SomaliTalk DALSAN
w w w . s o m a l i t a l k . c o m
SOMALITALK - INVESTIGATES

Janaayo 14, 2004

MAXAA KA JIRA IN ISKUULKA ABLAAL EE MUQDISHO UU DIIDAY IN LAGU DHIGTO XIJAABKA WATO NIQAABKA AMA INDHA SHAREERKA?

 

Waxaa soo gaaray boga somalitalk cabasho ka timid gabar soomaaliyeed oo siday sheegtay dhiganeysay iskuulka ABLAAL ee muqdisho, waxaaney sheegatay (waa sida ku qorayd qoraalkii SomaliTalk soo gaarey'e) in iskuulka loogasoo ceyriyay markay qaadatay INDHA SHAREERKA ama NIQAABKA, kadibna laga codsaday iney iska dhigto iyaduna ey ku adkeysatay iney ilaahay dartiis u qaadatay aadanana dartiis eysan u dhigeyn isla markaana saas iskuulkii looga ceyriyay iaydoo waliba kusii dartay In macalimiintiina lagu diray isla markaana loo diiday in lasiiyo waraaqdii badalka marey codsatay in lasiiyo waraaqdeeda badalka

Hadaba anagoo gadaal idinku tusi doono warqadi gabdhu soo qoratay ee somalitalk ey soo gaarsiisay waxaanse ka hormarineynaa si aan u ogaanno xaqiiqda

War bixintaan waxaan u tagay aniga o ah wariyah somalitalk maamulka iskuulka ABLAAL ee magaalada muqdisho mudane C/RAXMAAN MACALIN AXMED waxaana aan weydiiyay su’aalahaan

1- S: majirtaa in aad diideen in iskuulkiina lagu dhigto NIQAABKA ama INDHA SHAREERKA?

1- j: waxba kama jiraan anagu ciddii ku timaada umadiidno ciddaan ku imaaninna kuma qasabno iney qaadato hase ahaatee waxaan marnaba aqbaleyn in NIQAABKA ama INDHA SHAREERKA marna la qaato marna la iska dhigo waxaana u arkaa iney tahay ciyaar

2- S: ma jirtaa in gabar dhiganeysay iskuulkiina ABLAAL aad iskuulka uga ceyriseen iney qaadatay NIQAAB ama INDHO SHAREER?

2-j: maya majirto in arinta aan ku ceyrinay tahay middaas waayo

A- marka koobaad waxan ku ceyrinay gabadha wax kusaabsan akhlaaqda iyo anshaxa arday nimo waayo hadii kaladanbeyta lunto waa dhibaato

B- tan labaad gabdha ma aheyn mid si toos ah u qaadato niqaabka ee marna waa qaadaneysay marna waa dhigeysay kadib markaan ka codsanay iney ama qaadato ama iska dhigtana ma yeelin ee xitaa waxey ka baxday anshaxii iyo akhlaaqdii ardaynimo kadibna waxaan sugeynay in waalidkeed noo yimaado illaa haddana wax noo yimaado ma heyno

3- S: ma jirtaa gabadhani markaad ceyriseen kadib iney idinka codsatay inaad siisaan warqaddeeda badalka si ey u tagto iskuullo kaleeto kadibna aad u diideen warqaddaas?

3-J:A- marka hore anaga haddaan nahay maamuka iskuulka ABLAAL arday doonayo in uu qaato warqaddiisa badalka ma siinno isaga ee waxaan u dhiibnaa ama aan ku wareejinnaa WAALIDA ama QOFKA MASUULKA ka ah ilmahaas si waalidka oo og uu uga badasho iskuulka waayo waxaa dhacaysa in ilmaha iskuulka lagu ogyahay ma ogiye kan uu doono uu isaga badasho haddaan waalidka ama masuulka lala socodsiin

B- tan labaad saas daraadeed ma jirto cid waalid ah ama kamas’uul ah gabdhaas oo inta noo timid naga codsatay arintaas ah in aan gabadha siinno warqadeeda badalka

Isla markaasna waxaan aaminsanahay in haddii uu noo imaanlahaa qof gabdha masuul ka ah aan isfahmi laheyn isla markaana aan si wanagsan kuwada dhameysan laheyn laakiin nasiib darro ma dhicin waxaana war aan sax aheyn oo la leeyahay gabdha ayaa soo qortay lagusoo qoray mid kamid ah bogaga soomaaliyeed mana filaayo in iyada ey dalbatay in saas loo qoro ayuu kusoo koobay hadalkiisii maamulaha

Intaas kadibna aniga waxaan u gudbay dhanka FASALLADII ey ardayda ku jireen si aan u eego ama u arko gabdhaha iskuulka dhigto sida ey u wataan NIQAABKA iyo iney jiraan gabdho wato waxaana aan arkay sida idiinka muuqato sawiradda iney kujireen galaasyada gabdho watay ama xirnaa NIQAABKA ama INDHA SHAREERKA kuma deyn intaa ee waxaan wareysi la yeeshay laba gabdhood oo midu xiran tahay NIQAABKA ama INDHA SHAREERKA midna eysan qabin ama wadanin waxaana ku hor maray gabdha wadatay NIQAABKA ama INDHO SHAREERKA sida sawirkeeda idiinkaga muuqato oo magaceeda layiraahdo

HANI MAXAMUUD XUSEEEN

HANI ugu horeyntii waxaan weydiiyay galaaskeed dhigataa waxeyna ii sheegtay iney dhigato galaaska 4-raad ee dugsiga sare ama 12- aad waxaana iskuulka ABLAAL aan kusoo biiray sanadkaan waxaana imid aniga oo XIRAN NIQAABKA AMA INDHA SHAREERKA markaan weydiiyay HANI in markey imaaneysay amaba intey joogtay ilaa hadda wax hadal ah laga yiri ama laga codsaday iney iska dhigto niqaabka? Waxey iigu jawaabtay aniga waxaan wataa NIQAABKA ama INDHA SHAREERKA muddo dhan 6- sanadood waxaana soo arkay iskuullo la ii diiday in aan dhigto hadii aan indha shareerka ama niqaabkeyga wato oo aan kasoo tagay hase ahaatee markaan imid iskuulka ABLAAL lama aan kulmin wax diidmo ah bal waa la igusoo dhaweeyay.

Isla markaasna waxaan wareytay gabdhii kale ee aan xirneyn NIQAABKA ama INDHO SAHREERKA sida sawirkeeda idiinka muuqato magaceedana waxaa la yiraahdaa

LUUL C/QAADIR XIRSI

LUUL: waxa aan weydiiyay iney ii sheegto galaaska ey dhigato waxaanay ii sheegtay iney dhigato galaaska 2- aad ee dugsiga sare fasalka B isla markana daraasadeedii dugsiga dhexe ey kusoo qaadatay isla iskuulka ABLAAL dugsigiisa dhexe markaan weydiiyay LUUL: in iyada ey kutimid NIQAAB ama INDHO SHAREER oo markii loodiiday ey iska dhigtay iyo inkale? Waxey ii sheegtay iney markii horaba timid ayadoo aan wadanin NIQAAB ama INDHO SHAREER laakiin wey jiraan gabdho watay loomana diido laakiin maamulka ma ogola in marna laqaato marna la iska dhigo ayeey iigu sii dartay.

Hadaba intaas kadib waxaa ii suura gashay in aan galaasyada la dhextago KAAMIRADEYDII oo aan soo sawiro ardaydii oo casharro qaadaneyso sida idiin muuqatana waad aragtaan iney ku jiraan gabdho wato NIQAABYADOODA ama INDHA SHAREERADOODA anigoo waliba si gooni ah u wareystay gabar aan lasoo raacay BASKA oo magaceeda iigu sheegtay HANI kadibna waxey ii sheegtay ineysan jirin wax diidmo ah oo loo diido gabdhaha INDHA SHAREERKA ama NIQAABKA hadii uusan aheyn mid marna la qaadanaayo marna la iska dhigaayo.

(Sawiro ka eeg bogga xiga)

Halkan ka akhri warbixinta guud ee Iskuulada Xamar

W.D.Abuukar Yaasiin Xaaji
abuukarsom@hotmail.com
MUQDISHO | SOOMAALIYA  
Faafin: SomaliTalk Jan 14, 2003 

Qoraalkaan hoose waa kii SomaliTalk la soo gaarsiiyey, kaas oo tibaaxayey in ay ka timid gabdihii loo diidey khimaarka, waa sida emailkaasi cadaysaye: Sida aan kor ku ballan qaadnay qoraalkii oo u qoran sidii uu SomaliTalk kusoo gaarey waa kan:


DUGSIYADA SARE EE XAMAR QAARKOOD OO QAATAY FIKRADII UU KA QAATAY (CHACK SHIRIC) MID LA MIDA AH JALBAABKA ISLAAMKA.


Anigoo ka mid ah ardayda wax ka dhigan jiratay Dugsiyada magaalada Muqdisho gaar ahaan Dugsiga sare ee Ablaal Secondary School, ayaa waxaa igu dhacaday arin aan ku wanaagsanayn sharciga Diinta Islaamka ayna tahay meel ka dhac wayn oo meel looga dhacay diinteena Muqadaska ah ka dib markii Xijaabka ama Niqaabka la igu buriyay la iina diiday inaan xirto waliba la iigu hanjabay in aan iska dhigo hadii kale aan wax barashadayda ku wayn doono.

Run ahaantii arintaasi way igu adkaatay in aan dhigo Niqaabka ama Indha sharerka oo aan Alle dartii u qaatay in aan Aadane warkiisa yeelo oo aan dhigo.

Hana intaas la igu ma sinin marka aan diiday ayaa waxaa la isku dayay in been la iga sheego oo macalimiinta qaarkood la igu diro.

Aakirkii waxay ku soo aruutay in School-kii la iga kansalo oo faylkeega laysiiyo layna diiday markaan codsaday war qadii badalka si aan School-kale uga badasho soo noqosho badan ka dib waxay ku soo uruutay in badalkii la ii diido.

Taariikhda aan School-ka galayna waxay ahayd 1/9/2001 ilaa hada waxay ay tahay 1/1/2004 maamulka School-kaas magaciisa oo la yiraahdo Axmed (Ablaal) oo ah ninkii ku kacay arintaas foosha xun leh.


Fadlan dhacdadaas soo bandhig si naxariisi ku jirto.

NB: Qoraaga SomaliTalk soo gaariiyey ma magcaabin.......

-dhammaad-

Halkan ka akhri warbixinta guud ee Iskuulada Xamar

...QORAALADA DADWEYNAHA EE MAANTA:

<><>.... Copyright & Islaamku wuxuu ka qabo.... Akhri

Kulaabo bogga hore ee www.somalitalk.com 

© www.SomaliTalk.com
All About Somalia and More...
>> Usheeg Asxaabtaada
Allah Is Great
 kaah

BILICDA SOMALIYA
Luuq Ganaane, 1987

wiil Waa wiil yar oo Somaliyeed oo nayl yar dhabta kuwata xilli nabadana dhexjooga Bilicda dhulka Soomaaliya.
Akhri


Denmark: Saciid Wesing : “dabcan waxa ugu horreeya ee aan Allaah weydiisanayo waa Jannada, kadibna inuu soo islaamiyo dhammaan qoyskayga ee aan muslimka ahayn”... Guji..


Singapore:
500 oo Qof ayaa Sannadkiiba Soogala Diinta Islaamka..
Guji


USA: Dacwadii Aba Sheikh
Said Aba Shiekh oo koox gaangiistaro ah ay ku garaaceen Seattle afar sano kahor oo weli kujira coomo ayaa... Guji


London, UK: Nin Soomaali ah oo Lagu Xukumay 8 Sano kadib markii lagu soo oogey dacwad ah in uu HIV si u gudbiyey laba dumar ah oo mid kamid ah ay Soomaali tahay... Guji


XAAFID QUR'AAN cFatax Cabdul Fataax waa xaafid qur'aan Somali ah oo wacdaro muujiyey GUJI


Copyright © somalitalk.com. All rights reserved.

HTML CD [an error occurred while processing this directive]