::: SomaliTalk.com :::

QAABKII KULAN CILMIYEEDKA LABAAD IYO DEGAANKA QARDHO.

Warbixintii Xafiiska: dacwah@hotmail.com

Waxaa taariikhdu markay ahayd 23/07/2005ta ka furmay magaalada Qardho kulan cilmiyeedkii labaad ee Qardho isla taariikdaas waxaa qabsoomay furitaankii oo ay kasoo qayb galeen Maamulka, Nabadoonada iyo dadwayne aad u fara badan tiraabo amaan iyo mahadcelin ah iyo furriinka xafladda kaddib waxaa durbadiiba bilowday muxaadaradii koowaad oo ahayd Qabyaaladda iyo Qabiilaysiga oo uu taminay Dr.Axmed Xaaji c/raxmaan.

Maalintii labaad ee ay taariikhdu ku abbaarayd 24/07/2005ta ayaa waxaa Qado sharaf lagu sameeyay Beerta Guddoomiye ku xigeenka Deg.Qardho Siciid yaasiin Xuseen waxaana kasoo qayb galay dhamaan Culimaa'uddiinkii garwadeenka ka ahaa kulan cilmiyeedka iyo culimadii sii joogtay magaalada Qardho iyo waliba

Maamulka Degmada oo kala ahaa.

kuxigeenka Duqa Qardho Siciid Yaasiin Xuseen
Xoghayaha Deg.Qardho Max'ud Maxamed Shire
Taliyaha Qaybta Boliska Axmed C/llaahi Yusuf Faarax (karkaar)
Taliyaha Nabadsugidda Ismaaciil Aw-Cali (Labagoor)
Taliyaha Danbi baarista Muxiyaddiin Waabari
Taliyaha Turubataariyada C/raxmaan Cartan Fallaag

iyo rag kale oo ka tirsan maamulka Degmada waxaa sidoo kale kasoo qayb galay Nabaddoonada kala ah.

Max'ed Aadan Cali
Aadan Max'ed muuse (Ciiraale)
Abshir Ismaaciil Max'ed(gurey)
Cismaan Ciise Fikad
Cabdi Carshe Cali Xagar
Cabdi Diiriye Jaamac
Cali Max'ud Ildab (Faandhe)
Axmed Faarax Dala'aan
Maxamed Dhaanto Ilaaq
Muuse Siciid Xaaji.

iyo Nabaddoono kale halkaas ayaa waxaa ka dhacay wada hadal iyo is afgarad aad loogu bogaadiyay Culimada iyo Cilmiga ay faafinayaanba isla taariikhdaas ayaa waxaa dhacay muxaadaradii labaad oo ku saabsanayd Xiriirinta iyo Goynta (Alwalaa' Walbaraa') waxaana akhriyay Sh.Xasan muuse Bookh.

Maalintii Sadexaad ee 25/07/2005ta ayaa waxaa baxay Muxaadaradii ahayd Ka saahididda Adduunka oo uu tibaaxay Sh.Bashiir Jaamac kite.

Maalintii Afraad oo ku beegnayd 26/07/2005ta ayaa waxaa la qaatay darsi ku saabsan ka fogaanshaha Xadgudubka Diinta oo uu tifaftiray Sh.C/qaadir Nuur Faarax ayadoo halkaasna uu Sheekhu ugu baaqay Marlabaad jamaacada Takfiirka inay hadday wax hayaan ay madal yimaadaan oo loo caddeeyo dadka tubta toosan iyagoo horay usoo dalbaday in lala hadlo laakiin markii laga ogolaaday ka baaqsaday wada hadalkii.

Maalintii Shanaad 27/07/2005ta ayaa waxaa Sh.Max'ed Macalim Axmed uu siidaayay darsi ka hadlaya Gawraca iyo Shareecada Islaamka.

Maalintii lixaadoo taariikhduna hayd 28/07/2005ta Ayaa waxaa mar kale Qado Sharaf Lagu Qabtay Beerta guddoomiye Xigeenka Siciid Yaasiin Xusseen Halkaasoo ay markale isku arkeen Culimada Maamulka iyo Duqayda Qardhood isla markaana waxaa Baxday Muxaadaradii lixaad oo ahayd Qaadka iyo Mushkiladihiisa Waxaana kahadlay Sh.fu'aad Max'ud X.Nuur.

Maalintii todobaad ee gabagabda Nadwada Ayaa lagu Qabtay Qado Sharaf guri ka mid ah guryaha Qardhood halkaas oo laysu duceeyay layskuna waafaqay in Diinta lagu dhaqmo waxaana isla habeenkaa oo bishu hayd 29/07/2005ta ayaa waxaa baxay Muxaadaradii u danbaysay ee ahayd xurmada Dhiigga Muslimka Waxaana Akhriyay Dr.Axmed Xaaji C/raxmaan waxaana laguda galay gunaanadkii nadwada oo ugu horayn ka hadlay Guddoomiyaha Deg,Qardho Cismaan Buux Axmed oo aad u bogaadiyay kulanka iyo Culimdaba dadkana ugu baaqay inay ku dhaqmaan waxay maqleen waxaa kaloo hadlay Nabddoonada kala ah Aadan Ciiraale Iyo Cabdi diiriye oo iyaguna aad ugu mahad celiyay Culimada kana codasay nay aysan ka raagin ee ay markale usoo dhkhsadaan isla markaasna ugu baaqay dadwaynaha Qardhood inay taabbo galiyaan Shareecada Allaah kuna dhaqmaan Diintooda toosan waxaa kaloo hadlay Sh.Daahir Aw-Cabdi oo aad dadka ula hadlay yirina waa in la dilaa ninkii wax dila lagana fogaadaa Qaadka iyo cuniddiisa waxaa kusii xigay C/qaadir Cabdi diiriye oo ku hadlay Magaca Jaaliyadda dibadda ugu danbay waxaa la akhriyay Bayaankii Culimadu ka soo saareen Kulanka oo ka koobnaa 8eed qodob.

Warbixintii Xafiiska: dacwah@hotmail.com

BAAQ KASOO BAXAY KULAN DIIMEEDKII MAGAALADA QARDHO

Kulan Diimeedkii ka bilowday magaalada qardho 23/7/2005ta ayaa wuxuu soo
gabagaboobay caawa oo ay taariikhdu tahay 29/07/2005ta kulankaas oo lagu qaadaa
dhigay arrimo badan oo ku saabsan Shareecada Islaamka ayaa waxaa kasoo baxay Baaq ay
culimadii ka qaybqaadatay kulan Diimeedka udireen guud ahaan bulshawaynta
Soomaaliyeed gaar ahaan kuwa ku dhaqan Magaalada Qardho baaqaas ayaa tibaaxaya
qodobada soo socda.

Waxaan Ummadda Soomaaliyeed guud ahaan gaar ahaan kuwa reer Qardhood ugu baaqaynaa
inay Allaah u noqdaan ayna ku dhaqmaan Sharciga ilaahay.
In Umadda Soomaaliyeed ay ilaaliyaan midnimadooda iyo wada jirkooda baadi goobaanna
Qarinimadoodii baylahday.

In ay Ummadda Soomaaliyeed guud ahaan gaar ahaan reer Qardhood joojiyaan dilka
xaqdarada ah kana xaajoodaan wixii horay u dhexmaray oo ay ku dhamaystaan walaalnimo
iyo ilaah ka baq.

In laga digtoonaado kooxaha dheeg maray Sunnaha nabiga S.C.W ee mubtadicada ah gaar
ahaan kuwa gaalaysiiya Bulsho waynta Muslimiinta ah eek u dhaqan Dunida Muslimka.
In la dardar galiyo barashada iyo ku dhaqanka Shareecada Islaamka si ay dadku u
bidhaansadaan ugana gudbaan mugdiyada iyo calawga mar walba jaahwareerinaya.
In laga shaqeeyo horumarka Tacliinta,caafimaadka,dagaanka iyo waxwalba oo bilaya
nolosha iyo degaanka ummadda Muslimka ah.

In Ummadda Soomaaliyeed ay ka waantowdo Cunidda maandooriyayaasha gaar ahaan Sunta
cagaaran ee Qaadka oo baabi�isay Diinta, akhlaaqda, caafimaadka, dhaqaalaha iyo
nolosha qoyskaba.

Ugudanbayn waxaan Allaah waydiisanaynaa inuu u gargaaro ummadda Muslimka ah meelay
joogaanaba kana badbaadiyo dhagarta cadawgooda.

Waxaa baaqaan saxiixay Culimada kala ah.

Sh.C/qaadir Nuur Faarax
Dr.Axmed Xaaji c/raxmaan
Sh.Daahir Aw-Cabdi
Dr.C/qaadir Max�ed C/llaahi
Sh.Xassan Muuse Bookh
Sh.Bashiir Jaamac Kite
Sh.Max�ed Macalim Axmed
Sh.Fu�aad Max�ud X.nuur.

La xiriir Xafiiska: dacwah@hotmail.com

Faafin: SomaliTalk.com | July 31, 2005

Mr. Xussein Waa Ethiopian Dalka Britain Kusoo Galay Dukumiinti Soomaali ah oo Macmal ah
Hussain Osman oo markii hore lagu sheegay Soomaali waxaa soo shaac dalka Britain ku galay dukumiinti Soomaali oo "fake" ama macmal ah... Guji....

Shiikh Maxamed Mumin Haruun oo ay Dabley Ku Toogteen Muqdisho
�Cambaareyn Gacan ku dhiiiglayaashii Dilay Sheekh Muumin
�Warbixin weerarkii masjidka Salmaan Alfaarisi ee Muqdisho
Wararka oo dhan ka akhri halkan...

Masjid Abuubakar oo Lasoo Wareegey Dhulkii Mudada Dheer Loo Raadinayey...
Minneapolis: Qoraal kasoo baxay masjidka ayaa ku bilowday sidan: "Maanta oo ah maalin guul wayn noo soo hoyatay waxaan ugu bishaaraynaynaa dhamaan umada islaamka ah gaar ahaana Soomaalida in aan lasoo wareegnay maanta (7/29/05) Xaruntii Abubakar oo... Guji...