Booliska
Dalka Ingiriiska oo Raadinaya Laba Wiil oo Walaalo ah oo
Soomaali ah oo Looga Shakisan Yahay in ay ka qayb qaateen
Dilkii Sarkaal Booliis ah...
Tarjumadii SomaliTalk.com | London,
UK | Nov 25, 2005
Saraakiisha baareyska dilkii loo
geystey sarkaalka Booliska ah oo magaceeda la oran jirey Sharon
Beshenivsky oo ka tirsanayd booliska West Yorkshire ayaa magacaabay
saddex nin oo loo raadinayo in su'aalo laga weydiiyo dilkaas.
Mustaf Jaamac, oo 25-jir ah, iyo walaalkiis Yuusuf Jaamac, oo 19-jir ah, oo labaduba ah
Soomaali, iyo Muzzaker Imtiaz Shah oo 24-jir ah ayaa loo raadinayaa
arrin lagu xiriirinyey dilkii Jimcadii la soo dhaafay ka dhacay magalada
Bradford.
Warsaxaafadeed ay galabta oo Sabti ah
(Nov 25) qabteen dembi baarayaasha booliska ee West Yorkshire ayey
shaaca kaga qaadeen in saddexda nin ay aaminsan yihiin in ay weli
joogaan dalka Ingriiska gudihiisa, ayna dhici karto in ay joogaan aagga
magaalada London.
Labada walaalaha ah ee Soomaaliyeed
waxaa la sheegay in lagu yaqaaney in ay degganaayeen xaafadda North
Kensington ee magaalada London, ninka saddexaad ee la raadinayona
waxa uu ku dhasay Burnley, Lancashire, laakiin waxaa loo malaynayaa in
afartii sano ee ugu dambeysey uu ku noolaa caasimada.
PC Beshenivsky waxaa la diley, isla mar
ahaantaasna la dhaawacay Teresa Milburn, kaddib markii ay labadaas
booliska ah tageen meel ay burcad hubaysani boobayen (dhacayeen),
meeshaas oo ah shirkad qaabislan socdaalka oo ku taal wadada Morley
Street toddobaadkii hore.
Sidoo kale waxaa boolisku raadinayaan
akhbarta la xiriirta gaari ah nooca Toyota Rav 4 (oo midabkiisu yahay
xareed), oo
taarikadiisu tahay WP05 YTT, kaas oo October 25keedii laga kiraystay
garoonka diyaaradaha ee London Heathrow airport.
Waxaa la arkay saddexdaas nin oo ku sii
ordaya gaarigaas maalintii Jimcada isla markii ay dhacdadaasi dhacday,
gaarigu hadda waxa uu ku jiraa gacanta booliska.
Boolisku waxa ay shegeen in ay
daalacdeen Video-ga CCTV ee wadooyinka duuba, iyagoo eegaya meelihii uu
gaarigasi maray, ama soo maray.
Waxaa la xiray shan nin iyo qof dumar
ah maalintii uu dhacay dilku, laakiin hadda dhammaan waa la siidaayey,
sida ay sheegeen boolisku. Qofta dumarka ah wax dambe loo raaci maayo,
laakiin shanta nin waxaa lagu sii daayey damanad inta uu socdo
baaritaanku.
Boolisku waxa ay weydiisteen in qofkii
haya akhbaar arrintaas ku saabsan in uu la xiriiro Booliska.
ISHA:
www.westyorkshire.police.uk
Tarjumadii: SomaliTalk.com | London,
UK
Faafin: SomaliTalk.com | Nov 26,
2005
Wiilal Soomaaliyeed oo Lagu Soo
Eedeeyey in Ay Gabar ku
Kufsadeen Sweden
Maxey gabdhahan galabsadeen
oo laga gudayey?
