Barnaamijkii Radio Xoriyo
20 January
2006
Dad
badan oo macaluuli ku hayso Bariga Afrika.
Britan
oo kaalmadii ka joojisay xukuumadda Itoobiya.
OLF oo sheegay
in Itoobiya iyo SPLA isu kaashadeen.
Madaxwaynaha
Yeman oo arrimaha Soomaaliya ka hadlay.
======================
In ka badan 30 qof
ayaa la sheegay inay macluul darted ugu dhinteen gobolka soomaalidu degto ee
dalka Kenya, oo ka mid ah
meelaha ay abaaraha ba’ani ka jiraan ee Bariga Afrika. In ka badan labo
milyan oo qof ayaa ku tabaalaysan guud ahaan dalka Kenya, halka la sheegay
in gobollo Ogaadeenya ka mid ah ay macaluul ba’ani ku hayso in ka badan hal
milyan oo qof.
Waxay
sidoo kale macaluushani ka jirtaa dalalka Soomaaliya iyo Itoobiya, iyadoo
xoolo badani ay biyo iyo baad la’aan u dhammaadeen.
Dalka
Soomaliya waxaa dhimasho qarka u saran dad ay tiradoodu gaadhsyso 1,4 milyan
oo qof, sida ay sheegtay Qaramada Midoobey. Dadkan ayay dhibaatadani al soo
gudboonaatay, ka dib markii la waayay roobabkii la sugayay sannadkii 2005.
Hay’adda
Qaramada Midoobey u qaabilsan Cunnada iyo Beeraha Adduunka ee FAO ayaa
toddobaadkii hore daboolka ka qaaday in gobolka Geeska Afrika ay ku
gaajaysan yihiin dad 11 milyan oo qof gaadhaya. Hay’adda FAO waxay sheegtay
in macaluushani ay ka dhalatay roob la’aan gobolkaas ka jirta, taasoo
keentay inay dad u dhinteen macaluushii roob la’aanta ka dhalatay.
Hay’adda
FAO waxay bayaan ay soo saartay ku sheegtay in dadka ku tabaalaysan gobolka
Geeska Afrika ay u kala firidhsan yihiin dalalka Soomaaliya, Kenya, Jabuuti
iyo Itoobiya, waxayna tilmaantay in dadkaasi ay gargaar degdeg ah u baahan
yihiin.
Labo
toddobaad ka yar ayaa laga joogaa markii ay hay’ado caalami ahi ka digeen in
gobollo Ogaadeenya ka mid ah ay macaluul ba’ani ku hayso in ka badan hal
milyan oo qof, oo xoolo-dhaqato u badan.
Barnaamijka Cunnada Adduunka ee WFP ayaa isaguna sheegay in tan iyo bisha
Juun ee sannadkan loo baahan yahay 64,000 oo tan oo cunto ah, si loogu
quudiyo dadka gobolka ku tabaalaysan, hase yeeshee waxaa gacanta lagu
hayaabaa buu yidhi 16,700 oo tan oo kaliya.
Britan
oo kaalmadii ka joojisay xukuumadda Itoobiya.
Dalka
Britan ayaa gabi ahaanba joojiyay kaalmooyinkii tooska ahaa ee uu xukuumadda
Itoobiya siin jiray, isagoo xeerinaya waajibka ka saran arrimaha xuquuqul
insaanka.
Kaalmooyinka oo dhan waxaa hadda loo gaar yeeli doonaa mashaariic gaar ah,
sidaas waxaa yidhi wasiirka horumarinta ee dalka Britan oo booqashu ku tagay
Itoobiya. Keligii taliye Meles Zenawi, oo xilliyada qaarkood ahaa saaxiibka
ugu dhaw ee Britan ku leedahay Afrika, ayaa hadda dalal badan oo reer
galbeed ahi si fiican u gar-waaqsadeen siyaasadiisa keli talisnimada ah.
Wasiirka
horumarinta ee dalka Britan ma aanuu sheegin kaalmada xukuumadda Itoobiya
laga goynayo inta ay dhan tahay, hase yeeshee waxaa la rumaysan yahay in
gaadhayso 88 milyan oo dollar.
Dawlada
Britan wali faahfaahin kama ayna bixinin qaabka cusub ee kaalmada loo
gaadhsiin doono dalka Itoobiya, iyadoo laga ilaalinayo gacanta xukuumadda
Itoobiya.
