SomaliTalk ads
Home | Zakaat | Siiro | Saxaabada | Salaat | Search | Allah Is Great |
w w w . s o m a l i t a l k . c o m 
SOMALITALK - MINNESOTA
Cidy Horst: Geesiyad nafteeda & waqitigeeda u hurtay somalida- Mahad Celin

C/raxman Ceynte | St.Paul, MN | Dec 18

Cindy Horst waa gabar Hollandeys ah oo waqtigeeda qaaliga ah & waxqabadkeedaba u hurtay ummada soomaaliyeed ee ku dhibaateysan xeryaha qoxootiga ee Dadaab, Ifo, xagar-dheer iyo kuwo kale oo fara badan.

Gabadhan 29 jirka ah wexeey imminka buug ka qoreysaa dhibaatooyinka horyaalla qoxootigaas, iyo yedidiilooyinka eey higsanayaan, dhowr chapter oo buugan kamid ah horey ayaaba loogu daabacay qaar kamid ah boggaga Internet-yada soomaalida.

Hoos Akhri

Cindy affar toddobaad kahore ayeey timid mareykanka, gaar ahaan magaalada New Oreleans ee gobolka Louisiana, halkaas oo eey kaga qeyb galaysay shir looga hadlayey dhibaatooyinka hor yaalla qoxootiga geeska africa, halkaas oo eey iyana ku soo bandhigtay qoraalkii iyo warbixintii eey ka soo diyaarisay dhibanayaashaas soomaaliyeed oo ka laalaada meel u dhexeysa waddankoodii hooyo iyo midka eey jeclaan lahaayeen ineey caga dhigaan ee Galbeedka.

ka sokow xiriirka xagga E-mail-ka ah ee naga dhexeeyey in mudddo ahba, haddana markii eey timid Louisiana ayeey ii suura gashay inaan bal khadka Teleefonkana kula sheekeysto oo aan bal wax badan ka ogaado gunta & gabagabada eey ka leedahay dadaalka noocan ah.

Cindy lama dhihi karo dano dhaqaale ayeey ka leedahay buuggan eey hadda ka qoreyso soomaalida, maxaa yeelay hadiiba eey sidaas jirto, maba eeysan soo bandhigteen dhowr Tuduc oo buugeeda ka tirsan ka hor intaan buugaba la soo daabicin.

Arrinta aniga shaqsiyan aan la yaabay wexeey tahay markii eey Cindy ii sheegtay ineeysan jirin cid ama hey'ad ku taageerta dadaalkeedan beni'aadanimo ee rigliga ah, dhowr mar ayeey booqatay xeryaha qoxootiga ee ku yaal waddanka Kenya, wexeeyna su'aalo soo weydiisay boqolaal qoxooti ah oo dhibaatooyin kala duwan la ildaran.

Cindy wexeey qaar kamid ah dowladaha galbeedka fahamsiisay nidaamka xawaaladda soomaalida, oo wixii ka danbeeyey Sept 11 lagu shabbadeeyey ineey argagixiso yihiin, wexeey buugeeda & maqaalo eey meelo kala duwan ku qortayba ku sharaxday in nidaamka xawilaadu yahay dhiifoonaan dheeraad ah oo eey qoxootiga soomaalida ee galbeedka ku nool la yimaadeen oo eey ku taageerayaan kuwa eey jecel yihiin ee wali qaaradda madow ku nool.

Cindy sidoo kale wexeey sawir wanaagsan ka bixisay taageerada eey soomaalida isku taageeraan ee ku saabsan soo dhoofinta eheladooda, xitaa hadii arrinku ku khasbo ineey si " sharci darro ah dadkooga ku dhoofiyaan" wexeeyna ogaatay in " Buufisku" yahay cudur dilaa ah oo ku dhaca dareenka soomaalida ku dhaqan xeryaha qoxootiga ee Kenya iyo magaalooyinka kale ee Kenya ee sida ba'an u doonaya ineey mar uun soo caga dhigaan Galbeedka, wexeey si taffatiran u sharaxday in qofka uu ku dhoco cudurka "Buufiska" la yiraahdo - oo ah mid magiciisii asalka ahaa laga weeciyey- uu si aan kala sooc laheyn u doonayo inuu mar uun tago galbeedka, isagoon kala jecleyn halka uu u socdo, taas oo aalaaba keenta inuu qofku si isbiimeyn ah dhoof u raadiyo, walow uu xitaa badda korkeeda dhowr habeen ku jiree !

