-
Xildhibaan
Axmed Diiriye “Dadka loo
sed-buriyay ayaa laga. rabaa
in ay nabad ku soo dabaalaan
-
C/llaahi
Yuusuf oo dalbaday in
Dowladdiisa.lagu biiriyo
ururka la magacbaxay.
-
Xubnaha
Dowladda ee ku sugan Jowhar
oo ku heshiin waayey halaka
lagu qabanayo ..
-
Axmed Shuqul
“Haddii aan nahay reer
sheikh marnaba la
xaaajoomeyno Waalid sita
Baasuuke..
-
Nin la
sheegay in uu ka dambeeyay
gowricii laba wiil oo
walaalo ah oo la qabtey..
WARARKA MAANTA:: NOV 26, 2006
Xildhibaan Axmed
Diiriye “Dadka loo sed-buriyay
ayaa laga. rabaa in ay nabad ku
soo dabaalaan
Xildhibaan Axmed Diiriye Max’ed
oo ka mid ah xubnaha maamul u
sameynta gobalka Banaadir ayaa
sheegay in xubnaha golaha
deegaanka ee dhiman maanta ay
soo gudbin doonaan beelaha,
xubnaha golaha deegaanka ee
dhiman ayaa xildhibaanku waxa uu
ku sheegay tiradoodu 16 xubnood.
“Wax kasta xoog iyo orod laguma
wadi karo, wixii lagu sameeyana
tayadoodu ma fiicnaaneyso,
howshuhuna tartartiiba ayaa u
wadeynaa, midaas ayeyna wax
noogu hagaagayaan, wax mashaakil
iyo wax is haysad ahna ma
jiraan, mana jiraan beelo ka soo
horjeeda gudbinta xubnaha golaha
deegaanka, liiska oo dhanna
aginaa gacanta haya, beel kasta
oo soo gudbisana waxaa lagu
qiimeynayay xubnaha ay soo
gudbinayaan in ay wax qaban
karaan, dadkana ka dhex muuqan
karaan, howshaana waan ku
guuleysan doonaan” ayuu yiri
xildhibaanku oo intaa kud daray
“haddii magaalo ay ku nooshahay
3-Milyan oo ruux oo wax nidaam
ahna uusan ka dhex jirin, iyagoo
ay dhex yaalaan hubka
noocyadiisa kala duwan, waa la
iska garan karaa waxa dhici
kara, waxaana Illaah ka
rajeynaynaa in dilalka ka dhex
dhaca Magaalada Muqdisho uu
maamulkaasi kala hagi doono,
intii horey loogu dilayna Allaha
u naxariisto”, waxa uuna uga
digay kuwa ku kacaya falalka
dilalka ah in ay ka waantoobaan
ayna dhibaatada ka daayaan
dadka. “Maamulada ka jira
Gobalka Banaadir waxay ka mid
noqon doonaan maamulkaan haatan
ku howlanahay, maamul kale oo
banaanka ka jiri doona ma jiro,
howshana Soomaali baa goysay oo
miis baa la isugu tagay waxaana
la isla gartay culeyska meesha
uu ka jiro in loo cad buriyo,
mana sii ahaan doonto culeyska
ayaa lagu qaadi doonaa, maalinta
culeyskaa la qaadana Soomaaliy
baa isku imaan doonta, iyadoo
fiiro gaar ah la siin doono
dadka deegaanka, dadka loo sed
buriyay ayaa laga rabaa in xamar
ay wax ka qabtaaan” ayuu yiri
Xildhibaan Axmed Diiriye Max’ed.
C/llaahi Yuusuf
oo dalbaday in Dowladdiisa.lagu
biiriyo ururka la magacbaxay.
Madaxweynaha Dowladda Federaalka
C/llaahi Yuusuf ayaa warqad
qoraal ah u diray wadamada
wadaaga ururka la magac baxay is
kaashiga SANCA, wuxuuna
qoraalkiisa wadamadaasi kaga
dalbaday in Dowladdiisa ay ku
biirto golahaasi oo ay ku
mideysan yihiin wadamada Yemen,
Itoobiya iyo Suudaan.
“Dowladeeda muhiimad weyn ayay
ugu fadhidaa in ay ka mid noqoto
golahaasi” ayuu ku yiri
qoraalkiisa Madaxweyne C/llaahi
Yuusuf Axmed oo sheegay in ay ku
biirida golahaasi ay keeni karto
in Soomaaliya ay wax badan kala
shaqeyso wadamada ku mideysan
golahaasi.
