Qaar kamid ah ardayda
soomaalida Minnesota. |
Ururka Midowga Ardada Soomaaliyeed ee Minnesota (MSSU)
oo qabtay dood aad u xiiso badan.
March 17, 2003
Galabnimada Jimcaha oo ay taariikhdu ahayd
Maarso 14keedii saacaddu markay ahayd 4 galabnimo Carlson School oo ka tirsan
Jaamacadda Minnesota waxaa ka dhacay dood aad looga soo shaqeeyay oo ay soo
diyaariyeen gudi hoosaadka aragtida iyo codka ee Ururka Midowga Ardada
Soomaaliyeed ee Minnesota (MSSU Vision & Voice Committee).
Tiicay oo dooda maamulayay ayaa hordhac ahaan u
sheegay nidaamka doodu u socon doonto hadaladiisiina waxaa ka mid ahaa .
“Doodan oo ah tii ugu horaysay ee ay ardada
Minnesota qabato waxaa ka danbayn doona doodo kale oo muhiim ah. Tan waxaan ku
eegaynaaTaageerada uu maraykanku siiyo Itoobiya dan ma u tahay Soomaaliya iyo
waxyaabaha ka dhaxeeyo Soomaaliya iyo Itoobiya”. Asagoo hadalka sii wata ayuu
yiri “ Doodan waxaa ka qayb gelaya labo koox oo arday ah oo soo diyaariyay
daraasaad arrintan ku saabsan dhagaystayaashana uma furna inay ka dhexgalaan
dooda kooxaha is haya. Hase yeeshee markii ay doodooda dhagaystaan ayaa waxaa u
furan inay su’aalo iyo faalooba ka dhiiban karaan arrinta.”
Tiicay wuxuu hadal kiisa ku soo gabo gabeeyay
in aan loo arkin kooxda ardada ah ee u hadlaya ama fikradaha dawladda Itoobiya
iyo Maraykanku soo bandhigaya inay Soomaaliya neceb yihiin ama ay sidaas
aaminsan yihiin sidoo kale kooxda Itoobiya dhaleecaynaysa in aan loo arag inay
Itoobiya neceb yihiin. Intaas ka dib doodii ayaa bilaabatay anigoo aanan soo
koobi karin doodan oo socotay 4 saacadood haddana waxaan isku deyayaa in aan
nuxurka idin taabsiiyo haddii uu Alle ogolaado.
Kooxda Itoobiya u hadlaysay ama matalaysay:
Zenawi
oo Qirtay Weeraro uu Ku Qaado Gudaha Dhulka Soomaaliya
Ra'iisul wasaaraha dawlada
Itoobiya ee qarnigan gumeysata qayb kamida dhul Soomaaliyeed ayaa shaaca
ka qaaday in uu. GUJI...
Feb 25,
2003
"Waa
in aynaan kuxiraan in aan akhbaarta keliya ka qaadano Itoobiya kuwaas oo
inkasta oo ay saaxiibadeen yihiin haddana waxay wataan qorshe iyaga u
gaara oo aan caddayn, waxayna kabadbadiyaan khatarta." sidaas
waxa yiri Ken Menkhaus, oo professor sare ka ah Davidson College, USA, GUJI....
November 27, 2001 .
|
Soomaalay Itoobiya ha eedina afkana ka daysta
waayo idinkaa dalkiina bur buriyay, idinkaa dawladiina riday, idinkaa dawlad
dhisan la. Itoobiya marna arrimahiina gudaha ma soo faragashan wax dan ahna
idinkama laha. Itoobia waxay isku dayday in ay Soomaaliya garab qabato oo shirar
badan ayay qabatay oo gogol badan ayay idiin fidisay oo waqti iyo maal badan
ayay ku bixisay markii aad soo qaxdeen waa la idin ku soo dhoweeyay Itoobiya oo
la idinma dhibin laakiin Soomaalida ayaa qalad ka fahamsan oo colaad Itoobiya
lagu beeray Maxamed Siyaad Barre ayaa ku beeray.
Itoobia ayada ayaa la soo weeraray oo waxaa soo
weeraray argagixiso Soomaali ah taasoo ku kaliftay inay cagta mariso oo uga daba
tagto Soomaaliya si aysan mardanbe u soo weerarin waana wax iska caadi ah oo
dawladwalba ammaanka dadkeeda ayada ayaa ka mas’uul ah dawlad walbana waa ay
yeeli lahayd sidaas iyo si ka daran. Waana run in Soomaaliya argagixiso joogto.
Dawladda Itoobiya argagixiso doonimayso laakiin dawlad Soomaaliyeed iyo deris
wanaag waa ay soo dhowaynaysaa.
Soomaalida waa dad isla wayn oo kibir badan oo
aanan aqoonsan Itoobiya iyo xuduudaheeda; ayagaa bililiqaystay magaalooyinkoodii
sida Muqdisho, Hargaysa, Burco, Gaalkacyo, Baydhabo, Balawayne, Kismaayo iwm
haddii aad awood u heshaan Addis Ababa ma day lahaydeen? Jawaabtu waa maya waad
bililiqaysan lahaydeen. Ha rumaysanina TNG iyo qaar warlordska ka mid ah waayo
markii ay ku fashilmeen arrimahoodii iyo markii ay hub iyo dhaqaale ama aqoonsi
ka waayeen Itoobiya ayay dadka qaldaan oo Itoobiya kula soo galgashaan!.
