Waa su’aal u baahan in jawaabteeda la isla eego, waa xaajo u baahan in la isla gorfeeyo inta aysan talo far ka haadin, waa arin ay dhici karto inay timaado oo u baahan in loo diyaar garoobo wixii ka iman kara.

Hadaba qormadeenan akhristow waxaan waxyar isla eegi doonaa ama jawaab u raadin doonaa arimahan:

• Ma dhici kartaa in shirku burburo?
• Hadii uu burburose makaa ka dhalan kara, mase jiri doontaa wax loogu yeero Soomaaliya?
• Kuwa isku haysta meeshase xagee bay ku danbayn doonaan?
• Inaga shacab ahaan maxay noqon kartaa ciribteenu?
• Sidee lagu badbaadin karaa in shirka burbur ku yimaado?

Jawaabta oo gaabani waa haa, maxaa yeelay tobanaan shir oo kan ka horeeyay ayaa burbur ku danbeeyay, shirkasta oo soomali isugu timaadona waxaynu isugu sheekaynaa kan haduu burburo waa bes, shir danbe ma dhici doono iwm

Hadaba hadaan soo koobo qodobada shirkaan burburin kara waa sidan:

Arimahaas ayaad moodaa inay ugu waaweynaan karto waxa Burbur ku keeni kara Dib u heeshiisiinta Soomaaliya ee ka socota Nairobi.

Soomaalidu waxay ku maahmaahdaa (samo wax kaama dhimee shar u toog hay). Marka way dhici kartaa in shirku burburo maxaayeelay waxynu naqaanaa in dadka meesha la isugu keenay ay yihiin kuwii burburiyay shirarkii hore , kuwii ku balan furay tobanaan heshiis oo ay saxiixeen, sidoo kale dowladaha shisheeye ee maanta shirka hormoodka u ahina waa isla kuwii hubka iyo munaafaqada kula dhex wareegayay Soomaaliya, adeeg sanayayna siyaasada (Divide and Rule) .

Marka hadii burbur uu shirkan ku yimaado waxaa dhici karta dhorkaan arimood:

Dhorkaas qodob ayayna noqon kartaa meesha ay ku danbaynayso Soomaaliya waa hadii ay tashanwaydee.

Iyadoo kooban waxay ku danbayn doonaan ama mari doonaan jirkii Ina Siyaad, Caydiid, iyo Cigaal.

Waxaaba dhici karta in dowladaha ku adeeganaya maanta ay qabqabtaan oo soo xidhxidhaan amaba dilaan mariyaana jidkii kuwii adeegayaasha ahaa ee iyaga ka horeeyay sida Noriyeegihii Panama, Sadamkii Ciraaq, Markoskii Filibiin iwm.

Amaba waxaa dhici karta midkastoo maanta jira dhowr bilood kadib in gacan yarihiisu ka hoos qaato oo meeshaba ka carsado sida ku dhacday Shaatiduud, sida ku dhacday Yalaxow , Sida ku dhacday Ina Caydiid , Cismaan Caato, Cali Mahdi, Ina Biixi, Cabdirahmaan tuurkii Hargeisa iwm. Dhamaan ragaas ama ku xigihiisii ayaa burcadnimadii kala wareegay oo eryaday ama awoodiisii ayaa wiiqmatay ilaa badan kood ayba maanta qaxooti ku jihiid dalalka deriska ah oo aysanba cagta soo dhigi Karin meeshii ay mar ka talin jireen, oo ka atoorayn jireen.

Shicibka Soomaaliyeed maanta waa laba qaybood kuwo ku sugan DALKA iyo kuwo ku sugan DIBADA.

Xaaladda qalafsan ee shaqo la’aaneed, nabadgelyo xumo, caafimaad daro, dowlad la’aaneed , waxbarasho daro, iyo handadaada , afduubka , kufsiga, dhaca, xabsiga, iyo dilmada ay ku hayaan mooryaantu, jiridu, daydaygu, iyo weliba mida ka sii xun ee ay ku hayaan askarta xabashida iyo kuwa sawaaxilugu ayaa sii socon doonta halkaasna waxaa ku dhiman doona sharaftii, diintii, dadnimadii, damiirkii, iyo dowladnimadii Soomaaliyeed iyo Haykalkii looga baqijiray in lagu xadgudbo shacabka sharafta leh ee Soomaaliyeed.

