Lampedusa – War aan ka soo
xiganay Wakaalada wararka faafisa ee marka la soo gaabiyo loo yaqaano ANSA ayaa
sheegaya in Saakay Doon ay saaran yihiin dad lagu qiyaasay 82 qofood oo
Afrikaan ah ay ku soo xiratay dekedda Lampedusa ee Talyaaniga.
Waxaa kale oo la xaqiijiyay in
shalay ay laba doon kale ku soo xirteen isla dekeddan, mid kalena aanan la
aqoon sida ay uuga soo fakatay Ciidanka ilaalada Badda, ka dib markii lagu
arkay Xeebta magaalada dad 100 gaaraya oo iska dhex yaacaya Agagaarka xeebta.
Waxaa dadkan ka warhelay Ciidanka
Qalabka Sida (Carabinieri) kuwaas oo isla durbadiiba soo qabqabtay dadkan oo
sida dhuumaaleysiga ku soo galay Magaalada iyaga oo ka soo fagtay ama u soo
ganbiyay Koontaroolka Ciidanka Ilaalada Badda.
Waxaa laga yaabaa in Maxkamadda
Badbaadada ee Lampedusa ay furto Dacwad ku saabsan sidii ay dadkaan uuga soo
fagteen Koontaroolka & wax qabad la’aanta ay la yimaadeen Ciidanka Ilaalada
Badda.
Saakay mar aan la xiriiray
Taliska Ciidanka Badda ayaa waxay ii xaqiijiyeen in Doontan aysan saarneen wax
Somali ah, mar aan weydiiyayna halka ay ka kala yimaadeen dadka lagu sheegay
Afrikaan ka ayay igu yiraahdeen Waa Itoobiyaan & Eretrei.
Sidee doonta-ba ha noqotee weli
waxaan ku guda jirnaa helista Magacyada dadkii soo galay Habeen hore oo
tiradoodu aheyd 172 qofood waxaana ku jira ama u badan Dad Soomaaliyeed.
Goor dhow waxaan dib u habeyn ku
soo sameyn doonaa Liiska dadkii ku geeriyooday oo kor u dhaafayay 60-meeyo &
inkasta ay jiraan dad badan oo la la’yahay meel ay Cirib & jaan dhigeen.
WabiLaahi Towfiiq.
Khalid X. Cali Maalin “Deble”
SomaliTalk – Italia
somalitalk@email.it
tahriibdiid@hotmail.com
amalroma@hotmail.com
Faafin: SomaliTalk.com | Oct 31, 2003
FAL ARGAGIXISO OO
KA DHACAY MUQDISHO
Buufis ayaa sababay in dad fara badan BAM
lagu qarxiyo
Guji Oct 30
Habeenkii Ardayda Soomaalida ee Malaysia
Xaflad aad u heersareysa oo ay dalka Malaysia ku qabteen ardayda
Soomaaliyeed ayaa...
Guji.. Oct
30
114 Suuradood ee Qur'aanka