27-dii bishii December ayay
markii Dowladda Federaalka ay ka
qaybgashay kulan ka dhacay dalka
Suudaan waxayna markaa
Soomaaliya uga qaybgashay kor
joogto, waxaana kulanka kale uu
dhacayaa bishaan fooda nagu soo
haysta, waxaana lagu wadaa in uu
ka qaybgalo Madaxwey-naha
Dowaldda Federaalka C/llaahi
Yuusuf Axmed, waxaana la filayaa
in waqtigaasi ay Soomaaliya
saxiixto heshiiska golahaasi.
Xubnaha Dowladda
ee ku sugan Jowhar oo ku heshiin
waayey halaka lagu qabanayo ..
Kulan ay Magaalada ay Magaalada
Jowhar ka yeesheen xubnaha
Dowladda ee ku sugan halkaasi
ayaa waxaa si aad ah looga
hadlay go’aankii ay dhawaan soo
saareen xubnaha Dowladda ee ku
sugan Magaalada Muqdisho, oo
ahaa in ay diyaar u yihiin in
wada hadal la galaan xubnaha
Dowladda ee ku sugan Jowhar.
Kulankaani oo waqti dheer qaatay
ayaa dood dheer kaddib waxaa la
isku afgaran waayay halka lagu
qabanayo kulanka dib u
heshiisiinta xubnaha labada
Gole, qaarkood waxay soo
jeediyay in kulankaasi uu ka
dhacayo Magaalada Jowhar, halka
kuwo kalena ay soo jeediyeen in
kulankaasi lagu qabto Magaalada
Kismaayo, kuwo aan sidaasi u
badneyn ayaa iyana soo jeediyay
in kulankaasi lagu qabto
Magaalada Baladweyne.
Is
afgaran-waagaas dhex maray
xubnaha labada Gole ee Jowhar
ayaa waxa uu keenay in la soo
jeediyo in mar kale xubnaha
labada Gole ka wada hadlaaan si
loo helo goob la isku wada
raacsan yahay
Axmed Shuqul
“Haddii aan nahay reer sheikh
marnaba la xaaajoomeyno Waalid
sita Baasuuke..
Waxaa mudooyinkaan dambe muran
iyo is qabqabsi ka jiray xerada
Shiikh Aadan Dheere ee Degamada
Wardhiigley, wuxuuna aarkii is
qabqabsigaasi isku bedelay gacan
ka hadal dhex maray labo dhinac
oo isku haysata deegaankaasi.
Iyadoo taasi ay jirto ayaa
maalintii khamiista ahayd waxaa
shir jaraa’id ku qabtay xerada
Shiikh Aadan Dheere Axmed Shiikh
Aadan Dheere oo ku magac dheer
Axmed Shuqul, intii uusan
shirkaasi Jaraa’id Bailaabin ayuu
qaybaha warbaahinta waxa uu u
soo bandhigay Dukumenti
caddeynaya lahaanashaha
dhulkaasi.
Axmed
Shuqul waxa uu sheegay in
arrinta xerada Shiikh Aadan
Dheere ay mudo ku jireen
Maxkamadaha Islaamiga ah ee ka
jira Gobalka Banaadir, hase
yeeshee waxa uu sheegay in
Maxkamadaha Islaamiga ah ay meel
dhexe ay arrintaasi uga hareen,
kaddibna waxa uu sheegay in ay
la wareegeen dadka deeganka,
waxa uuna sheegay in ay ogaadeen
in dhulkaasi ama xeradaasi ay
leeyihiin reer Shiikh Aadan
Dheere.
“Inkastoo aan nahay dad waalid
isku ah, haddana ma ahan
waalidka in uu gacan la soo aado
carruurtiisa” ayuu yiri Axmed
Shuqul oo intaa raaciyay “waxaan
wada hadal karnaa marka
waalidkey uu iska soo dhigo
Baasuukaha isla markaana waxaan
diyaar u nahay in cid kastaa ay
arrintaasi dhex gasho”.
Axmed
Shuqul oo ay ka muuqatay caro
aad u xoogan ayaa waxa uu si
kulul u beeniyay war ay sii
daayeen Saxaafadda oo ahaa in
Reer Shiikh Aadan Dheere aysan
wax Dukumenti ah u haysan
lahaansha xeradaasi, wuxuuna
saxaafadda uga digay in ay ka
digtoonaadaan wararka been
abuurka ah, wuxuuna waqtigaas uu
hadlayay gacanta ku hayay
Dukumentiga lahaanshaha dhulka.
