GEERI
AAN LAGU CIBRO QAADANEYNIN CABSIBA HA JOOGTEE
MAHAD ILAAHAY AYAA ISKA LEH
NABAD-GELYO IYO NAXARIISNA NABIGEENII (SCW) ILAAHAY HA SIIYO
AAMIIN
Ilaahay wuxuu abuuray geerida iyo nolosha si uu inoogu
imtixaamo midka camal ilaahay raali kayahay sameysta iyo kan
kale. Waxaa kaloo geeridu tahay mid ilaahay noolaha oo dhan
uu ku xukumay hadana qofku uusan dooran karin waqtiga iyo
meesha uu ku dhimanayo. Waxaa kale oo ilaahay quraamka
kariimkaa ku tilmaamay nafi ineysan awood ulahayn iney iska
dhimato ilaahay idankiis maahane iyo waliba waqti go.an oo
ilaahay uu u qorsheeyay mooyee. Sidaas daraadeed waxaan wada
yaqiinsannahay inaan dhimaneyno anagoon ogeyn goorta iyo
meesha ,waxaa nagu toosan oo kaliya inaan camal wanaagsanna
ku dadaalno ilaahayna kabarinno khaatumada inuu inoo
hagaajiyo, waxaana saxaabadii nabiga allaha karaalinoqdee ku
duceysan jireen inay ku dhintaan shahiidnimo iyo inay ku
dhintaan magaaladii nabigu jeclaa kuna aasan yahay waa
MADIINA. Ilaahoow annaguna intaas ayaan kaa barinay. Intaasi
waa gogoldhig kooban.
Ujeedada maqaalka markaan usoo noqdo waxaa maalinkii
isniinta ee taariikhtu ahayd 02/08/2005-ta lagu waabariistay
akhbaaraha caalamka oo iclaamiyay labo nin oo can ah oo
dhintay xaga siyaasadda iyo jabhadeynta iyo rabsho abuuridda
waxayna kala yihiin FAHAD CABDULCASIIS iyo JOHN GRANG
oo ukala dhashay suudaan iyo sacuudiga , labadoodaba waxaa
geeridooda ku jirta CIBRI-QAADASHO aan la dhayalsan karin
ayna mudan tahay inaan aad ugu fakarno, haba kala darnaadaan
labada nine, CIBRO-QAADASHADA waxay ugu jirtaa inta xukunka
sida xun uraadisa ama ku gaaray. Markaan kala qaado labadan
nin aan ku bilaabo, fahad tiisu wey fududaaneysaa marka loo
fiiriyo suudaaniga waayo fahad xukunka uma uusan soo
halgamin ee sida hanti aabihiis uga dhintay ayuu dadka iyo
dalkaba u dhaxlay laakiin waa nin iyo kartidiisa dhismaha
iyo horumarka dhaqaalaha ayuu asagu sabab ugu ahaa wadankaas,
wixii dhiba oo ay biniaadamka ugeysteen caailadana wuu
lawadaagaa, meesha cibrada uga jirto waxaa weeye Fahad
isagoo ugu sareeya ilaahay ka sokoow wadankaas ay ubixiyeen
magac awowgood ayuusan muddo toban sano ah waxba kala socon
raaxeysi uu ku raaxeystaba daaye walibana dhaqtaroo
dhanna laga daalay ,maantana maro midab leh xattaa loogama
xiri karo ee waa in mid cad oo loo xiro qofka ugu hooseeya
aduunka xoolo iyo magacba loo xiro markuu dhinto. ayaa
isagana lagu duubayaa, wax allaale wixii waddankaas kadhacay
iyo wixii hanti taalleyna isgaa ilaahay kala xisaabtamayaa ,
waardiye iyo xarasulwaddanna sooma dhex gali karaan
afaarihiisa mana anfaceyso waxyaalaha ay ugu yeeraan MARSUUM
MALAKI (wareegto boqorku soo saaray) waa asaga iyo ilaahay
oo kaliya , ilaahoow aakhiro iyo adduunba noo ceeb astur
Aamiin. Cibro ayaa ku jirta intii caqli laheey.
Ninka kale waa JOHN GRANG
wuxuu ahaa ninka ugu weyn ee suudaan kaharsan weysay kana
hoyan weysay muddo 21(kow iyo labaatan)sano ah ,wuxuu ahaa
geedka kaliya ee ay harsadaan intii mucaaradnimo wadanka
suudaan daneyneysa, haday yihiin suudaaniyiin iyo
ajnabiba , dagaalka uu hogaaminayay waxaa lagu tilmaamay
dagaalkii ugu waqtiga dheeraa AFRIKA oo dhan, waxaa
lasheegaa iney ku dhinteen banii-aadan (dad) gaaraya HAL
MILYAN IYO SHANBOQOL oo kun oo qof(1,5 milyan) waxaa
ku barakay oo ku hanti iyo guryaba beelay AFFAR MILYAN
(4milyan) oo ruux oo suudaaniyiin ah inta hanti kubaxday
dagaaladaasna xisaab yar maaha . intaasoo dhan halgankii
uu waday wuxuu soo afjaray 07/07/2005 maalinkaasoo loo
dhaariyay inuu noqdo MADAXWEYNE KU XIGEENKA 1-AAD hadaba
akhristoow dhimashadiisa waxaa la iclaamiyay ama la baahiyay
01/08/2005 iyadoo la rajeynayo inuu dhintay habeenkii
kahoreeyay ee lawaayay helikobtarkii wadday ee kasoo qaadday
ugaandha ee nadaxtooyada sida khaaskaa looga lahaa ayna
wadeen todobadii beylood ee xulka ugaandha ahayd ee
madaxweynuhu khaaska ulahaa.
