Dad Soomaaliyeed oo ku xir xiran Xabsiyada Zambia.
Magacyadda Dadkaasi Soomaaliyeed qaar ka mida.
Dad Soomaaliyeed oo Magan Galyo doon ah ayaa lagu soo waramayaa inay ku
xir xiran yihiin Xabsi ku yaala Magaaladda Lusaka ee Dalka Zambia.
Cumar Maxamed Aw Cabdi oo ah Ganacsade Soomaaliyeed oo Dagan Magaaladda
Lusaka ayaa u xaqiijiyay STN Jiritaanka Dadkaasi Soomaaliyeed oo
Muddooyinkii la soo dhaafayba ay Warbaahinta Zambia wax ka qoraysay. Wuxuuna
Ganacsadahan sheegay in Xaaladda dadkaasi ay aad u wanaagasan tahay isla
markaana ay socdaan dadaalo lagu doonayo in dadkaasi lagu sii daayo.
Aw Cabdi waxa uu sheegay in Dawladda Zambia ay dabacsanaan ka muujisay
Arrinta dadkaasi. Wuxuuna sheegay in wadahadal ay Dawladda la yeesheen dad
Soomaaliyeed oo degenaansho ku leh Zambia ay ka oggolaatay inay qaar ka mida
dadkaasi u aqoonsato Qaxootinimo. Halka qaarka kalana dib loogu soo celinayo
Dalkooda Hooyo.
Ganacsadahan waxa uu sidoo kale sheegay inay Jiraan Soomaali hor leh oo
ku soo qul qulaysa Zambia. Wuxuuna sheegay in haddii uu sii kordho Culayska
ay Soomaalidu ku hayso Dalkaasi ay suuragal tahay in Dawladdu ay go’aan ka
qaadato Soomaalida soo galaysa Dalkeeda.
Qaar ka mida magacyadda dadka Lusaka ku xiran oo aan ka soo xiganay
Ganacsadahaasi Soomaliyeed ee deggan Lusaka waxaa ka mida.
- Xuseen Cismaan Aadan.
- Axmad Aadan Cali.
- Aadan Maxamad Cabdi.
- Axmad Maxamad Cumar.
- Maxamad Cabdi Taakoow.
- Cabdirashiid Maxamad Macalin.
- Maxamed Diiriye Cali.
- Muxaydiin Axmad Maxamuud.
- Muxyadiin Cali Axmed.
- Axmad Maxamed Calas.
- Sacdiyo Axmad Maxamuud.
- Zamzam Cusmaan Shiiq.
- C/laahi Nuur Dhimbil.
- Xuseen Cabdullaahi Maxamad.
- Faysal Shiiq Cumar.
- C/qaadi Xasan Xuseen.
- C/risaaq Maxamed Mursal.
- Isaaq Cabdi Xirsi.
- Ismaaciil Xasan Cilmi.
- Maxamed Cali Shiiq.
- Fartuun C/raxmaan Cabdulle.
- Cabdi Cabdullaahi Faarax.
- Maxamad Cali Maxamad.
- Maxamad Jooraad Joombo.
- Cali Xasan Baaja.
- C/raxmaan C/qaadir Maxamad.
- Mahdi Maxamad Maxamuud.
- Rumaan Cali Xasan.
- Madiino Axmad Xamza.
Waxaa isku soo ururiyay Abdi Wali Ibraahim Aadan (Garyare)
Naafadda Soomaaliyeed ee ku jirta Isbitaalka Martiini oo ay deeq dhaqaale
soo gaarsiiyeen Naafadda Holland ee Soomaalida ah.
Naafadda Soomaaliyeed ee ku nool Dalka Holland ayaa markii ugu horaysay
Taageero Dhaqaale soo gaarsiiyay Naafadda ku dac daraysan Isbitaalka
Martiini ee Magaaladda Muqdisho.
Afhayeen u hadlay Naafadda Isbitalka Martini ayaa sheegay inay ugu
deeqeen Walaaloohooda Naafadda ah ee ku nool Holland Miisaaniyad Dhaqaale oo
ay Labo Billood ku noolaan Karaan. Wuxuuna Afhayeenkaasi sheegay in
Kaalmadan ay u timid xilli ay haysato dhibaataddii ugu darnayd ee dhaqaalo
Xumo.
Naafadda Isbitaalka Martiini oo u badan Ciidankii Xooga Dalka
Soomaaliyeed ee ku naafoobay Dagaalkii 1977-dii dhex maray Somalia iyo
Ethiopia ayaa tan iyo wixii ka dambeeyay markii ay bur burtay Dawladii dhexe
ee Somalia waxay ku dacdaraysnaayeen Magaaladda Muqdisho. Iyadoo ay yarayd
Kaalmadda ay ka heleen Shacabkii ay ku naafoobeen Difaacooda.