Dawlada
Britan ayaa sheegtay inay si wayn uga walwalsan tahay siyaasada ay ku
dhaqmayso xukuumadda Zenawi ee ah iyadoo mucaaradka, suxufiyiinta iyo
bulshada rayadka ah si wayn u xidhxidhaysa, isla makaana denbiyo waawayn oo
khatar ah ku soo oogaysa.
OLF oo sheegay
in Itoobiya iyo SPLA isu kaashadeen.
Garabka millatariga
ee ururka Oromoada ee OLF ayaa sheegay in xarumo uu leeyahay ay soo
weerareen ciidammo isku dhaf ah oo ka socda gumaysiga Itoobiya iyo kuwo ka
socda ururkii mucaaradka ku ahaan jirya dawlada Suudaan ee SPLA. Ururka OLF
wuxuu sheegay in weerarkan wadajirka ah lagu soo qaaday bishan Janwari
9-dii, uuna ka dhacay galbeedka Oromiya, dhinaca xadka Suudaan.
Garabka millatariga
ee ururka OLF ayaa sheegay inuu dal ballaadhan dib uga qabsaday ciidammadaas
huwanka ah ee soo weeraray, isla markaana uu ka qabsaday qalab millatari oo
badan, sidaas waxaa lagu sheegay bayaan ka soo baxay ururka OLF.
Wuxuu kaloo intaas
ku daray inuu dagaalkaas ku dilay 30 askari oo Itoobiyaan ah iyo 5 ka mid ah
malleeshiyada SPLA ee Suudaan ka soo weerar tagtay. Wuxuu kaloo sheegay inuu
45 ka dhaacay ciidammada cadowga ee weerarka soo qaaday.
Waxaa kaloo
bayaankan lagu sheegay in gumaysiga Itoobiya ay ciidammo badani ka joogaan
nawaaxiga Kigile oo koonfurta Suudaan ku taalla, halkaasoo ay ku yaallaan
saldhigyo ay si wadajir ah uga hawlgalaan ciidammada Itoobiya oo kaashanaya
kuwa SPLA, si ay weerarro ugu soo qaadaan dagaalyahamiinta Oromiya ee ururka
OLF.
Ciidammadaas isku
dhafka ah ee koonfurta Suudaan ka soo weerartamay waxay adeegsanayeen seddex
diyaaradood oo helikobtar ah oo ah noocyada millatarigu dagaallada u
adeegsado, hase yeeshee waxaa sutida u dhigay oo ka guulaystay ciidammada
Oromiya, sidaas waxaa lagu sheegay bayaanka OLF.
Madaxwaynaha
Yeman oo arrimaha Soomaaliya ka hadlay.
Madaxwaynaha dalka
Yemen Cali Cabadalla Saalax ayaa Jaamacadda Carabta kala hadlay arrimaha
Soomaaliya, wuxuuna wadhadal arrintaas la xidhiidha la yeeshay xoghayaha
guud ee Jaamacadda Carabta Camari Muusa.
Cali Cabdalla Saalax wuxuu maalmihii ugu dambeeyay ku hawlanaa siduu
Jaamacadda Carabta ugu wargelin lahaa heshiiskii magaalada Cadan ku kala
saxiixdeen madaxwaynaha dwladda ku meelgaadhka ah ee Soomaaliya C/laahi
Yuusuf Axmed iyo guddoomiyaha Baarlamaanka Shariif Xasan Sh Aadan.
Cali Cabdalla Saalax wuxuu xoghayaha guud ee Jaamacadda Carabta u sheegay in
heshiiskaasi ahaa mid wax-ku-ool ah, isla markaana xubnaha Jaamacadda
Carabta looga fadhiyo inay ka soo baxaan ballanqaadkii ay Soomaaliya u
fidiyeen markii loo fadhiyay shirkii Jaamacadda Carabtu ku yeelatay
magaalada Aljers ee waddanka Aljeeriya.
Cali Cabdalla Saalax wuxuu Camari Muusa ku adkeeyay inuu ka shaqeeyo sidii
Jaamacadda Carabtu uga qayb qaadan lahayd nabadaynta dalka Soomaaliya.
Radio Xoriyo
20 January 2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 31 MB ee dhererkeedu yahay
9820 KHZ, Maalmaha Talaadada iyo Jimcaha 7: 30PM waqtiga Afrikada Bari
Barnaamijkii
Xog-Warran(Abaaraha Bariga iyo Geeska Afrika).
| 
Daabaco
Boggan | Print
HOOYOOYINKU
CARRUURTA LABO SANO HA NUUJIYEEN!!!
Koobiyaynta
Dadka (humancloning)
