Daabaco Boggan | Print Filimada anshaxa xun, ruugidda Qaadka iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

Barnamujka caawa Radio Xoriyo ka baxaya waxuu ka koobanyahay.

Wararka naga soo gaadhaya gobolka Abiy-Adhi oo ka tirsan Kililka Tigreega ayaa sheegaya in ay dadwaynaha kunool gobolkaas todobaadkii hore dhamaadkiisii isugu soo baxeen mudaharaad ay kaga soo hor jeedaan maamulka kaligii taliye Meles Zenawi.

Mudaharaadkan ayaa waxa ka soo qayb galay dad aad u tiro badan oo kumanyaal gaadhaya, waxayna dadku kaga cabanayeen maamulxumada iyo daryeel la`aanta ay xukuumadu kula dhaqmayso dadka ku dhaqan gobolkaas iyo guud ahaanba shucuubta Itoobiya.

Warku wuxuu intaa raaciyay in uu gudoomiyaha degmada Abiy-Adhi u diiday inuu bixiyo warqadii fasaxa ee mudaharaadkaas, hasayeeshee dadwaynihii oo aad u cadhaysan oo buuqaya ayaa mudaharadkoodii sidii ay ugu talo galeen u qabsaday.

Waxaa halkaas ka hadlay odayaal, aqoonyahano, dhalinyaro, iyo hooyooyin, kuwaas oo naclad dusha kaga tuurayay kaligii taliye Meles Zenawi iyo maamulkiisa. Dadkaas oo wadooyinka magaalda oo dhan soo maray ayaa waxay ku dhawaaqayeen kalmado ay ka mid ahayeen

Meles ha dhaco!

Meles waa dhiig miirte!

Iyo Maxay caruuratanadii ku dhamaadeen!

Waxayna tirinayeen Heeso iyo gabayo lagaga soo hor jeedo xukuumada Meles.

Mudaharaadkan ka dhacay gobolkaas ayaa xukuumada Zenaawi saameeyn wayn ku yeeshay, waxuuna ka duwanaa mudaharaadyadii gobolada kale ee Itoobiya kadhacayay, maadaama uu yahay gobolkii uu ka soo jeeday, taageerada ugu badana uu ka helayay.

Wasaarada warfaafinta ee Eritreya ayaa caddaysay inay 9 askari ka soo baxsadeen xukuumada Addis Ababa, waxayna ciidammadani qayb ka yihiin ciidamadamo aad u tiro badan oo si is-daba joog ah uga soo goosta Itoobiya, kuwaasoo diidan ama ka soo horjeeda dagaalada ay Itoobiya ku hayso wadamada dariska ah iyo maamul xumida xukuumada Addis Ababa.

Ciidamadan baxsaday ayaa waxay u badanaayeen dhalinyaro qasab lagaga soo qoray tuulo kasta oo ka tirsan Kililka Tigreega. Warku waxa uu intaa raaciyay inay dhalinyaradan qasabka lagu soo qoray maalin walba isu dhiibaan dalalka Sudan iyo Eritreya.

Radyowga Oromada ee SBO ayaa sheegay in ay jaaliyadaha Oromoda ee

waqooyiga Marykanku isu qabanqaabiyanyaan mudaharaad aad u wayn, oo laqaban doono talaadada soo socota kuna began 23 bishan Maarso.

Mudaharaadkan ayay Jaaliyadaha Oromadu kaga soo horjeedaan falalka xun-xun ee ay

xukuumada dhiigyo cabka ah ee uu madaxda ka yahay Meles Zenawi kula kacdo dadka Oramada ah ee ay gumaysato iyo shucuubta kale ee gumaysiga Abasiiniya ku hoos nool.

Raadyowgu waxa uu intaa raaciyay in mudaharaadkan si wayn uu uga dhici

doono meelo kala duwan gaar ahaan magaalada Washington si ay u gaadhsiiyaan bulshada caalamka dhibaatada lagu hayo dadka Oromoda ah.

War uu qoray wargayska Muqdisho Times ayaa sheegay in koox hubaysan ay afduubteen
sarkaal Itoobiyaan ah oo sheegay inuu la socday wafdi Ku sugan garoowe oo ka
socda baarlamaanka ismaamulka Ogaadeenya.

Sarkaalkaan oo laga afduubtay Hotel Nasiye ayaan la ogayn meesha ay la
aadeen kooxdii afduubtay iyadoo ay tahay markii ugu horeysay oo sarkaal
Itoobiyaan ah la afduubo. Sargaalkan oo dhalasho ahaan kasoo jeeda Somalida Ogadenya ayay afduubayaashu ku sheeganayaan inay lacag badan ku leeyihiin isagoo ka mid ahaa wafdi balaaran oo Itoobiya ka socday oo Garoowe booqasho ku yimid.

Ciidamada Daraawiishta ee madaxtooyada Garoowe ayaa ku raadjooga sidii
ay gacanta ugu soo dhigi lahayeen kooxdii afduubatay isagana xoriyadiisa ugu
soo celin lahaayeen.
Afduubka sargaalkan ayay si aad ah u hadal ahayaan dadweynaha
ku dhaqan Garoowe ku-waasoo aragtiyo kala duwan ka bixinaya afduubkiisa.

Gudiga IGAD ee gacanta ku haya hawlaha shirka Soomaalida iyo goobjoogayaasha caalamiga ah ayaa soo saaray war saxaafadeed ay ku soo dhawaynayaan go`aankii 12kii maarso ay gaadheen wasiirada IGAD ee ahaa in horay loo sii wado wadaxaajoodka lana furo wajiga sadexaad ee nabadeenyta shirka Soomaalida.

Gudiga fududaynta sharka iyo goobjoogayaasha caalamiga ah waxay kooxaha Soomaaliyeed ee ka maqan shirka ku dhiiri galiyeen inay si dag dag ah ugu soo laabtaan magaalada Nayroobi si ay uga qayb qaataan hor u wadka nabadeenyta Soomaaliya.

Gudigu waxay sheegeen in ay nasiib darro tahay in ay soo baxaan wararka sheegaya in dhowaan uu dib u bilowday hubka sida sharci darida ah loogu daldalayo Soomaaliya, taasoo ay sheegeen in ay abuurayso jawi colaadeed oo hor leh, isla markaasna ay ka soo horjeedo ujeedooyinkii shirka looqabtay, si toos ahna ujabinaysa qaraarkii cunaqabataynta hubka ee lambarkiisu ahaa 733,kaasoo golaha Ammaanku soo saaray sanadkii 1992kii.

Waxayna ugu baaqay kooxda Qaramada Midoobay ee qaabilsan kormeerka hubka ee haatan ku sugan gobolka in ay soo baadhaan arrintan kana soo warbixiyaan.

Bulshada caalamkana waxay ka codsadeen in ay taageerto dadaalka shirka nabadaynta qaran ee soomaaliya si uu ugu dhamaado guul.

C/Nuur Sh. Mohamed

raadioxoriyo@yahoo.com
radioxoriyo@ogaden.com 

Radio Xoriyo waxaad ka dhegaysan kartaa Mawjadda 19 MB ee dhererkeedu yahay 9820  KHZ, Maalmaha Talaadada iyo Jimcaha 7: 30PM   waqtiga Afrikada Bari