socoka shirka loogu talagaley kolkii
hore.
saakey ayaa mar kale la soo hor dhigay magacyada kala Ah:-
1-Cabdirisaaq Xaaji Xuseen
2-Prof.Cabdi Ismaaciil Samatar
3-Nuura diin Faarax
4-Maxamed Cali Samater
4-siyaasiyiin Soomaalida ka mid ayaa Igad iyo Beesha Caalamku ku darey liiska
Magacyada Ragga ka Qayb Galaya kulanka gaar u baxa ee 9-bisha Janaayo ka dhici
doona Nairobi ,Kenya.
hogaamiyayaasha Soomaalida ayaa drbadiiba diidey iyagoo aan laga kicin goobtii
,qaar ka mid hogaamiyayaasha ayaa moodaa in ay xoogaa ka soo dabceen mawqifkii
hore ee ahaa 25-hogaamiye in aan laga badin tirada ka qayb galeysa kulanada
gaar u baxa ee shirka Nabada Soomaalida oo haatan ka socda Kenya,Nairobi.
Dhamaad.
War-2-29-December,Mbagathi ,Nairobi.
Dr.Black :-Soomaaliya Cid Rabta Maleh in ay Dawlad ............................
Dr.Cabdi Maxamed Culusoow PH.D. Carrol University ,New-York,Mattahan ayaa
saakey shir jaraaid ku sheegay ion Soomaalida iyda uun wax qabsan oo cid dawlad
u dhisaysaa jirin .
Dr. Culusow oo ka mid ah Ergada Soomaaliyeed ee ka qayb galeysa shirka kana mid
ah Musharixiinta Madaxweyne Soomaaliyeed ee Dawlada shirka Nabada Soomaalida ka
dhalan doonta.
Dr.Culusoow ayaa ka mid ahaa Guddiga Hub dhigista ee waioga Labaad ee shirka
dib u heshiisiinta Soomaalida.
mar uu k hadlayey caqabada shirka iyo habaca soo galey waxa uu sheegay in ay
tahay dadka Soomaaliyeed ee u adeegaya danaha Yurub ama Mareykan,sababtoo ah
waxa uu yiri marki aad dib u fiirsatid dadka is haystaa waa dad walaalo ah
tusaale beesha cali cismaan oon ka dhashey ayuu yiri waxa ay shirka uga qayb
galayaan 4-hogaamiye iyo Ergadooda,hadana wax dhexyaal oo isku haystaan ma
jiraan oo aan ka aheyn is riix riix siyaasadeed oo qof walbaa uu rabo in uu
beesha isaga hogaamiyo.
Dr.Balck ayaa yiri Kulanaka gaar u baxa looma baahna sababtoo ah shirka waxa uu
ku noqday caqabad ,oo ergadana ma ogola waayo kuma jirin qorshaha shirka iyo
hab u socodkiisa.
waxaa kaloo uu sheegay in ay jirto Hay`ada SACB Somali Aid Coordinatore Body oo
ah NGO-yada halkan jooga oo Magaca dadka Soomaaliyeed in ay wax u qabtaan
lacagaha uga qaata Dawladaha ay matalayaan.
ugu danbeytii waxa uu yiri Soomalida waxaa looga baahan yahay in ka tashadaan
arrimahooda ,kana firkiraan raggii 14-sanno dagaalka ku hayey Soomaliya in ay
maanta keenaan maslaxad waa wax caqliga ka weyn ayuu ku soo gabagabeeyey
hadakiisa Dr.Back.
dhamaad.
war-3-29-decembar,Mbagathi.
amb. Bathuel Abdul Kipligat oo dhexdhexadin ka wada USC/Peace Action iyo
Jubba Valey Alliance.
USC/Peace Action :-lama kulmin ururka Jubbada Valley Alliance lama heshiineyno
intii Jubb...............
Guddoomiyaha Ururka USC/PA ,ahna Guddoomiyaha Siyaasada Beesha Shiikhaal kana
mid Ah xubnaha Ergada Baarlamaanka DMG Muddane Cabduqaadir Lugga-dheere ayaa
saakey shaaca ka qaadey in ay wali colaad ka jirto Degmooyinka Jamaame iyo
dhamaan Gobolka Jubbada Hoose iyo Tan dhexe.
Gudoomiyaha ayaa baaqan oo qoraal ugu gudbiyey IGAD iyo Beesha Caalamka oo
haatan ku masquulsan arrimaha Nabada Soomaalida.
Muddane Kipligata ayaa kulanka uu la sheegay ka dib saxaafada u sheegay in
lawadao wadahadalo u dhaxeeya dhamaan beelaha wada degga Goboladda Jubbooyinka
HOOSE iyo Tan dhexe.
Muddne Cabdulqadir Lugga-dheere ayaa ku doodey in Beesha Shiikhaal degan yhiin
dhamaan gobolada Soomaliya gaar ahaan degmaga Jilib iyo Jamaame oo 75-% iyagu
degan yihiin.
dagaalka ayaa ka bilwdey Maleeshooyin ku soo duulay Degmooyinka Jamaame iyo
Jilib iyagoo ka yimid Galgaduud,muudo haatan laga joogo 5-sanno,iyagoo dadka
degaanka ku haya dhac dil iyo boob,xaalufin beeraha IWM.
Guddoomiyaha ayaa gaashan ku dhuftay in ay la kulmeen qaar kamid ah ururkiisa
ama beesha shiikaal oo dega Jamaame iyo Jilb Ururka Jubba Valley Alliance oo
xaaraan hadda ku haysta Gobolka Jubbada Hoose ,lama hishiineyno ilaa ay ka
baxaan Degmooyinkeena ee Jamaame,Jilib iyo Kismaayo.
dham,aan beesha caalamka iyo Ururka IGAD waxaan u sheegayaa haddii laga saari
waayo JVA in aan anaga xoog isaga saari doona oo dagaal lagu faragubtaa
halkaasi ka dhici doono ayuu hadakiisa ku soo gaabiey guddoomiyaha USC/Peace
Action Muddane Cabdulqadir Luga-dheere.
dhamaad
War-4-29-December,Mbagathi,Nairobi.
G/Xigeenka H.P.A. oo Beeniyey in HUb la marsiiyey G/Hiiraan oo Maxamed
Dheere .................
Cumar Aden Dhubad Gudoomiyaha Ururka USO/HPA ayaa shaaca saxaafada u sheegay
warkii shaley ku qarnaa wargeyska Qaran oo sal iyo raad toona laheyn.
warkaasi ayaa ahaa Col.Cabdulqadir M.buris oo wargeyda u sheegay in gobolka
Hiiraan la dhexmarsiiyey hub Dawlada Itoobiya siisay Maxamed Cumar xabeeb
maxamed Dheer Guddoomiyaha Maamulka Gobolka Shabeelada dhexe.
Mudane Cumar Aden dhibid ayaa sheegay in Col.Burus uu ka mid yahay
taageerayaasha ururka uusan ka mid ahey masuuliyiinta maamulka Gobolkana shaqo
kuma laha .
warkani oo khalkhal galiyey amaanka Gobolada Dhexe ayaa warar ka imaanaya
Gobolada dhexe la sheegayaa in laga baqayo dawlada Itoobiya in ay HUb iyto
Ciidan Soo siiso dhamaan garab ay gacanka saarka lee yihiin ee kooxda SRRC oo
iyadu maamulka gobolada dhexe badanaa gacanta ku haysa.
dhamaad.
Abdikarim Aden Hussein.
Mbagathi,Nairobi.
Faafin
SomaliTalk.com | December 29, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|