SomaliTalk DALSAN
Home | Webs | Email | TellFriend | Search | Feedback |
w w w . s o m a l i t a l k . c o m
DQORAALKII - AXMED-SYAASIIN
 Uurkaan ka ooyayaa!!! 

Axmed Yaasiin Cabdi

ismalure@hotmail.com

Oktober, 10/2002

Maqaalkan waxaan ugu baroor-diiqayaa Alla ha u naxariistee saaxiibkay marxuum Cumar Faarax Raage oo maalintii axadda ahayd ee taariikhdu ku beegnayd 6/10/2002 ku geeriyooday shil baabuur oo ka dhacay xaafada Amager ee magaalada Copenhagen ee dalka Denmark.

 

Aad ayaan u aaminsanahay in ”naf kasta oo Eebe dunida ku abuuray ay maalin maalmaha ka mid ah dhadhaminayso xanuunka dhimashada (sakaraadka)”, sida uu sheegay Kitaabka Quraanka ah oon duuduub ku aaminay.

Waxaan kaloo aaminsanahay ”Qaddarka Eebe”, oo ah lagama doodaan, lama diidaan, lagama durkaan iyo lagama boodaan. Markii uu Eebe ina waafajiyay islaamnimada qiimiga leh, wuxuu ina garansiiyay inaan raalli ku noqono go’aankiisa uu ku maamulayo dunidan uu isagu markii horaba abuurtay. Go’aankaas oo qofka noolaha ahi uu marba si isu tusi karo. Mar wuxuu u arkaa inuu yahay mid farxad u xanbaarsan, mar kalana wuxuu isu tusaa inuu murugo u soo jiiday.

Hase yeeshee waxaa lagama maarmaan ah inaan farxadda iyo murugadaba Eebe ugu xamdi naqnaa, sida uu isaguba inugu amray, waana sida kaliya ee qofka bani’aadamka ahi kaga nebed geli karo cadhada Eebe, naxariistiisa iyo raalli ka noqoshadiisana ku kasban karo.

Anigoo intaasoo dhan aaminsan haddana waxaan maalimihii ugu denbeeyay ka ooyay uurka, niyaddayduna saafi ma ahayn. Xubin kasta oo jidhkayga ka mid ahna waxay la il-darnayd dareenka dhiillada xanbaarsan ee ka dhashay warkii naxdinta lahaa ee sida kula soo booddada ah la ii soo gaadhsiiyay.

Niyaddadu waxay ka didday xaqiiqdii qadhaadhayd ee warkaasi uu xanbaarsanaa, qalbigayguna wuxuu yab-xeerinayay in dulucda xogta la i soo gaadhsiiyay ay wax iska beddalaan ama ay noqotoba mid uu soo tebiyay qof aan looga qaateen ahayn oon ku fiicanayn hubsashada xogaha uu tebinayo.

Marar badan ayay duruufta waayuhu kugu kalliftaa inaad xaqiiqda waajihi kari waydo, oo aad niyadda ka jeclaysato inay xaajadu sida laguu soo gaadhsiiyay si ka duwan u dhacdo. Dareenka nugul ee noocaas ah mar kastaba jilicsanaan iyo karti xumo dabada kuma hayo, ee waa dabeecad Eebe aadamihiisa ku abuuray inuu xaajada qadhaadh ka biya-diido, xaqiiqda kululna wajiga ka dedbo.

Adduunyadu waa wareegto oo meel kuma ekaato, waa’ kasta oo guduutana wuxuu xanbaarsan yahay xikmad rabbaani ah oo tijaabo lagaga qaadayo bani’aadamka.

Waayuhuna sifo ahaan ma kala duwana oo way isu wada-egyihiin, balse waxay ku kala duwan yihiin farriimaha ay xanbaarsan yihiin. Qaar baa xanbaarsan farriimo farxad iyo damaashaad inoo horseeda, qaar kalana waxay xanbaarsan yihiin farriimo naxdin iyo murugo inoo soo jiida.

Farxadda iyo naxdintuna isku guri uma hoydaan ee had iyo goore waxay ku kala sugan yihiin labo ardaa oo kala duwan, taasi waxay ka dhigan tahay in marba midda ardaagaaga ku sugan mooyee tan kalana ay maalin maalmaha ka mid ah uun kuu soo hoyan doonto. ”Waana xikmad nolosha ku larban”.

