Murshid Baaruud oo ah 22 jir soomaali ah ayaa isu soo sharaxay jagada xubin guddiga Minishiibiyada Magaalada Eden Prairie ee ku taalla daafaha magaalada Minneapolis ee gobolkan Minnesota.

Murshid Barud

Murshid baaruud wuxuu noqonayaa qofkii labaad ee soomaali ah ee si rasmi ah xafiis dowladeed isugu soo sharaxa gobolkan minnesota, ka gadaal Maxamuud Wardheere oo kal hore isu soo sharaxay jagada Duqa magaalada minneapolis ruuxeeda, inkastoo uu ku fashilmay in la doorto, haddana tallaabadan waxeey wax weyn ka badashay sawirka laga heystay guud ahaan qoxootiga goblkan, gaar ahaan soomalida oo lagu tilmaamayo ineey firfircooni dheeraad ah la yimaadeen, tusaale ahaan Jaaliyada (Hmong) ee ka soo jeeda wadanka ( Laos) oo ah jaaliyadda ugu badan tira ahaan qoxootiga gobolkan, soo gaarayna gobolkan intooda badan intii u dhexeeysay sanadihii 1978 - 1983 markaas oo dagaala ba'ani ka socdeen wadankooda, ayaa markii ugu horeysay xafiis dowladeed qabteen sanadkan 2002 markii gabar (Hmong) ah eey ku guuleysatay ineey xubin ka noqoto aqalka odayaasha gobolkan Minnesota.

Murshid barud laba sano ka hor ayuu ku dhawaaqay inuu rajjo ka leeyahay inuu xafiis dowladeed isu soo sharoxo, waxaana ilaa & hadda isu soo sharaxay laba qof oo kaliyah jagadiisa, wuxuuna ka kooban yahay guddiga munishiibiyada Magaaladaas laba qof oo kaliyah, taas macneheedu wuxuu yahay hadii eeysan dadkale isa soo sharixin, fursada guuleysashada murshid aad ayeey u badan tahay !

" waa inaan fikrado cusub ku soo biirinaa magaalada " " fikradaha cusubina dhalinyarada ayaa laga dhex helaa" ayuu yiri murshid oo sheegay inuu jaaliyada soomalida la shaqeeynayey 3-4 sano ee ugu danbeeyey, sidaas daraadeedna " aan ku fikiray inaan hal tallaabo hore u koco oo aan jago doorasho lagu yimaado oo ka waasacsan midda aan hayo u gudbo" ayuu yiri murshid oo sidoo kale tibaaxay inuu ku fikirayo inuu aasaaso xafiis uu ugu shaqeeyo jaaliyada soomaalida.

wuxuu kaloo kuraygan soomaaliyeed u sheegay saxaafadda inuu ka walwalsan yahay in shirkadda weyn ee Best Buy ee ka gacansata qalabka Electronic-ga ama korontada ku shaqeeya eey ka guureyso magaaladiisa oo hadda xarun u ah, shirkadan oo ka mid ah saddexda shirkadood ee ugu waaweyn ee gobolkani minnesota xarunta u yahay, caalamka oo dhana ganacsi weyn ku leh ayaa dhowaan xarunteeda caalamiga ah u rareysa magaalada eey dariska yihiin ee Richfeild, isla gobolkan, ha yeeshee murshid wuxuu carabaabay " inuu ku dadaali doono inuu shirkado kale ku soo jiito magaaladiisa, si shaqooyin badan loo abuuro" !

Murshid wuxuu mareykanka joogaa 7 1/2 todobo sano & bar, oo sadexdii sano ee ugu danbeeyey u ka degenaa magaalada Eden Prairie, waana xaas-le hal caruur ahna leh, waxaana markii hore la oran jiray ( Cali Mux'ud) oo uu iska beddelay ku dhawaad laba sano ka hor, wuxuuna sabab uga dhigay " inuu ku laabanayo magicii hooyadiis ula baxday" ! waana markii ugu horeysay oo uu qof soomaali ah qirto inuusan laheyn magaca uu ku yimid wadankan, waliba si facshar ah !

Mr Barud wuxuu sheegay in guddiga hadda talada magaalada haya uu u baahan yahay inuu codad ka duwan ku soo biiriyo magaalada, wuxuuna intaas raaciyey inuu aad ugu dadaalayo ka hortagida " fikradda dad badani aaminsan yihiin ee ah in dadka qaxootiga ah eeyan awood u laheyn ineey xafiis dawladeed maamulaan" ayuu yir " waxaana u adeegi doonaa dhamaan dadka magaalada, " Midab keey rabaan ha lahaadaane" .

Murshid oo sharaxaya qorshihiisa hadii loo doorto xafiiskan ayaa yiri " waxaan muhimmada koobaad siinayaa nabad galyada, waxaan doonayaa in caruurta magaalada dagani ku badbaadaan wadooyinka, goobaha waxbarashada, baararka & goobaha lagu ciyaaro" murshid wuxuu sheegay inuu dhimi doono xawaaraha gawaarida kumaraan waddooyinka Eden Prairie oo hadda u dhexeeya 50-55 mile saacadiiba, " waxaan dhimi doonaa 10 ilaa & 5 mile saacadiiba " ayuu yiri Murshid Barud oo sheegay inuu isu arko inuu yahay qofkii ugu wanaagsanaa ee loo doorto jagadaas si uu dhaba galiyo qorshayaashiisa.

Murshid wuxuu ku soo gaba-gabeeyey " aad baan u jeclahay Eden Prairie, waa magaalo aad u daggan oo xasiloon, hadii aan ka guurana, macneheedu wuxuu yahay waddanka oo dhan inaan ka guurayo, waxaana diyaar u ahay inaan caawiyo magaaladan" .

Magaalada uu iska sharaxayo murshid ayaa lagu tiriyaa ineey ka mid tahay magaalooyinka ugu hodansan dhaqaale ahaan gobolkan minnesota, wexeeyna hadda safka hore kaga jirtaa magaalooyinka ugu kirada qaalisan guud ahaan gobolkan minnesota.

Murshid Barud hadii la doortana wuxuu noqon doonaa qofkii ugu horeeyey ee xafiis dowladeed oo heerkaas ah haya oo soomaali ah inta laga warqabo.

C/raxman Ceynte

MPLS, MN

FAAFIN: August 8, 2002 | SomaliTalk

»» Puntland warns the Swiss Authorities and banking institutions 

AFEEF: Aragtida qoraalkan waxaa leh qoraaga ku saxiixan

WARARKii  July» GUJI
» June |  MAY APRIL | MARCH | FEBRAAYO | Janaury 2002 | Wararkii 1999-2001 

Help The Fight Against Spam!

Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cudurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI....

Xisbiga Shaqaalaha ee Borlänge oo Ballanqaaday Cirib-tirka Shaqo iyo Xirfad La'aanta Soomaalida
  GUJI.HALKAN