Dhab ahaan ma ahan mid aan maanta u
tabineyno adduunweynaha iyo guud ahaan shacbiga Soomaaliyeed xaalada
murugada leh ee soo wajahday dalkeenii hooyo ee Jamhuuriyadda Soomaaliya.
Sida aad la socotaan waxaa yimid
magaaladan London wafdi uu hogaaminayo mas'uulka ugu sareeya maamulka
gobollada waqooyi ee Soomaaliya, kuna dooda in ay gooni isaga taageen
Jamhuuriyadda Soomaaliya inteeda kale MD. Dahir Riyale.
Ujeedada socdaalkoodu wuxuu ahaa in ay
la kulmaan madax iyo saraakiil sarsare oo ka tirsan dowladda Ingiriiska
una gudbiyaan sababaha keenay gooni isu taaga ay ku dhawaaqeen 17 Maajo
1991dii, isla markaana aqoonsi u heli lahaayeen.
Waxaan hubaa in qofka kasta oo Soomaali
ahi ka dharagsan yahay xaaladdaha la doonayo in lagu marin habaabinayo
qeybo ka mid ah bulshada Soomaaliyeed, sida burburka gaarey gobolladan
waqooyi ee Soomaaliya waxaa ka mas'uul ah gobollada koofureed ee
jamhuuriyadda Soomaaliya, sababtaas iyo kuwo kale ayaan kula noqoneynaa
madaxbaanideenii.
Hadaba ku guuleysasho la'aanta lagu
guuleysan waayay in la qaldo ra'yul caalamka laguna qaldo beentan la
dhoodhoobay, isla markaana xubno ka mid ahaa kuwii wax ka geystay
burburka baahsan ee ku dhacay Soomaaliya ku doodaan waxaan la noqonay
midowgii aan la midoownay gobollada Koofur ee Jamhuuriyadda Soomaaliya
1960kii waxay gef ku tahay guud ahaan shacbiga Soomaaliyeed.
Golaha wadatashiga Soomaaliyeed wuxuu si
cad u cambaareynayaa cid kasta oo u olaleyneysa in Soomaaliya ay noqoto
imaarado ay ka taliyaan qabaa'ilka dagan.
Hadaba anaga oo aqoonsan xaqqa uu
muwaadin kasta u leeyahay in uu la kulmo wadan madaxdiisa si dimuqaraadi
ah loo soo doortay iyo xaqqa ay mas'uuliyiintan u leeyihiin kulan ay la
yeeshan madaxda ay martida u yihiin ayaan rajeynaynaa in uusan noqon mid
Soomaaliya sii kala fogeeya ee uu noqdo mid isu soo dhaweysa Soomaalida
guud ahaan.
Golaha wadatashiga Soomaaliyeed wuxuu
cabasho ku saabsan arrintan u gudbin doonaa madaxda iyo baarlamaanka
dowladda Ingiriiska in aysan marna ku dhiiran in Soomaaliya la qeybiyo
ama noqoto imaarado taladeedu ay leeyihiin hogaamiyayaal danta guud ka
horumarinaaya danahooda gaarka ah.
Kaaliyaha Xoghayaha Arrimaha Dibedda
ahna
Wakiilka Golaha Wadatashiga Soomaaliyeed
C/casiis Cali Ibrahim "Xildhiban"
C/casiis Cali Ibrahim
xildhiban@hotmail.com
Faafin: SomaliTalk.com | March 19, 2004
Afeef: Aragtida qoraalkan waxaa leh
qoraaga ku saxiixan
XAMAR DAAWO DACALLADA.. SAWIRRO