Waana hubaal in qof kasta oo inaga mid ah uu xaqiiqdaas si fiican u ogyahay, laakiin haddana jidhka bani’aadamku dubaaxinta iyo danqashada ma daayo mar kastoo dhibaato ay isaga la soo deristo ama ay la soo gudboonaato inta uu jecel yahay ee dubaaqiisu u naxo.

In kastoo midabka madow uuna midabbada kale ka nacabsanayn haddana maalmaha shiddada xanbaarsan waxaa lagu tilmaamaa inay yihiin maalmo madow. Maalintii axadda ahayd ee bishan oktober ay 6 ahayd waxay xaggayga ahayd maalin madow oo farxad ka madhan, waxaanan hubaa inay jireen dar badan oo maalintaas muragadeeda ila wadaagay iyo waliba qaar iiga badnaa.

Waxaa maalintaas shil baabuur ku geeriyooday saaxiib iyo walaal qaali ah oo giddigeenba inugu wada-dheeraa. Waxaa maalintaas god aakhiro u galbaday saaxiibkeen, walaalkeen marxuum Cumar Faarax Raage. Xubnaha jidhkayga oo dhan uurka ayay ka ooyayaan tan iyo markii aan warkaas naxdinta leh maqlay. Baroor-diiqdana ma dayn doonaan intay ifka saaran yihiin.

Hase yeeshee inta kaliyee aan maanta u awoodo waa inaan idhaahdo ”Alla ha u naxariisto, jannadiisiina ha ugu bishaareeyo” Eheladii, qaraabadii, asxaabtii iyo intii jeclaydee uu ka tegayna samir iyo iimaan Eebe ha ka siiyo.

Waxaa isuguna geeri iyo nolol u dhexeeya saaxiibkeen, walaalkeen Siyaad Axmed Yuusuf, oo xaaladdiisu ay wali khatar tahay, dhakhaatiirtuna ay wali ku mashquulsan yihiin sidii ay naftiisa u badbaadin lahaayeen. Badbaado Ilaahay baa hayee waxaan ka baryaynaa inuu u boogo-dhayo oo dhibka haya oo dhan ka suuliyo, sidiisii horana ku soo celiyo.

Waxaa iyagu shilkaas ma-naxaanka ah ka samata-baxay saaxiibada kala ah Balanbaad, Faarax iyo Mahad. Iyagana waxaan u baryaynaa barwaaqo iyo sareedo inuu Eebe kala kulmiyo noloshooda adduun, aakhiradoodana ka dhigo middii la fal-gasha intii suubbanayd ee Rabbi jannadiisa u ballanqaaday.

{Geeridu waa xaq, hase yeeshee jidhku gilgilashada ma daayo marka gacal ku dheeraa uu god aakhiro uga dheelmado

###

I  I  D  H  E  H

QORAALKII HORE EE AXMED YAASIIN... GUJI HALKAN

 


WARARKA  SEPTEMBER - GUJI
»
AGOOSTO | JULY | JUNE | MAY | APRIL | MARCH | FEBRAAYO | Janaury 2002 | Wararkii 1999-2001 

com

Powered by www.SomaliTalk.com
All About Somalia and More...
>> Usheeg Asxaabtaada
Allah Is Great
DIGNIIN:
»» Virs cusub... BUGBEAR
»» Virus cusub .... OPASOFT
»» Viruska Halista ah ee Goldfish. 
»» Taxadarka Emailada Nayjeeriya
»» Xusuusin  carruurta iyo Internetka
 Dhammaan ka akhri halkan 
OGEYSIIS - OTTAWA

KALFADHIGA ISLAAMIGA EE 5AAD

QURBAHA IYO SOOMAALIDA 10 SANO KA DIB

Sat October 12, 2002
11:00 AM –8:00 Pm
202 Mont petit
125 University St 
(Ottawa University)

Faahfaahinta - GUJI...  



Lewiston-USA. Duqa magaalada ayaa ku yiri soomaalida ha yareeyaan soo quluqulkooda; waa la idin dhibsaday. 

Muslimiinta Kenya oo loogu baaqay in ay Midoobaan

  Muslimiinta Ethiopia oo Caawimo Geysanaya  


  
EU & Kenya oo Saxiixday Heshiis maalgelinya shirka Soomaalida
  Ogadeenya oo Lagu Xirxiray Shacab

I I D H E H 

Eldoret waa Magaalo sidee ah
Magaalada eldoret oo ah magaalada lagu qabandoono shirka nabada Soomaalida waa magaalo aad u wayn oo . IQRA..  26/8


Copyright © somalitalk.com. All rights reserved.

HTML CD [an error occurred while processing this directive]