Kooxdii Soomaaliya u hadlaysay ama aaminsan
in Soomaaliya laga gardaran yahay:
Bidix:
Xeyle, Shiine, Ceynte & Wardheere |
Colaadda dhextaal Soomaaliya iyo Itoobiya waa
soo jireen waxayna soo jiitamaysay ilaa Axmed
Guray ismana aamini karno. Taliska
Itoobiya waa gumaysi doon waa isbalaaris, waa Soomaaliya yaysan madaxa la soo
kicin. Itoobiya hadday fiican tahay dadkii Soomaaliyeed ee ay gumaysanaysay
maxay u qabatay, iskuulo ma leh wadooyin ma leh isbitaalo ma leh haddii ay
Soomaaliya qabsatona wax ay ku soo kordhinayso ma leh bur burin hor leh iyo
gumaysi mooyee.
Itoobiya waxay soo hubaysaa warlords, dalkeena
ayadaa hub ku ololisay, ayadaa riday dawladdeenii Soomaaliya ee jiri jirtay
waayo ayadaa aasaastay SSDF, SNM, USC iyo kuwo kale ayadoo u adeegsatay inay
qaranimadii Soomaaliya iyo midnimadiiba ku burburisay. Arrinta September 11 iyo
dagaalka argagixisada caalamiga Itoobiya waxay rabtaa inay Maraykanka qalado oo
ka hesho hub dhaqaale iyo saanad si ay Soomaalida ugu waxyeelayso ayadoo ku
andacoonaysa Soomaaliya argagixiso ayaa joogta. Saddex iyo tobankii shir ee la
qabtay ayada ayay ka hirgeli waayeen weligeedna daacad kama noqon mana ka noqon
doonto.
Kooxdan waxaa ay ganka ku dhufteen eedii loo
soo jeediyay madaxwaynihii hore ee Soomaaliya Maxamed Siyaad Barre ayagoo yiri
nacaybka itoobiya hortiisa ayay jirtay ee asaga ma beerin, itoobiya ayada ayaa
nacaybka ku beertay dadka Soomaaliyeed maxaa yeelay garna ma gasho garna kama
baxdo, lama hayo Soomaali faraha la gashay arrimaha Itoobiya laakiin waa ayada
waxa Soomaalida qaarna gumaysta qaarka kalena faraha kula jira.
Doodaas oo socotay 4 saacadood wixii meeshaas la laga yiri ma soo koobi karo
laakiin waxaa cadaatay in Ardada Soomaaliyeed ee Minnesota ay ka xoroobeen
qabiil iyo jahli, waxa ay soo bandhigeen dood cilmiyeed asluub iyo ismaqal ku
dheehan oo heer sare ah oo wadata daraasaad iyo tixraacyo badan waxaana la
filayaa in la soo daabici doono daraasaadyadan goor dhow.
Ardada waxay yiraahdeen ujeedada aan doodan ka leenahay waxaa ka mid ah in aan
isbarno in aan doodi karno anagoo aanan isnicin ama isdagaalin iyo in aan
doodeena ku salayno daraasaad ee aanay noqon kutiri kuteen. Waxay kale oo ardad
balan qaadeen in ay qaban doonaan doodo kale oo aad u hufan oo quseeya siyaasad
ama arrimaha bulshada Soomaalida ee ku nool dalkii hooyo ama halkan Minnesota.
Maxmuud Nuur wardheere
mnwardere@yahoo.com
Faafin: SomaliTalk.com | March 17, 2003
Soo tebinta qoraalka waxaa ka qayb qaatay:
C/raxmaan Ceynte | ceynteyare@hotmail.com
-dhammaad-
<><><> Warqaddii
C/Risaaq Xaaji Xuseen u diray Zenawi....April
2002
<><><>
1894 ayaa heshiiska loo yaqaab
"Tripartite Accord" waxaa wada garey Ingiriiska [Great
Britain], Talyaaniga [Italy], iyo Itoobiya [Ethiopia], kaas oo kusaabsanaa
dhulka Soomaaliya. Talyaaniga waxaa lasiiyey dhulka soo eegaya badweynta Hindiya
oo waagii dambe loo bixiyey Italian Somaliland. Heshiiskaasu wuxuu
aqoonsaday in Mililikh [Menelik] uu qaato dhulka galbeed ee Soomaaliya ee loo
yaqaan Ogaden. GUJI...
<><><>
XAFLADII
AY ARDAYDA MSSU U QABTEEN JAAMACADA BOOSAASO...
»»VIDEO: Mucjisooyinka
Quraanka... [English]
... Dhurwaa Godkiisa Hilib
Ugu Garnaqaya!
Habeenkii
Showrka Soomaalida Minnesota
|