Naafadan oo qaarkood ay Afarta Addin ka go’an yihiin ayaa waxaa Taakulayn
aan sidaa u badnayn gaarsiiyay marar dhawr ah Ganacsato Soomaaliyeed oo
muujiyay Damiir Bini’aadanimo. Waxaa sidoo kale iyaguna kaalmooyin noocaas
oo kale ah billaabay inay gaarsiiyaan Ardayda Dugsiyadda Gobalka Banaadir oo
dhawaan lacago taburacaad ah oo ay iska aruuriyeen ugu deeqay Naafadda
Isbitaalka Martiini.
Dhibaatadda Dhinaca Nolosha ah ee haysata Naafadda Soomaaliyeed waxay
cirka isku sii shareertay markii dhawaan qaybo ka mida Isbitaalkii ay
daganaayeen uu ku soo dumay. Isla markaana uu ku fariistay qaar ka mida
Naafadii ku jirtay Isbitaalkaasi. Waxaana ay wal wal ka muujinayaan Naafaddu
in qaybaha dhiman ee Isbitaalku uu dumo. Iyadoo illaa iyo haddana ay
Shacabka Soomaaliyeed ka gaabiyeen inay wax ka qabtaan Dhibaatadda dhinaca
Hoyga ah ee soo wajahday Geesiyaashii Soomaaliyeed ee ku curyaamay Difaaca
Qaranimadda Dhuleed ee Somalia.
Isbitaalka S.O.S oo wali u xiran Muran ka dhashay Haweeneey lagu
badbaadiyay Isbitaalkaasi.
Isbitaalka ugu waynaa Dhalaanka iyo Hooyadda ee S.O.S ayaa wali xiran
iyadoo lagu guul daraystay dadaalo la doonayay in Isbitaalkaasi dib loogu
hawl galiyo.
Sarkaal ka tirsan Isbitaalka S.O.S ayaa sheegay inuu fashilmay
wadaxaajoodyo lagu doonayay in lagu qanciyo Eheladda Haweenayda Diyadeeda
laga rabo Isbitaalka S.O.S. Wuxuuna sarkaalkaasi sheegay in eheladda
Haweenaydaasi ay ku adkaysteen inaan la furi Karin Isbitaalka haddii aan la
Bixiyo Gabadha laga saaray Ilmo Galeenka Diyadeeda.
Maxmadaha Islaamiga ah ee Muqdisho oo dhawaan ku dhawaaqay inay faragalin
doonaan Arrinta S.O.S ayaan wali wax talllaabo ah qaadin. Waxaana
Maxkamaduhu ay ka gaabsadeen inay ka hadlaan sababta ay uga laabteen
go’aankii ay horay u gaareen ee ahaa inay faragalinayaan Arrinta S.O.S.
Isbitaalka S.O.S oo ah kan kaliya ee ugu wayn Dhalaanka iyo Hooyadda
Muqdisho ayaa u xiran muran ka dhashay Haweeneey Isbitaalkaasi looga saaray
Ilmo Galeenka. Waxaana Haweenaydaasi markii lagu sameeyay Qaliin Nafsadeeda
lagu bad baadiyay ay Ehaladeedu ku doodeen in lagu sameeyay Qaliin aan
lagala tashan. Taasoo keentay in Isbitaalka Albaabada loo xiro.
Magaalooyin kala duwan oo Ciraaq ka mida oo xalay ay ka dhaceen Dagaalo.
Dagaalo qaraar ayaa lagu soo waramayaa inay xalay ka kala dhaceen Dhawr
Magaalo oo ka tirsan Dalka Ciraaq.
Magaaladda Kuufa oo ah Saldhiga Wadaadka Shiicadda ah ee Muqtadda Sadri
ayaa lagu soo warmayaa in illaa iyo xalay saqdii dhexe uu ka socday Dagaal
Qaraar. Waxayna Maraykanku ku fashilmeen inay Gudaha u galaan Magaaladaasi
oo illaa iyo xalay Saqdii Dhexe uu ka socday Dagaal Qaraar.
Magaaladda Karpala ayaa iyadana lagu soo waramayaa in sidoo kale ay ka
dhaceen dagaalo qaraar. Waxaana Magaaladaasi wararka ka imaanayaa ay
sheegayaan inay gudaha u galeen Ciidamadda Maraykanku. Laakiin markii iska
caabin xoogan ay Maraykanku kala kulmeen Gudaha Magaaladaasi ayeey dib uga
soo gurteen.
Magaaladda Najaf ayaa iyadana sioo kale ka mida goobihii ay Dagaaladdu ka
dhaceen. Waxaana illaa iyo hadda aan la xaqiijin Khasaaraha labada dhinac ee
ka dhashay dagaaladaasi.
Dhinaca Kale Madaxwaynaha Maraykanka George W. Bush ayaa markii ugu
horaysay ka hadlayay Qofkii Maraykanka ahaa ee lagu gawracay Gudaha Ciraaq.
Wuxuuna Bush sheegay inaan laga harin doonin Kooxihii ka dambeeyay dilka
Ninkaasi oo sida ugu dhaqsiyaha Badan Sharciga loo horkeeni doono.