W/D: Ikraam Cali-kaar
Gothenburg- Sweden
SWEDEN:
Kufsigu waa mid aan laheyn
midab, luqad iyo diin marka
laga hadlayo dhibaatooyinka
sida gaar ahaaneed usoo
wajaha dumarka.Diinteena iyo
dhamaan dhaqamada kala duwan
ee dunida ka jira midna
ogolaaanayo in lugu xadgudbo
xaquuqda dumarka iyo
korkoodaba. Balse ragga
falkaasi foosha xun geysta
waa kuwo adeegsada awood
dheeri ah oo aan mararka
qaar sharci iyo ciqaab qabta
uusan jirin. Dalkeena oo
waqtigan xaadirka ah aan
laheyn dowlad iyo nidaam
kala dambeyn ayaa maalin
walba waxaa dumarka da'da
yar iyo haweenkaba lugu
dhaqmaa falal fool xun oo
kufsigu ugu horeeyo. Hadaba
dalkan Sweden ayaa arrin
argagax lehi ka dhacday
sanadkan bilowgiisi kadib
markii labo gabdhood oo
dhalin yarro ahi ay kufsi
iyo jir dil u geysteen afar
wiil oo afrikaan ah labo
kamid ah ay ahaayeen
soomaali ah. Labadan
gabdhood habeenkii sanadka
cusub dhalanayey waxey ku
socdeen xaflad ay doonayeen
iney farxada sanadka cusub
la qeybsadaan asxaabtooda
markey maxadada tareenka
xaafada Hisingen oo ah meel
ay si aad u degen yihiin,
soomaalida, carabta,turkiga
iyo xoogaa xeyn swedhish
ahay kula kulmeen afar wiil
oo afrikaan ah kuwaaso u
sheegay ineyba laftooda u
socdaan xafalada
islamarkaasina ay u sheegeen
iney tusayaan halka ay ku
taal goobta xaflada ka
dhaceyso.
Nasiib darrase farxaddii ay
saacadaasi dareemayeen
labadaasi gabdhood ee
saaxiibada ah ayaa isku
badashay argagax, dil iyo
kufsi ay u geysteen
wiilashii Afrikaanta ah.
"Hadaanu qabi laheyn xukun
dil ah, ciqaabooda dil bey
ahaan laheyd" ayey tiri
Linda oo ah gabadha sida
weyn dhaawaca u soo gaaray
islamarkaasina codsatay in
sawirkeed oo dhaawacu ka
muuqdo lugu soo qoro
wargeysyada si ay u arkaan
bulshaddu dhibaatada dumarka
si gaar ahaaneed uga soo
wajahda ragga intaasina
hadalkeeda ku dartay iney
weli cabsi iyo hanjabaad
dareemeyso iyadoo qiyaastii
dhacdadaasi sanad ku dhawaad
kasoo wareegtay.
Wiilasha kufsiga iyo
jirdilkan geystay ayaa labo
kamid ah soomaali yihiin,
halka saddexda kale la
sheegay iney ka yimaadeen
dalka Gambiya. Mid kamid ah
wiilashaas ayaa boolisku
sheegeen inuu heysto
dhalasho Filandees oo
aakhirkii booliska dalkaasi
soo gubiyeen Sweden.
Xaafadda aan deganahay ee
Hisingen oo soomaalidu ku
yareyn ayaa dadka degen
waxaa kasoo haray yaab
markey maqleen in falkaasi
dadka geystay ay ku jireen
dhalinyarro soomaali ah gaar
ahaan mid kamid ah ehelada
wiilasha Soomaalida ayaa ii
sheegay in walaashiis oo
daganeyn xaafada ay ka
guurtay kadib markii
hanjabaado xoog leh uga
timid mid kamid ah
walaalaha labadii gabdhood
kuwaasoo wacad ku maray iney
markoodana cadaabta tusin
doonaan ehelada wiilkaas
soomaaliga lugu
sheegay.Bishan
dabayaaqadeeda ayaa lugu
wadaa in wiilashaasi lasoo
saaro maxkamad ka dhan ah
falka bani'aadnimada ka
baxsan ee ay kula kaceen
Linda iyo Jenny. Linda oo
haatan dareemeysa nerfoos
xoog leh iyo cabsi markey
weji ka weji u aragto
nimankaasi maalinta
maxkamada la saarayo ayaa
sheegay iney ka baqeyso iney
suuxdo markey aragto araga
wiilasha aan naxariista
laheyn ee ay ku tilmaantay
kuwo aan bani'aadam aheyn.
