Saacdu markay ahayd hal saac iyo bar subaxnimo ayaan
ka degney gegida diyaaradaha ee magaalad Hatgaysa
anaga oo dhan lix qof oo sadex Somali tahay sadexda
kalena ay ka socdaan Australia Broadcasting
Corporation Television (ABC-TV), si ay Documentary uga
duubaan howshii aan wadda wadney
Dr. Caydaruus Muse
Farax, Dr. Cabdulaahi Saciid Aw-Muse oo ay aad noogu
caawinatay Dawlad Goboleedka Puntland, khaastan,
Cabdiraxmaan Maxamed Faroole oo isaga la'aantiis aan
arintani sida la rabey ugu suurta gasheen.
Labo saacadood ka dibna waxaa ka soo deg-ney garoonka
diyaaradaha ee magaalada Bosaaso oo cisbitaalkeeda
laga bilaabi lahaa qaliimo soconlahaa mudo 25 cisho
ah, oo uu sacdey Dr. Caydaruus Muse Farah.
Dr. Caydaruus iyo Dr. Cabdulaahi Saciid aw-Muse oo
isagu ah gudoomiyahay cisbitaalka guud ee Bosaaso
waxaa ay qabteen hawlo badan oonan halkan ku soo koobi
karin, balse aan jeclahay in aan wax yar ka sheego.
Dr. Caydaruus wuxuu cisbitaalka Bosaaso ku tegey si
Humaniterian ah, oo uu wakhtigiisa ugu huray ummaddisa
Somalyeed. Inta uu halkaas joogeyna wuxuu qalay dad
badan oo isugu jira caruur iyo kuwo waaweynba. Waxaana
qabaa in uu yahay geesiyada Somaliya u soo baxay,
waxaana uga mahad celinayaa hawshaas uu qabtay.
Inta uu halkaas joogey waxaa, qaliinadiisa kala qayb
qaatay, dhakhaatiirta cisbitaalka Bosaaso iyo kuwo ka
kala yimid Puntland meelo ka mid ah. Waxaa
dhakhaatiirtaa ka mid ahaa Dr. Shahaado oo isaga inta
badan ay wax wadda qalayeen.
Dadka la qala oo isugu jirey, kuwo qaba dhib weyn, una
baahan qaliin culus iyo kuwo u baahan qaliin fudud,
amab dhexe, waxaa ay ka kala yimaadeen Puntland
daafeheeda iyaga oo isugu jira rag iyo dumar, kuwo yar
yar iyo kuwo waaweynba.
Intii uu Caydaruus halkaas joogey wuxuu siminaaro
cisbitaalka Bosaaso ku siiyey dhakhaatiir iyo
kal-kaaliyayaal, khaasatan arimaha la xiriira qaliinka
iyo kabniinka lafaha jabay.
Dhaawacyo badan ayaa waxba laga qaban waayey maadaam
DR. Cabdulaahi Saciid Aw-Muse iyo Dr. Caydaruus isku
afgarteen in aan la qalikarin dadka iayagu u baahn in
biro la gesho. Taasina waxaa ay ka danbaysey ka dib
markii birihii loo baahnaa la waayey. Sawirada iyo
Xray-gab waxaa ay la socdaan qoraalkan. Sida keliya ee
wax looga qaban karaan waa iyada oo la helo biro la
gesho dadkaas aad Xray-gooda aad arkaysaan. Dadkaasina
idinka ayey mucaawino iga baahan yihiin. dadkaas iyaga
ah waxaa ka mid ah qof lugta hoose lugta hoose ka
jaban lafuhuna isku dhex jiraan iyo qof misigta ka
jaban oon loo hayn biro la gesho. Sidaas darteed
waxaan dadka qoraalkan akhrisanaya kula talinayaa in
ay ka qayb qaataan barnaamijka Dr. Caydruus qabandoono
ee soo socda, kaas oon weli wakhtigiisa ugu horaya
aanu Caydaruus soo bandhigin. Marka soo socda, ee uu
Bosaaso ku noqdana, waxaan fileynaa in barnaamijkan
mid ka sii fiican oo sifiican loo habayey, qalabka loo
baahan yahayn oo dhana loo haysto, in la qabto,
waxaana filayaa in cidii awoodaa si sadaqo ahaana uga
qayb qaadato.
Dadkii halkaas lagu qalay waxaa ku jirtey gabar
bowdada ka jaban, oo aan da'deeda ku qiyaasay 14 sano,
oo lafta bowdada xabad ay kaga dhifteen ciidanka
daraawiishta Puntland markii ay deganayeen magaalada
Qardho. Gabdhaas walaasheed, oo iyaduna markaas garab
taagneyd gabadhaas, xabado ay Daraawiishu markaas
rideysey ayaa ku dhacay, halkaas ayeyna ku naf weydey.
Gabdhahaas waxaa xabadahaas lagu furay iyaga oo ka
qayb qaadanaya mudaaharaad ay shacabku kaga soo
horjeedeen, ciidanka daraawiisha ah ee markaas gacanta
ku hayey magaalada qardho. Sidaasna waxaa noo sheegay,
waalidkeed oo gandha cisbitaalka keenay.
Barnaamijkani marna muusan suurta galeen, hadii aan
dhowr arimood is biirsan. Sidaas darteed, waxaa marka
u horaysa u mahad naqayaa, Ilaha isaga maahee aan cid
kale la caabudin, Ilaygaas oo ak kan wax uu isagudoono
ay suurta galaan, anigan isiiye iguna taageeray in
arimahaan aan qabto.
Dad badan ayaa arinkan ka qayb qaatay, dadkaasna waxaa
ugu horaya Dr. Cabdulaahi Saciid Aw-Muse oo geed dheer
iyo geed gaabanba u fuulay, ururinta bukaan socodka,
maaraynta sida qaliinadu uga socon lahaayeen
cisbitaalka Bosaaso. Waxaana marnaba aanan hilmaami
karin sida xilkasnimada ah ee uu noogu yimid Dubai si
wixii markaas dhiman iyo alaabooyin Sariiro
cisbitaalka Bosaaso leeyihiin uu halkaas uga soo rari
lahaa, anagana noogu soo dhoweyn lahaa Airporka
magaalad Dubai.
Waxaan sida oo kale u mahad naqayaa, Cabdiraxmaan
Maxamed Faroole oo taageero buuxda siiyey
barnaamijkaan. Waxaana xaqiiqa ah in isaga la'aantiis
wax yaabo badan ayaan noo suurta galeen, khaasatan
dhinacayada dawlada Puntland iyo dekeda Bosaaso. Sida
oo kale, socdaalkaygii aan Puntalnd ku tegey horaankii
2003, oo arinkani ku rumoobey, ayuu wuxuu ka ahaa
lafdhabar, maadaama isaga la'aantiis ayan noo suurta
gasheen, aniga iyo intii ila socotey, in aan maro,
Gaalkacayo ilaa Bosaaso.
Ciise Dhollowaa waxaa lagala xiriiri karaa:
imfarah@students.latrobe.edu.au