Isku soo duuboo inta ninkaasi uu fadhiistay kursigii iyo
xafiiskii halganka qaatay 21-ka sano uu usoo galay ay u
dhimatay una naafowday caddadka aan kor ku xusay kuna hanti
beeshay kuna bara kacday oo qoxootinimo ugu dhammaaday
aduunka iyo wadamada suudaan dariska la ah ma dhamma 21 bari
marka laga reebo safaradii uu guda suudaan ku galay iyo
midkaan uu ku dhintay.
Ma laga yaabaa kuwa dhiigga soomaalida xalaashaday oo
ayaguba kumannaanka laayay malaayiintana bara kiciyay walina
ku dhex jira howlahaas waxshinimada ah kuna doonaya xukunka
iney KU CIBRO QAATAAN KUNA WAANTOOBAAN waxa ku dhacay
saaxiibkood JOHN GARANG mise anaa waalane dhimashaduba hada
naxdin iyo cibraba maleh.
Waxaa la mid laga doonayaa iney ku cibro qaataan inta
wararka xun qorta ee u kaalmeysa af ahaan inta dagaal
oogayasha ah.
Waxba yeysan idin kadin akhbaaraha afka sheydaanka ku hadla
ee qofkii xumaan ku dhinta laga dhigayo inuu halyey
ahaa ,taasoo keenta iney dadkii camalkii xumaa ayasan
ka foojinaadaan kuna boorisa iney meesheedii kasii wadaan.
ogaada IBLIIS ma ogola in dadku baraarugaan xumaantana ka
dheeraadaan,
waxaan kusoo koobay maqaalkaan hadalkii amiirul mu,miniin
CUMAR IBNUL KHIDAAB oo ahaa ISXISAABIYA INTAAN LAYDIN
XISAABIN.
Ilaahay towfooqda ha ina waafajiyo
Fiiro gaar ah:- wixii tacliiq ah ama naqdin ah hala
bakheylin
Cusmaan Faarax Cali (dayax) London
abumuhamud@hotmail.com
Afeef: Aragtida maqaalkan
waxaa leh qoraaga ku saxiixan
Faafin: SomaliTalk.com |
Aug 4, 2005
MAQAALADA
MAANTA:::
»Dadku
diide FAATAXO, ee bal DAADKANA ha lagu dayo |
A.D. Elmi
»Soomaalida
iyo ismiidaaminta | Dayax
»Warbaahinta
Cabbursan ee Puntlad: Heer qaylo-dhaan mudan! | B.A.
»Illeen
baroortu hiillo waa Gashaa!! (Dilkii yaxye iyo Muunin)
| Wallays
»Cambaareeyn
Falalka Dileed ee Caasimadda Muqdisho ka Dhacaaya
»Duuliye
Sare Xaaji Dhagax oo Dhambaal u Diray C/Risaq Xaaji Xuseen
»Khudbadaha
C/lahi caadifadii qabiilka ayey dib u soo noolaynaysaa
»GABAY:
DHUL SHISHEEYE
| suleiman
»Falka
lagu tuhmay Yaasiin X. Cumar oo saamayn ku yeeshay Somalida
»WAA
QABIILKEE YAASIIN XASAN CUMAR |
Nasteex
»GUULEYSO
FAHADOOW MAXAAD SIDAAS NOOGU GASHAY | Dayax
»Somaliland
Ictiraaf ka dheer nin doonayna wareer | Siciid
»Dowladdii
cidla joog, maxay curatoo dalka keentay? |
A.D. Elmi
»Ina
Waraabe and the Gang in Hargeisa: | A Omar
»95-KM
AYAA NABADDA IYO KHILAAF XALINTU JIRTAA | X. carab
»MAQAALADA
KALE EE MAANTA:::
KA AKHRI HALKAN... GUJI..
|
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....
Boqorkii
dalka Sucuudiga,
Fahd bin Abdul Aziz Al-Saud oo
82 jir ahaa ayaa maanta geeriyoodey, waxaana la caleema
saaray Boqor Abdullah oo ....
Madaxweyne
kuxigeenkii Sudaan,
John Garang, ayaa geeriyoodey
kaddib markii ay la dhacday Helicopter uu ka raacay Uganda
asaga iyo...