Hogaamiye
Kooxeedyada Muqdisho Ma Dagaalamayaan Mise
Way Is Dhiibayaan
Mahdi
taako
Illaahbaa
mahad leh nabigeenii suubanaana NNKH. Tan
iyo markii lawaayay dawladii dhexe ee
soomaaliyeed waxay ognahay in dadka
soomaaliyeed ay soo mareen marxalado kala
duwan. Waxaa soomaliya lagu yagleelay
dawalado kuwaas oo dhamaantood aan waxba ka
hir galin, dhamaan dawladahaas waxa aanay
marnaba kawada hadlin in caasimada laga
wareejiyo Muqdisho amaba lahelo meel KMG
inta laga xasilinayo Muqdisho
Dawladan lagu
soo yagleelay Nairobi ee uu madaxweynaha
kayahay C/laahi Yuusuf Axmed ayaan iyada aan
marnaba qorsheheeda ugu jirin in wakhti
xaadirkan ay dawladu degto Muqdisho inta
laga xaslinayo amnigeeda lana xeraynayo
maleeshiyooyinka hubaysan hubkana laga
dhigayo, waxaana uu ,madaxweynuhu isla
markaasna dalbaday in la helo ciidan
shisheeye oo yimaada wadanka maadaama aanay
iminka jirin dhamaan ciidamadii booliska iyo
kuwii qalabka siday, laakiin dalabashadaas
iyo kabedelitaanka casimada ee Muqdisho
waxaa walaac aad u balaadhan ka muujiyay H/kooxeedyada
Muqdisho oo badankooda lagu xanto inaanay
raali ka ahayn in lahelo dawlad iyo kala
danbayn.
H/kooxeedyada
Muqdisho waxaanay marnaba aqbalayn in
caasimada laga weeciyo Muqdisho sababo jira
awgood, waayo hadii laga wareejiyo caasimada
waxaa yaraanaysa awoodooda waxaanay lamid
noqonayaan xubanaha kale ee dawalada, waxay
sidoo kale kasoo horjeedaan in ciidamo safka
horaa la keeno dalka oo ay ugu horayso
Ethiopia iyagoo walaac balaadhan ka muujiyay
in hadii ay Ethiopia timaado dalka siyar
hubka looga dhigi karo, waxaase halkaa kaaga
muuqan karta in aanayba jirin is aaminaad ka
dhexeysa dhamaan H/gaamiyayaasha siyaasada
ee Somalia.
Waxaa iyaguna
jira koox uu hogaaminayo madaxweynuhu oo
dhamaan kasoo hor jeeda fikirka H/kooxeedyada
Muqdisho oo aaminsan i dalku uu ka degi
la,ayahay iyaga aanayna ogolayn in marna
lahelo dawlad soomaliyeed, isku soo wada
duuboo waxaa hada muuqata in dawladii ay
noqonayso labo garab oo dagaalama iyadoo
lafilayo in somalia ay dib ugu noqonayso
91kii, waxaa madaxweynuhu ciidamo ku
uruurinayaa Jawhar iyo Beledweyne si uu u
qabsado Muqdisho iy Baydhabo walow la odhan
karo qabsashada Baydhabo inay aad u
sahlanaanayso laakiin hadalba uu ka
taaganyahay Muqdisho.
Hada sheekadu
waxay maraysaa H/Koxeedayada Muqdisho
madagaalamaysaan mise waad is dhiibaysaan,
waxaa aniga fikradayda aan qabaa inaan
dagaal lagu gaadhi karin xal laakiin loo
baahanyahay wada hadal hadiise aad Muqdisho
kasamayn weyndaan isbedel isbaaro qaadiduna
ay daacad idinka ahaan weydo shacabku idiin
afduubnaan maayo waxaana la taageeri doonaa
xubnaha labada gole ee Jowhar, waxaynu
sugnaaba waa Somalia iyo bilaha soo socda.
Alaa mahad leh
Mahdi taako
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....