Intaa waxaa sii dheer cunaqabatayna dhaqaale ee khaliijka, sun ku aasida xeebaha dalka, xaalufinta khayraadka badda, gubista dhirta, dhoofinta xoolaha dhedig, iwm

Dadkasta oo caalamka saaran waxaa lagu xurmeeyaa dowladooda , dad aan dowlad lahaynina waa duul dayacan, waakaas oo sharaftee hablaheenu dhimatay, waakaas oo caruurteenii xabsiyada laga buuxshay, waakaas oo waayeelkii iyo waalidkii asaasaqay oo tumashada iyo mukhaadaraadka meherada ka dhigtay, waakaas oo cartu faanka noqotay, waataas oo durta aynu ka darnay falastiintii oo noqonay dibadyaalo aan cidina u aaba yeelin , mid badi cuntay, mid askari toogatay, mid buufis ku dhacay iyo mid duran ayay u bateen dadkeenii dibedaha ku noolaa ilaa dawladnimadii soo noqotana Sharaftoodu way sii dhiman mooyee kama soo raynayso.

HADABA SIDEE LAGU BADBAADIN KARAA SHIRKAAN SI LOO BADBAADIYO JIRITAANKA IYO AAYAHA SOOMAALIYA?

Aniga aragtidayda shirkaani wuu ka duwan yahay kuwii hore, sababtoo ah, waxaa jooga dhamaan qabqablayaashii dagaalka, qolyihii shicibka madaniga ah, aqoonyahano iyo cuqaalba, sidoo kale waxaa u dhan dowladihii dariska ahaa, ugu danbaysna waxaa jooga oo xiisaynaya in shirka wax ka soo baxaan dowlado dano kaleh sii jiritaanka Soomaaliya.

Taasi waa mid aad moodid inay suurto gelin karto miro dhan ka yimaada shirka.

Waxaa kaloo badbaadin kara shirka , in la isasa soo horfariisiyo qolyaha shirka ugu muruqa kuusan, kuwaas oo aad moodid hadii ay isku waafaqaan qaybsiga inay inta kale saamayn ku yeelan karto, waxaanan u danleeyahay waa Abdulahi Yusuf iyo Cabdi Qasime.

Sababta aan taa u leeyahayn waxay tahay inaan anigu aaminsanayn sheekada raqiiska ah ee aynu niraahno qabiil baynu isku diidanahay, haa oo qabiil qabiil baa la isku dilay, laakiin qabiil qabiil iskuma diidanine qabqab dhaafay, qof jeclaysi iyo kursiga cidii ku fariisan lahay weeye meesha xaajadu ka qurunsan tahay, marka aniga rayigayga waxaan isleeyahay hadii Cabdulahi Yuusuf oo ugu muruq kuusan Daarood, ama qolyahaya ku bahoobay SRRC iyo xulafadooda 20 dhan oo dhinac ah Iyo Cabdiqaasim oo Hawiye ugu tugtug roon maanta iyo Xulafadiisa cusub ee Yalaxow horkacayo, iyo kooxdiisa dhulbalaarsiga wada ee reer Galgaduud waxaan isleeyahay haday labadaa nin heshiiyaan inta kale way ku dabasafan lahaayeen, oo awood ayay labadaa nin u yeelan karaan inay dalka islaaxiyaan , dowlad ilaa raas kanbooni ilaa raas casay midaysana weykeeni karaan ayaan aaminsanahay.

Sidoo kale waxaan isleeyahay hadii lagu heshiin waayo in kursigaas qof keliya ku fariisto , maxaa diidan in la sameeyo sida Bosniya ama Ciraaq oo ah in madaxweynuhu wareegto noqdo ilaa inta duruuftaan laga baxayo oo bal markale dib ay dadku u dhadhaminyaan macaanka dowladnimo , kadib markay bislaadaana doorasho lagu kala haro.

UGU DANBAYSTII WAXAAN ILAAHA AWOODU GACANTIISA KU JIRTO KA BARYAYAA INUU ISLAAXIYO DALKA, ISKU SOO DUMO QULUUBTA, DAREENSIIYO QOLYAHA SHIRKA JOOGA DANTA GUUD EE SHACABKA IYO AAYAHA UMADA SOOMAALIYEED.

MAANTA BAAL BAA FURAN AY KU QORMI KARAAN QOLYAHAASI AMA MID DAHAB AH AYUU NOQON AMA MID DHIIG, IYO DAXAL KA SAMAYSAN OO MUGDI AH AYAY GELI LABADA TAY NOQOTANA SHACABKA SOOMAALIYEED WAY EEGI BAL KAY DOORTAAN.