"Haddey intey u kufsadaan oo
ay iga tagaan ciil ma qabeen
ee waxaa iigu darran jir
dilka iyo dhaawaca aan kasoo
kasbashada laheyn ee uu
geysteen" bey tiri Linda oo
ka faalooneysay mahadhadii
dareenkeedii badalay
habeenkii sanadka cusub soo
galeysay iyo sidey kula
dhaqmeen wiilashii
afrikaanta ahaa.
Isku soo wada duubo
wiilashan Soomaalida ah ee
maganta u noqday dhaqan iyo
bulsho soo dhaweysay koley
iyagoo diif ku taallo kasoo
carareen dalkooda maxaa
keenay gabdho aan waqtigaas
dembi geysay iney kufsadaan
oo dhaawacyo u geysteen
xubintoodii tartan.?
Waalidiinta soomaaliyeed ee
qurbaha jooga maxaa la
gudboon, sideyse
carruurtooda dhacdooyin
noocan ah uga badbaadin
karaan,wiilasha soomaaliyeed
ee dhalinyarada ah sidey ku
badbaadin karaan laftooda
gabdhaha soomaaliyeed ee
walaalahood, Illaahey
hortiisa. iyo bulshadase
maxey ka filan karaan markey
falalkaasi naxariis darrada
ah geystaan.
Gothenburg- Sweden
Sawirka: wargeyska
Expressen ee Sweden
Faafin: SomaliTalk.com | Nov 24,
2005
Naas-Nuujinta oo ka yaraysa
Hooyada Khatarta Cudurka Macaanka
Naas-Nuujinta oo hore loo ogaa
in ilmaha ka yarayso khatarta uu ku asiibo cudurka halista
ah ee Macaanka, ayaa hadda baadhitaan la sameeyay lagu
ogaaday in hooyada wax nuujinaysa uu iyana ka yareeyo
khatarta uu ku asiibi lahaa cudurkaas aan wali dawada loo
helin ee Macaanka.
Bishan November 23keeda
sanadkan 2005-ta, waxaa lagu soo daabacay Joornaalka loo
yaqaan " American Medical Association" natiijo kasoo baxday
baaritaan ay sameeyeen Isbitaalka Haweenka ee magaalada
Boston, taasoo ay ku ogaadeen in hooyadii noojisa Naaskeeda
cunug hal sano ay ka khatar yaraan karayso hooyada aan
nuujin boqolkii 15. Haddii ay sanad kale mar walba ku sii
dartana ay kasii khatar yaraanayso mar walba 15%. Taasoo ka
dhigan hooyadii 3 sano nuujisa cunugeeda inay ka kasii
fogaanayso 45% khatarta uu kusoo asiibo cudurka Macaanka
amase Sokorowga qof siduu u yaqaan.
Hooyadii ilmo badan dhasha oo
kulli nuujisaa waxay ka dhigantahay in ay gabaad ka heshay
cudurka maanta faro baas ku haya ee Macaanka, taasoo loo
aanaynayo barwaaqada iyo cayilka dadka kusoo kordhay,
dhaqdhaqaaqii jirkana uu yaraanayo oo dadkii ayna lugaynayn
amase jimicsi sameenayn.
Nasiibkaas goonida ah ee hooyada ilaah ku manaystay ee ah in
cunugeedii iyo iyadaba uu ka yaraynayo khatarta Macaanka,
waxaa la godboon inay ka faaidaystaan fursadaas oo ay
Nuujiyaan ilmahooda Naaska oo ay iska iloobaan Masaasadda
aan faaiidada lahayn.
Aden Gaas
Washington, DC.
Rasaas ka
dhacday xarunta UNHCR ee Sanca,
goobtaas oo ay ku dhaawacmatay
gabar Somaliyeed
Injineer
Soomaaliyeed oo Lagu Diley Diinsoor
Eng. Max'ed
Ibraahim Dheel oo 15 sano ku maqnaa dalka Mareykanka ayaa waxa uu Degmada
Diinsoor ugu soo laabtay sidii uu gacan u siin lahaa dadkiisa, waana la
diley, warkaas iyo Muqdisho oo uu wiil naftiisa ku waayay Xabad Sigaar ah...
ka akhri..
HALKAN... GUJI... Nov 7
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |