Hadaan u soo noqdo hadalkii Muuse,waxaa
halkan isku weydiinayaa miyeey dadka ay isku beesha yihiin la qabaan ? mise
waa aragti gaabni ku kooban asaga oo kaliya,taasi waxaa cadeyn doona
jawaabta indheergaradka iyo dadweynaha ay isku haybta yihiin ka bixiyaan ,
waxaan qabaa in ay badankood hadalkaas iska fogeeyn doonaan ,una sheegi
doonaan dadka intiisa kale in cid kursigaan u leh dhaxal gaar ah aysan jirin
,laguna heli karo doorashada Rabi iyo raali ahaanta dadka oo loo soo
bandhigo wax lagu qanciyo in lagu helo codkooda.
Waxaan ka xumahey in aan iraahdo ,waxaan ku
raacsanahey Muuse ,in uusan Cabdullahi yuusuf u qalmin jagadaas si ka duwan
sida uu sababta ka dhigey muuse oo ah cilad qabiilka uu ka dhashey? waxaan
anigu ku diidayaa dhibka iyo diin naceybka uu muujiyo dhaqanna u ah ,waana
siduu ka qirtay shirka Eldoret oo uu yiri anigaa bilaabey fidnada Soomaliya
iyo gargaarsiga cadowga soo jireenka ah ee ummada Soomaaliya oo ah sida la
wada ogyahey Amxaaro ama tigreey oo maanta maamusha itoobiya, dhaqankaas xun
oo dad badani oo maangaab ahi ku daydey oo noqdey caado xun oo hari la,.
Waxaa nasiib xumo ah in ninkaas lagu
tilmaamo hogaamiye , ayna jiraan dad leh aqoonyahan baan nahey la qabaan
fikradaas qaloocan oo ah mid sii kala ganeysa dadkii awalba nin naceyb,
qarankii iyo hantidiisa u burburiyey kadibna ku andacoonaya ,waxaan nahey
mujaahidiin oo waad aragtaan sidaas ummadii soomaaliyeed uga dhigney la
haystayaal caalamka dhinacyadiisa ku firirsan oo gudihiina lagu
bililiqeystay ,dibedaha aan waji fiican u oolin oo dhibaatooyin aan la soo
koobi karin oo diin xumo iyo dhaqan xumo leh haysato ayaga iyo
dhalaankoodiiba, marka abaalmirintu uu mutaystay ninka waxaas
gaystay,waayabe ma maxkamad in la soo tagaa? mise waa in xilka qaranka lagu
sharfo ,taas jawaabteeda waxaa laga sugayaa inta ka fiyoow caadifada qabiil
ee ka tirsan bahweynta Soomaliyeed ee ku kala nool gudaha iyo dibedahaba.
Ugu dambeyn , waxaan filayaa in muuse dadka
raali galiyo ama inta waxgarad ah ee ka tirsan beeshaas uu afka ku dhuftey ,soo
jeediso raaligalintaas, aragtideena guudna ay noqoto in qofka lagu doorto
aqoonta uu u leeyahay xaqa ilaahey ku leeyahay iyo xaqa adaamigu uu doonayo
in uu u taliyo ku leeyahiin.
Waxaan ilaahey uga baryayaa in uu dhibka ka
saaro ummada muslimka ah guud ahaan iyo gaar ahaana shacabka Somaaliyed ee
dacdaradu ay gacmahooda ku keensadeen hayso, mas,uuliyada qaranka noogu soo
xulo dad uu raali ka yahey,ummadana u naxariista, wada noolashihii iyo
midnimadii soo cesha.
Walilahi bi towfiiq.
Abdulkadir sh. maxamed abdulkadir33@hotmail.com
DOODFURAN: Aragtidaada
Toos ugu dhiibo halkan... GUJI
Dec 21, 2002
Afeef: Aragtida qoraalkan waxaa leh qoraaga
ku saxiixan, kana tarjumi maayo araagtida SomaliTalk
<><><>
Rabshaddo
Hareeyey Tartanka Quruxdda Gabdhaha Soomaalida Gothenburg, Swden
Shan qof ayaa xabsiga loo taxaabay, hal
qofna cisbitaalka kaddib markii iska hor imaad ka dhacay goob ay ka
socotey xaflad loogu magac daray "Miss Somalia" ....GUJI
Warqad Furan Oo Ku Socota Dhammaan Beesha Hawiye Warqadan
oo lasoo gaarsiiyey SomaliTalk Muqdisho ayaa si toos ah ula hadleysa dhammaan
beelaha.... GUJI 14/12
Dhawaaq caalami ah iyo Ururka Darwiish Party
Waxaan mar kale ku celinaynaa Maamulka W/galbeed
ee Riyaale Hogaanka ka yahay in aanay ku talo xumoobin degaanka.. GUJI
14/12
Baaq ay soo saartey Jaaliyada Absame ee
Sweden
Baaqaan oo SomaliTalk uu soo gaarsiiyey Suldaan Mohamed Suldaan Siraaji
ayaa waxa uu kusaabsanyahay Laascaanood GUJI...
14/12
... ELDORET:
Taxanaha Wararka
... Soomaaliya
iyo dhacdooyinkii 2001/2000
WARARKA
SEPTEMBER - GUJI
»
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
|