Xasan Abshir iyo C/dalla Deeroow oo si wadajir
ah Shir Jaraa'id ugu qabtey Magaaladda Neyroobi.
Mogadishu Weekly Reporter A. D
weekly@somalitalk.com
April 30, 2003
- Xasan abshir oo madaxda xamar kusugan
ka codsaday in ay dhawraan Axdiga KMG
- Deerow oo sheegay in ay is afgarteen
dhammaan ergooyinka ku sugan shirka Nairobi
- Shir ay Hodheel Xamar kuyaal ku
yeesheen Cismaan Caato,
Muuse Suudi, Cumar Filish, Qanyare iyo waliba TNG-a Muqdisho
- Mr. Kipligat oo sheegay in
shirku u gudbayo wajigiisii 3-aad
Warka oo Fidsan
Ra'iisul wassaaraha dawladda KMG
ah, Xasan Abshir Faarax iyo guddoomiyaha golaha Baarlimaanka KMG ah, C/dalla
Deeroow Isaaq, oo ku sugan madasha shirka dib u heshiisiinta Soomaalida, ayaa
si wada jir ah u qabtay shir jaraa'id oo ay uga hadleen sida ay u arkaan
xildhibaanada cusub ee dhowaan loo dhaariyay inay bedelaan kuwo la sheegay
inay gudan kari waayeen hawshoodii xildhibaanimo.
C/dalla Deeroow Isaaq ayaa
sheegay in xildhibaanadaas cusub ay yihiin kuwa aan Axdiga KMG ah waafaqsanayn,
loogana gol lahaa oo kaliya in lagu buuxsado (Chorum-ka) Kalfadhiga golaha
Baarlimaanka.
C/dalla Deeroow waxa kale oo uu
ka hadlay marxaladda uu haatan shirku marayo, isagoo sheegay in dhammaan
ergooyinkii Soomaalidu ay is afgarteen, isla markaana la qoondeeyey in
xildhibaanada Baarlimaanku ay noqdaan 450 sidii markii horeba loogu talo galay,
wuxuu kaloo sheegay Deerow in waqtigii uu yahay gabo gabo, isla markaana aan
xilligan loo baahnayn in ummadda la kala jii-jiito.
Xasan Abshir Faarax ayaa isna
sheegay inay ka codsanayaan madaxda Xamar ku sugan inay dhawraan Axdiga KMG ah, isagoo isna xusay in guushii shirka Mpegathi ay haatan soo
dhowdahay,15-ka Bisha May-na la sugayo in lagu dhawaaqo Golihii baarlimaanka
ee u yeelan lahaa Dalka Soomaaliya.
C/dalla Deeroow iyo Xasan Abshir
ayaa shirkan jaraa'id qabtay xilli ay jiraan mugdi
weyn oo siyaasadeed oo soo
kala dhexgalay iyaga iyo C/qaasim, waxaana jira warar hoose oo sheegaya in
Kalfadhigan u furmay Baarlimaanka KMG ah, la damacsan yahay in xilka looga qaado Xasan Abshir iyo C/dalla Deeroow Isaaq, oo isagu naf ahaantiisa dhawr
jeer ku celceliyay in la doonayo in lagu bedelle guddoomiye ku xigeenkiisa
1-aad Maxamed Cabdi Yuusuf.
Mr. Kipligat oo sheegay in
shirku u gudbayo wajigiisii 3-aad laguna dhisayo dawlad iyo Baarlimaan.
Mr. Pathwell Kipligat, oo ah
wakiilka dawladda Kenya u qaabilsan shirka dib u heshiisiinta Soomaalida ee
dalkeeda ka socda, ayaa sheegay in shirku uu u gudbayo wajigiisii saddexaad,
isla markana lagu dhisayo dawlad iyo baarlimaan, sida uu hadalka u dhigay.
Mr. Kipligat waxa uu dhinaca
kale xusay in guddi saraakiil Milatari ah loo dirayo dhowaan dalka Soomaliya
si loo hubiyo xabbad joojintii ay saxeexeen hoggaamiyayaasha ku shirsan
Mpegathi, wuxuu kaloo Kipligat sheegay in dhowaan heshiisyo kale soo hordhigi
doonaan taas oo hoggaamiye walba uu saxeexayo si shakhsi ah inuu xabbadda
joojinayo iyo in kale.
Dhinaca kale, madaxweynaha dalka
Kenya Md. Kibaki ayaa la sheegay inuu la dhacsan yahay habka uu haatan
shirku u soconayo iyadoo laga yaabo in maalmaha soo socda uu madaxweynuhu uu
la kulmo ergooyinka Soomaalida.
Shirka dib u heshiisiinta
Soomaalida oo in ka badan muddo 7 bilood ah ka soconayay dalka Kenya, isla
markaana soo maray caqabdo aad u fara badan ayaa hadda u muuqda mid leh
waxoogaa rajo ah, inkastoo dadka qaar ay muujinayaan shaki fara badan oo ku
saabsan shirka, maadaama ayay leeyihiin ay hoggaamiye kooxeedyo fara badani ay
shirka dibadda ka joogaan, isla markaana qaarkood ay wadaan shir gaar ah sida,
sida kan shalay ka furmay Hotel Amiira ee ay isugu yimaadeen, Cismaan Caato,
Muuse Suudi, Cumar Filish, Qanyare iyo waliba TNG-a Muqdisho,oo la doonayo in
Maamul loogu dhiso G/banaadir.
Mogadishu Weekly Reporter A. D
weekly@somalitalk.com
Qoraaladii
hore ee
Mogadishu Weekly
Xukuumada
Xasan Abshir oo La Marsiin doono wadadii tii Galayr
C/Qaasim oo 3 ergay u diri doona Kenya iyo
C/dalla Deerow oo lagayaabo in xilka Baarlamaanka laga wareejiyo iyo... GUJI..
<><><>
IIDHEH: Machadka
Beder ee Boosaaso... Soo Booqo Maanta
<><><>
Baarlamaanka
KMG ah oo uu u furmay kalfadhigii 5aad
iyo min $1000 Doolar oo loo qaybiyay
xildhibaan walba.. GUJI..
29/4
Maxaa
ka dhalan kara shirka Nairobi?
waa faallo dheer oo Ibraahim Maxameddeeq ka qoray
shirka Soomaalida ka socda Kenya.... GUJI..
Dhoobley
oo lagu diley Saddex Walaalo ah
7 qof ayaa ku dhintay falal dil ah oo si
gaar-gaar ah uga kala dhacay Dhoobley, Muqdisha iyo degmada Lafoole... GUJI..
28/4
Masaajidka
Muslimiinta Sweden Oo Gubtay
Masaajidka ugu weyn ee ay leeyihiin muslimiinta ku
dhaqan dalalka waqooyiga Yurub ee Iskaandaneefiyanka ayaa GUJI..
28/4
Go’aankii
Ergada DKMG uga Qeybgaleysa Shirka NRB
Shir ay ergayda DKM ku yeesheen Hotel 680 Nairobi
ayaa qodobadii ay ku heshiiyeen waxaa kamid ahaa in.. GUJI..
28/4
DAREENKA
DADWEYNAHA IYO TODDOBAADKAN
Shaar Guduud oo shaarkii Bedeshay
»»Siilaanyo iyo Riyaale Kumaa Madaxweyne ah? »»Xaaji Muuse & Col.C/laahi
waa..
GUJI..
Qodobo
ay ku heshiiyeen Hogaamiyayaasha Soomaaliyeed ee ku shiraya Mbagathi
warbixintii IQRA FM.... GUJI
28/4
|