DAGAAL WIIL BAA KU DHINTA KUMASE DHASHO
WAXAAN BERYAHAN LA SOCONAYEY XAALADA KA DHEX ALOOSAN MAAMULADA
MAJEERTEENKA IYO ISAAQA WAXAAN IDIIN SHEEGAYAA WAXAA IDINKA MAQAN BELAAYO
OO INTII JAMUURIYADII SOOMAALIYA BURBURTAY AYAAD GAARTEEN HEER SARE WAXAANA
FIICAN IN BINI,AADNKU NIMCADA MAHADIYO WAAYO WADAMADIINA DAGAAL KAMA DHICIN
MUDADII SADEX IYO TOBANKA SANO AHAYD WAXAA FILAYAA HADDAAD DANTIINA GARAN
WAYDAAN INAAN IDIN ORANAAYO NABADA SOOMAALIYA KA DHACDAA WAXAY KU XIRAN
TAHAY DAGAAL DHEX MARA ISAAQA IYO MAJEERTEENKA DIB U MILICSO XIRIIRKA
LABADAA QOLO 1969KII KA HOR
CALOOWE1@HOTMAIL.COM
|
Inkasta oo ay dad badan oo runta iska indhatiraa ay ku sheegaan Somaliland
in ay beel u taliso, ayaa ay runtu tahay in ay ummadda Somaliland ka gudubtay
beelaysigii , caddayna ay u tahay xisbiyada siyaasadeed ka hirgalay Somaliland
iyo doorashadii u dambasay ee madaxtooyada , taas oo ay dadku muujiyeen sida au
ugu bisilyihiin siyaasada ka fog beelaysiga .Waxa kale oo jirta in ay dadka
dafirsan runta ay ku andoocoodaan in ay SNM u taliso Somaliland , SNM oo ay ku
sheegaan in ay ka soo jeedo beel qudha oo ka mida beelaha daga Somaliland ,
waxase ay runtu tahay haddii ay SNM ka soo jeedo beel qudha iyo haddii kaleba
in halgankii SNM ahaa mid xaq , lana dagaalamay kalidii taliyihii Afweyne, taas
la oo odhan karo in uu halgankii SNM ahaa mid matalaya xoraynta ummadda
Somaliyeed oo dhan, laguna tilmaami karin mid beeleed.Hadaba eedynta SNM ayaan
sal iyo raadtoona lahayn , iyada oo aynu ognahay in uu doorashadii madaxtooyada
uu Siilanyo, oo mar hagaaminayay SNM , uu ku guuldaraystay.
Halka ay SSDF isku badashay dawlad beeleed uu wali u taliyo hogaamiyhii ,
SSDF , Cadilaahi Yuusuf, taas oo lafteedu caddaynaysa waxa ay Somaliland iyo
Buntland ku kala duwan yihiin, taas oo ah qaran iyo beel. Haddiiba la leeyahay
SNM, SSDF iyo USC waxa ay ku salaysanaayeen beelo dawlad doona.
Maanta Somaliland waxa ay leedahay dawlad ay u dhantahay astaamihii ay
dawlad lahaan jirtay oo dhan, ha ahaato dastuur iyo xeer dawladeed dhan kala
hagi karana ummada Somaliland.Xuukuumada Somaliland waa muraayad ay iska arki
karto ummada SOMALILAND oo dhami, degmo kasta iyo gobol waliba, oo aan shaqo ku
lahayn wax beel qudha ku adeegsato .
Haddii aan eegno Buntland waxa aan nina ka qarsoonayn in uu yahay taliska
Buntland mid ku dhisan beel qudha, Harti, runtiina lugooyo ku ah Somalia , ama
qaranimada Somalia sababta oo ah, ha ahaato Buntland ama Somaliada kaleba waxa
cad sida ay Somalia uga dambayso Somaliland. Somalia oo dhan waxa ay u kala
qaybsantahay beelo iy jufooyin is wada haysta fikir qarnimona ka dheeryahay ,
halka ay Somaliland ka tahay qaran. Dad badan ayaa ku dooda ama been runta ka
sheega marka ay leeyihiin in ay Buntland u halgaymayso midnimida Somalia ,
iayada oo aan ognahay waxa ku hoos jiraa Buntland uu yahay Hartiland , waxa
caado u noqtay dadka qaarkii in ay yidhaadaan Buntland waxa ay la dagaalamaysaa
Somaliland oo Somilweyn diida, halka ay runtu ka tahay in hadfka Buntland yahay
lugooyoda sii qaybinta qaranimada Somalia iyo sii daba dheeraynta dhiibatada
Somalia. Waa loo garaabi lahaa Buntald hadii ay matasho qarnimo Somaliyeed ,
haddii sheegasheedeeda Sool iyo Sanaag ku salaysantahay sheegasho qarnimo ama
Somalinimo oo aanay ku salaysnayn mid beeleed, Somalida kalena way ku taageeri
lahayd , haddii ay dhacdo in ay Somaliland iyo Buntand ku dagaalamaan labdaa
gobol ee ka midka ah Somaliland,Taas markaa sababi lahayd ama keeni lahayd inay
Somaliland iyo Somalia xaliyaan khilaafkan , iyaga oo matalaya laba qaran ama
dawladood meeshana ka saari lahayd , khilaafkan beeledkan ay Buntland ay
Somaliland sanka ka soo galisay. Hadaba haddii ay Somaliland tahay qaran,
Buntland tahay dawlad beeleed , sidee ayuu u saamayn karaa Somaliada kale
dagaal dhexmaraa qaran iyo beel, mase midayn karaa dagaalkaasi Somalia si ay
ula xaajoodaan Somaliland iyaga oo qaran ah ?
Runtii khilaafkan Somaliland iyo Buntland ee ah sheegashada Buntland gobolo
ka mida Somaliland ayaa ay fiicnaan lahayd , hadii uu isku rogi lahaa ama
badali lahaa mid ah xalin kala go' Somaliland iyo Somalia ama wada hadal laba
qaran , taas oo adkayn qaranimada Somalia iyo Somalilandba meeshana ka saari
kala qaybsanaanta Somalida ee ku salaysan beelaha ama qabiil. Xalinta
khilaafkana waxa ay isku badli lahayd mid caalimi ah oo ay xalintiisa ka
qaybqaadan layd A.U. iyo U.N. meeshana ka saari lahayd dagaal qaran iyo beel
dhexmara.
Hadii se Somaliland la aqoonsado , aqoosigaasi ma midayn karaa Somalia si ay
u la xaajoodaan Somaliland , mise waxa socondoona khilaaf qarameedka iyo
beeleedka u dhaxeeya Somaliland iyo Buntland? Aqoonsiga Somaliland ma u noqon
karaa dawo Somalia isku soo dhawaysa?
Waa ay soctaa haddii uu xiligu ii ogolaado
Nabadeey
mahamud samatar
samatarapt@yahoo.com
QORAALADII HORE EE M. SAMATAR
Faafin: SomaliTalk Jan 5, 2003
Afeef: Aragtida qoraalkan waxaa
leh qoraag aku saxiixan