<><><>
Waan waan la doonayao in lagu joojiyo
dagaaladii ka soconayay xaafado ka mid ah waqooyiga Mogadisho
ayaa si habsami leh usoconaya.
Wadahadalo nabadeed oo uu qaban qaabinteeda
leeyahay imam maxamuud imam cumar oo kamid ah odoyaasha dhaqanka
ee laga qadariyo magaalada muqdisho ayaa usocda xubno ka kooban
sodon xubnood kuwaasoo ku abtirsada beesha mudulood.
Wadahadaladan ayaa looga gol leeyahay in
lagu dhexdhexaadiyo kooxaha uurka isaga guuxaya ee isaga soo
horjeeda deeganada shibis shangani iyo c/casiis oo ka mid ah
xaafadaha magaalada Muqdisho.
Colaadan ladoonayo in lasoo afjaro ayaa
intii ay socotay waxa ay saameyn weyn ku yeelatay dhaqdhaqaaqa
guud ee Magalada Muqdisho iyadoo albaabada loo laabayqaar ka mid
ah dugsiyada waxbarashada oo ay ka soconeysay isu diyaarinta
imtixaan sanadeedka .
Waxaa kale oo uu dagaalo saameeyay goobaha
ganacsi ee ku dhaw xaafadaha uu ka soconayay dagaalku kuwaasoo
laaga baqayay in la bililiqeysto iyo waliba isu socodkii
gaadiidka oo isna yaraaday.
Wariyayaal katirsan shabakada warbaahinta
caalimaga ah ee Somalidoon oo iyagu saaka xiligii hore soo
booqday gaabaha uu dagaalku ka dhacay ayaa waxay soo sheegeen
inay wali muuqaneyso saameyn colaadeed wallow aanay rasaasi
dhaceynin.
Waxaadna moodaabey yiraaheen wariyayaashu
goobahaasi in colaadu ay sanado kasoconeysay marka loo eego
jawiga deganaasho ee halkasi.
Si kastaba ha ahaatee waxaa xalay ilaa
saaka dhagaha dadka reer muqdisho ka haray daryanka rasaasta ay
isu adeegsanayeen maleeshiyooyinkii ku dagaalamayay waqooyiga
magalada muqdisho taasoo lasheegay inay ku timid dhaqdhaqaaqa
nabadeed ee ay wadaan wax garadkaa isu tagay ee ka xumaaday
dirirta dhex martay dadkaasi walaalaha ah Waxada moodaabey
yiraaheen wariyayaashu goobahaasi in colaadu ay sanado
kasoconeysay marka loo eego jawiga deganaasho.
Urur Gobaleedka IGAD ayaa digniin kulul u
soo jeediyay Hogaamiyayaasha ka maqan Madasha Shirka Somalida ee
Kenya.
Mas,uul u hadlay IGAD ayaa waxaa uu
sheegay inay ilsha ku hayaan Hogaamiyayaasha ka maqan shirka
Kenya oo uu sheegay hadii ay imaan waayaan inay la kulmi doonaan
Cadaadis xoog leh,waxaana sheegay inay meesha ku jirto tilaabo
ay qaadeyso Beesha Caalamka taasoo laga qaadayo Hogaamiyihii
diida Shirka Somalida uga socda Dalka Kenya Mudada 18 bilood
ah.
IGAD ayaa waxaa ay sheegtay inay meesha ka
baxday kala qeybsanaantii Dhexdooda ahayd oo ay ka midoobeyn wax
u qabashada Dadka Somaliyeed iyo ka miro dhalinta Shirkada
Somalida uga socda Dalka Kenya.
Ma ahan markii ugu horeysay oo ay IGAD soo
saarto hadalkan oo kale,laakiin waxaynu dhowrnaa bal sida ay u
fuliso Go,aanada ay manta soo saartay,iyadoo aan ognahay in
Hogaamiyayaasha Somalida aysan waxba kasoo qaadin hadalada
Kulul ee ka soo burqanaya Beesha Caalamka iyo IGAD.
Golaha Wadatashiga Somaliyeed ee Xaruntiisa
ay tahay Magaalada London oo maanta baaq ay usoo jeediyay
qeybaha ku dagaalamaya Waqooyiga Magaalada Muqdisho ku codsaday
inay joojiyaan Dagaalada ay dhiiga badan ku hoobanayaan ee u
dhexeeya.
Kaaliyaha xoghayaha Arimaha Dibada ahna
Wakiilka Golaha Wadatashiga Somaliyeed C/casiis Cali Ibraahim
“Xildhibaan”oo ku saxiixnaa Qoraalkan ayaa waxaa uu sheegay in
wax la layaabo ay tahay in manta uu dib Somaliya uu uga bilowdo
Dagaal Sokeeye,isagoo ka codsaday qeybaha ku dagaalamaya
Muqdisho inay Dagaalka joojiyaan oo ay wada hadal ku badalaan
waa sida uu hadalka u dhigaye.
Faafin: SomaliTalk Jan 13, 2003