waxaan la halmaami karin sida eey u qaadaa dhigtay nidaamka lacag uruurinta soomaalida ee cajaa'ibka leh ee loo yaqaan " Ayuutada" ama " shaloongada" oo ah nidaam eey asal ahaan isticmaali jireen hooyooyinkii soomaaliyeed oo woxoogaa gunno ah ka goyn jiray Biilka nolol maalmeedkooda loo siiyo, si eey ugu biirsadaan dhowr kale uu dumar ah oo bishiiba mar qof gacan la siiyo, wexeey sheegtay in nadaamkani uu illaa iyo imminka ka jiro xeryaha qoxootiga iyo waliba soomaalida u soo hijrootay galbeedka oo iyagu si aan kala sooc laheynba rag iyo dumar-ba Ayuuto u sameysta si eey woxoogaa lacag ah u ururiyaan ! waxaa la yaab leh in nidaamkani uu u dhigmo kan imminka eey Bunuugta caalamiga ah isticmaalaan ee loo yaqaan (Credit Card) ka oo eey isaga mid yihiin dhanka deyminta lacag aadan leheyn oo isticmaali kartid, laakin aad gadaal -ama horey- ka bixin doontid, waa hadba sidii heshiiskaagu yahaye, laakiin xusuusnow nidaamkan" Ayuutada " ama " Shaloongadu" ma lahan wax Ribo ah, kumana dhisna heerka (Credit) kaaga ama (taariiqdaada lacageed ) yahaye, wuxuu si toos ah ugu qotomaa is-aqoon, darisnimo, qaraabanimo, saaxiibtinimo, waasto IWM, wax ID ama aqoonsi ahna lagaagama baahna.

halkan laguma soo koobi karo Cilmiga dhex yaal buugaas, ha yeeshee wuxuu si qoto dheer u taabanayaa dhinacyo badan oo dhaqanka soomaaliyeed uu kaga wanaagsan yahay dhaqamo badan oo jira.

Cindy wexeey weli ku hanwayn tahay ineey qorsheyaal intaan kabadan soomaalida ku caawiso, haddii eey suura gal tahayna magaalooyinka eey soomaalidu ku badan yihiin ee London, Minneapolis, Toronto IWM ayeey ka qaban qaabin doontaa dhaqaale uruurin wax loogu qabanayo qaxootiga soomaaliyeed ee xeryaha qoxootiga ku dhibaateysan.

dhamaanteen aan u mahad celinno Cindy Horst dadaalkeeda beni-aadanimo.

 

C/raxman Ceynte

St.Paul, MN

Ceyntejourmalist@attbi.com

Dec 18, 2002

<><><>

I  I  D  H  E  H

Rabshaddo Hareeyey Tartanka Quruxdda Gabdhaha Soomaalida Gothenburg, Swden
 Shan qof ayaa xabsiga loo taxaabay, hal qofna cisbitaalka kaddib markii iska hor imaad ka dhacay  goob ay ka socotey xaflad loogu magac daray "Miss Somalia" ....GUJI    

Warqad Furan Oo Ku Socota Dhammaan Beesha Hawiye
Warqadan oo lasoo gaarsiiyey SomaliTalk Muqdisho ayaa si toos ah ula hadleysa dhammaan beelaha.... GUJI  14/12

Dhawaaq caalami ah iyo Ururka Darwiish Party 
Waxaan mar kale ku celinaynaa Maamulka W/galbeed ee Riyaale Hogaanka ka yahay in aanay ku talo xumoobin degaanka.. GUJI 14/12

Baaq ay soo saartey Jaaliyada Absame ee Sweden
Baaqaan oo SomaliTalk uu soo gaarsiiyey Suldaan Mohamed Suldaan Siraaji  ayaa waxa uu kusaabsanyahay Laascaanood GUJI... 14/12

 ... ELDORET: Taxanaha Wararka  

... Soomaaliya iyo dhacdooyinkii  2001/2000 

 

AFEEF: Aragtida qoraalka waxaa leh qoraaga ku saxiixan


WARARKA  SEPTEMBER - GUJI
AGOOSTO | JULY | JUNE | MAY | APRIL | MARCH | FEBRAAYO | Janaury 2002 | Wararkii 1999-2001 

com

Powered by www.SomaliTalk.com
All About Somalia and More...
>> Usheeg Asxaabtaada
..
..
Eldoret waa caynkee
ELdoret- Bishan
Eldoret-Nov 2002
Eldoret-Oct 2002
SUUQ WEYNAHA ALKARAMA
Waa suuq Soomaaliyeed oo ku yaal xaafada Cedar ee Magaalada Minneapolis, GUJI...

Copyright © somalitalk.com. All rights reserved.

HTML CD [an error occurred while processing this directive]