Hogaamiyayaasha Soomaalida ee ka qayb galaya shirka nabada
ee haatan ka socda Dalka Kenya ayaa maanta waxaa munaasibda balaaran oo lagu
soo afjarayey khilaafka hogaamiyayaasha Soomaalida lagu qabtey Guriga
Madaxtooyada ee dawlada Kenya STATE HOUSE.
Qabashada Munaasibadan ayaa maalmo badan dib u dhacdey
taasoo ugu wacney iyadoo la sugayey Madaxweynaha Dawlada UGANDA Yuweri
Musaveni oo ah Guddoomiyaha urur goboleedka IGAD ee sanadkan, dhan kale
maalmihii ugu danbeeyey ayaa iyana hogaamiyayaasha Soomalida khilaaf soo kala
dhex galey taasoo ku saabsaney hogaamiyaha saxiixaya iyo mid aan saxiixeen.
IGAD iyo Beesha Caalamka ayaa dadaal dheeri ka muujiyey
isusoo dhowaanshaha fikradaha kala duwan ee hogaamiyayaasha siyaasada
Soomaalida oo aad iyo aad u kala duwanaa.
maanta ayaa waxaa saxiixay hogaamiyayaasha Soomaalida ee kala ah:-
1-Cabdullaahi yuusuf Axmed .... Maamulka Gobolada Puntuland.
2-Muuse Suudi Yalaxoow ........ Golaha Samata bixinta.
3-Sheekh Aden Madoowe ........ SRRC.
4-Maxamed Cumar Xabeeb ....... Gobolka Shabeelada Dhexe.
5-Maxamed Qanyare Afrax ........ G-8.
6-Maxamed Cabdi Yuusuf ......... Dawlada KMG ee Cabdiqasim.
7-Shariif Saalax Axmed ............ Ururada Bulshada Rayidka.
8-caasho Cilmi Xaaji ............... Ururada Bulshada Rayidka.
Saxiixa maanta ayaa lagu heshiiyey
Qadiyadii Sideeda
ahaa ee lagu dhisayo Baarlamaan KMG iyo Dawlada Dimoqoraadi Federaal ah KMG.
Hogaamiyayaasha kale ee Soomaalida ayaa ka qayb galey
xafladaasi oo saxiixa Goob joog ka ahaa, waxaa kaloo Goob joog ka ahaa
Madaxweynaha Dawlada Kenya Mwai Kibaki, Wasiirada Arrimaha Dibada ee
Dawladaha URU Goboleedka IGAD, Wakiilada Beesha Caalamka.
Hogaamiyayaasha Soomaalida ee ka qayb galaya ayaa maanta u
ekeyd kulankii wada tashiga ee ka socdey Safari Park Hotey Muddo 20-maalmood
ah.
Maanta ka dib ayaa shirka waxaa uu geli doonaa wajiga
Seddexaad ee Awood Qaybsiga Qabiilada Soomaalida waloow aan si rasmi ah wali
loo xirin Wajiga Labaad ee shirka oo qaatey Muddo sanad ah
marka laga reebo 14-bil oo shirka dib u heshiisiinta Soomaalida ka socdey
Dalka Kenya.
Dhamaad.
Abdikarim Aden Huissein.
Nairobi,Kenya.
abdikarimhussein@hotmail.com