Axmed
Shuqul oo ay hareerihiisa
fadhiyeen dad ay yihiin qaraabo
iyo qaar ka tirsan xerta Shiikh
Aadan Dheere ayaa waxa uu
sheegay in uu wakiil ka yahay in
ka badan 140 xubnood oo uu
dhalay Shiikh Aadan Dheere,
wuxuuna sheegay in mar kasta uu
yahay qof difaac ku jira oo
uusan weerar ahayn.
“Wixii waalidnimo ah waa soo
dhaweynayaa, laakiin waalidkey
waxaan u sheegayaa in deegaanka
ay leeyihiin Reer Shiikh Aadan
Dheere, iyaga ayaana xaq u leh”
ayuu yiri Axmed Shuqul.
Nin la sheegay
in uu ka dambeeyay gowricii laba
wiil oo walaalo ah oo la qabtey..
Midowga Maxaakiimta Islaamiga ah
ayaa gacanta ku soo dhigay nin
la sheegay inuu ka dambeeyay
gowricii loo gaystay labo nin
walaalo ahaa, ninkaas oo lagu
magacaabo Max’ed Shiikh C/qaadir
(Dheere).
Ninkaan ayaa Maxkamadaha
Islaamiga ah ka soo qabteen
deegaanka Darmooley, kaddib
markii ay gacan ka gaysteen
dadka deegaanka ah oo la socday
falka foosha xun leh oo uu
gaystay ninkaasi.
Shariif Shiik Axmed oo ah
Guddoomiyaha midowa Maxaakiimta
Islaamiga ayaa waxa uu sheegay
in qabashada ninkaasi ay u
dhacday si fudud, dhawaanna
Maxkamad la soo taagi doono.
Labada Wiil ee gowraca loo
gaystay ayaa waxa ay kala
ahaayeen magacyadooda Xaaji
Saalax Ibraahim Xaaji Cali iyo
Abuukar Xaaji Xasan Xaaji Cali,
waxaana iyagoo gowracan
maydkooda la soo dhigay 21-kii
bishan jidka Warshadaha gaar
ahaan Warshadda kabka agagaarka
Jaamacaddii Gaheyr, wuxuuna
deegaankoodu ahaa deegaanka
Boondheere.
W/D Amiin Yuusuf
Khasaaro
Email
amiinkhasaaro@hotmail.com
Faafin: SomaliTalk.com | Nov 26,
2005
Xaflad
sagootin ah oo loo sameeyay xulka Qaranka Soomaaliya
ciyaaryahanada xulka Qaranka K/cagta ee Soomaaliya ee ka qaybgalaya
Koobka Bariga iyo Bartamaha Afrika ee 26-ka bishan ka furmaya Magaalada
Kigali, Rwanda...
Guji...
Bannaanbax
lagu ayidayo fikirka dib u heshisiineed ee Barre hiraale oo ka dhacay
Jilib
iyo degmada dhoobleey oo aan fikrkaas
barre laga soo dhaweyn...
Guji...
Dawladda Sucuudiga oo
laga dalbaday in ay Joojiyso Xajka sannadkan
»Mwai
Kibaki oo xilka ka xayuubiyay golahiisa wasiirada
»Sweden:
Soomaali Lagu soo Eedeeyey kufsi
»Ardayda
Jaamacadda Malaysia oo doortay maamul cusub
»Geedi “Muqdisho waxaa lagu
burburiyay Dowladii C/Qaasim
»Zanawi:
wada shaqayn ayaa noo dhexaysa anaga iyo DFKMG
»Suudaan oo ka jawaabtay kaalamadii Soomaaliya
Wararka oo dhan ka akhri halkan... Guji...
Nov 24
Injineer
Soomaaliyeed oo Lagu Diley Diinsoor
Eng. Max'ed
Ibraahim Dheel oo 15 sano ku maqnaa dalka Mareykanka ayaa waxa uu Degmada
Diinsoor ugu soo laabtay sidii uu gacan u siin lahaa dadkiisa, waana la
diley, warkaas iyo Muqdisho oo uu wiil naftiisa ku waayay Xabad Sigaar ah...
ka akhri..
HALKAN... GUJI... Nov 7